Author: saimat

 पारोळ्यातील आगीवर वेळीच नियंत्रण साईमत/पारोळा/प्रतिनिधी पारोळा शहरातील प्रभाग क्रमांक २ मध्ये आज सकाळी घडलेल्या आगीच्या घटनेत नगरसेवक पंकज मराठे यांनी दाखवलेल्या तत्परता, धाडस आणि नेतृत्वामुळे संभाव्य मोठा अनर्थ टळला. सावजी हॉटेलच्या पाठीमागील एका गोडाऊनला अचानक आग लागल्याने परिसरात काही काळ भीतीचे वातावरण पसरले होते. सकाळच्या सुमारास गोडाऊनमधून धूर आणि आगीच्या ज्वाळा दिसू लागताच स्थानिक नागरिकांनी तत्काळ नगरसेवक पंकज मराठे यांच्याशी संपर्क साधला. घटनेची माहिती मिळताच त्यांनी क्षणाचाही विलंब न करता घटनास्थळी धाव घेतली. परिस्थितीचे गांभीर्य ओळखून त्यांनी नगरपरिषदेच्या अग्निशामक बंबाला तात्काळ पाचारण केले तसेच संबंधित प्रशासकीय यंत्रणेशी संपर्क साधत आवश्यक त्या सूचना दिल्या. नगरपरिषदेचे कर्मचारी, सहकारी व स्थानिक नागरिक यांच्या…

शिक्षण व्यवस्थेतील काळा अध्याय उघड; , पाच जणांवर गुन्हा साईमत/ जळगाव /प्रतिनिधी शिक्षण क्षेत्रात पारदर्शकतेचा दावा करणाऱ्या व्यवस्थेलाच काळीमा फासणारा धक्कादायक प्रकार जळगावात उघडकीस आला आहे. बनावट कागदपत्रे तयार करून आणि तत्कालीन शिक्षणाधिकाऱ्यांची खोटी स्वाक्षरी वापरून शासनाची तब्बल ६ लाख २३ हजार ९७० रुपयांची आर्थिक फसवणूक करण्यात आल्याचा गंभीर आरोप असून, या प्रकरणी पाच जणांविरुद्ध जळगाव शहर पोलीस ठाण्यात गुन्हा दाखल करण्यात आला आहे. इकरा एज्युकेशन सोसायटीचे संस्थापक अध्यक्ष डॉ. अब्दुल करीम सालार यांनी दिलेल्या फिर्यादीवरून ही कारवाई करण्यात आली. या प्रकरणातील मुख्य सूत्रधार म्हणून अंजुमन-ए-तालिमुल मुस्लेमीन संस्थेचे उपाध्यक्ष सय्यद चाँद कासार यांचे नाव समोर आले आहे. त्यांनी आपल्या पदाचा…

 पालकमंत्री गुलाबराव पाटील यांच्या हस्ते जीपीएस मित्र परिवाराच्या अत्याधुनिक फिरत्या नेत्र तपासणी ॲम्बुलन्सचे लोकार्पण साईमत/ जळगाव /प्रतिनिधी हिंदुहृदयसम्राट शिवसेनाप्रमुख स्व. बाळासाहेब ठाकरे यांच्या जयंतीच्या पार्श्वभूमीवर पाळधी येथे सामाजिक बांधिलकीचे दर्शन घडविणारा कार्यक्रम उत्साहात पार पडला. पालकमंत्री गुलाबराव पाटील यांच्या हस्ते जीपीएस मित्र परिवाराच्या अत्याधुनिक फिरत्या नेत्र तपासणी ॲम्बुलन्सचे लोकार्पण तसेच पाळधी गाव व परिसरातील विविध विकासकामांचे भूमिपूजन व उद्घाटन करण्यात आले. यावेळी पालकमंत्री पाटील यांनी स्व. बाळासाहेब ठाकरे यांच्या प्रतिमेला माल्यार्पण करून अभिवादन केले. याप्रसंगी बोलताना पालकमंत्री गुलाबराव पाटील म्हणाले की, गरजूंची सेवा करणे हेच आमचे खरे व्रत आहे. समाजातील शेवटच्या घटकापर्यंत आरोग्यसेवा पोहोचलीच पाहिजे, या ध्येयाने शासन सातत्याने प्रयत्नशील…

सिमेंट पत्र्याला छिद्र पाडून आंघोळीचे व्हिडीओ; साईमत/ जळगाव /प्रतिनिधी शहरातील एमआयडीसी परिसरात माणुसकीला काळीमा फासणारी धक्कादायक घटना उघडकीस आली असून, एका नराधमाने महिला व तिच्या मुलीचे आंघोळ करतानाचे व्हिडीओ मोबाईलमध्ये चित्रीत करून त्यांचा विनयभंग केल्याचा प्रकार समोर आला आहे. या प्रकरणी गुरुवारी (ता. २२) सायंकाळी ६.३० वाजता एमआयडीसी पोलीस ठाण्यात आरोपीविरुद्ध गुन्हा दाखल करण्यात आला आहे. एमआयडीसी परिसरातील एका भागात ३८ वर्षीय महिला आपल्या मुलीसह वास्तव्यास आहेत. आरोपी पुरुषोत्तम निवृत्ती कुटे (रा. केशव नगर, ता. रिसोड, जि. वाशिम) याने संबंधित इमारतीच्या सिमेंट पत्र्याला छिद्र पाडून महिला व तिची मुलगी आंघोळ करत असताना मोबाईलद्वारे व्हिडीओ चित्रीत केल्याचे तक्रारीत नमूद आहे. या…

किरकोळ वादातून तरुणाचा निर्घृण खून साईमत/ जळगाव(आव्हाने )/प्रतिनिधी जळगाव तालुक्यातील आव्हाने गावात गुरुवारी रात्री घडलेल्या एका धक्कादायक घटनेने संपूर्ण जिल्हा हादरून गेला आहे. किरकोळ वादातून चौघांनी संगनमताने केलेल्या प्राणघातक हल्ल्यात ३२ वर्षीय सागर दिलीप बिऱ्हाडे यांचा मृत्यू झाला. या घटनेमुळे गावासह परिसरात तीव्र संतापाची लाट उसळली असून, आरोपींना तात्काळ अटक करण्याच्या मागणीसाठी शुक्रवारी (ता. २३) नातेवाईकांसह लहुजी शक्ती ब्रिगेडच्या कार्यकर्त्यांनी पोलीस अधीक्षक कार्यालयात ठिय्या आंदोलन केले. मिळालेल्या माहितीनुसार, गुरुवारी रात्री सागर बिऱ्हाडे यांचा काही जणांशी किरकोळ वाद झाला होता. या वादाचे रूपांतर हाणामारीत झाले आणि चौघा आरोपींनी सागर यांच्यावर प्राणघातक हल्ला चढवला. गंभीर जखमी अवस्थेत सागर यांना रुग्णालयात दाखल करण्यात…

भुसावळच्या तरुणीचा जागीच अंत साईमत/ जळगाव (नशिराबाद)/प्रतिनिधी– जळगावहून भुसावळकडे जाणाऱ्या भरधाव कारचा ताबा सुटल्याने झालेल्या भीषण अपघातात भुसावळ येथील २२ वर्षीय तरुणीचा जागीच मृत्यू झाला. नशिराबादजवळील टोलनाक्याजवळ गुरुवारी (ता. २२) रात्री साडेआठच्या सुमारास ही हृदयद्रावक घटना घडली. या अपघातात कारमधील एक तरुण गंभीर जखमी झाला असून त्याच्यावर जळगाव येथील खासगी रुग्णालयात उपचार सुरू आहेत. मिळालेल्या माहितीनुसार, जळगावकडून भुसावळच्या दिशेने निघालेली इनोव्हा कार (क्र. एमएच १९ बीयू ७१८६) नशिराबादजवळील टोलनाक्याजवळ आली असता चालकाचा वाहनावरील ताबा सुटला. वेगात असलेली कार महामार्गावरील दुभाजक (डिव्हायडर) तोडून थेट विरुद्ध दिशेच्या मार्गिकेत शिरली. त्याचवेळी समोरून येणाऱ्या कंटेनरला (क्र. जीजे ०१ डीएक्स ९४९७) ती जोरात धडकली. धडकेचा…

 आरोपी पसार, परिसरात भीतीचे वातावरण साईमत/ जळगाव /प्रतिनिधी जळगाव तालुक्यातील आव्हाणे गावात गुरुवारी (ता. २२) रात्री घडलेल्या एका धक्कादायक घटनेने संपूर्ण तालुका हादरून गेला आहे. क्षुल्लक कारणावरून झालेल्या वादातून एका ३२ वर्षीय तरुणाची हत्या झाल्याची घटना जुना मारुती मंदिर परिसरात रात्री सुमारे ९ वाजेच्या सुमारास घडली. सागर अरुण बिऱ्हाडे असे मृत तरुणाचे नाव असून, या घटनेमुळे गावात भीती व हळहळीचे वातावरण पसरले आहे. प्राप्त माहितीनुसार, सागर बिऱ्हाडे आणि एका संशयित तरुणामध्ये काही कारणावरून शाब्दिक वाद झाला. पाहता पाहता या वादाचे रूपांतर जोरदार हाणामारीत झाले. संतापाच्या भरात संशयित आरोपीने सागरला जोरात ढकलले. या झटापटीत सागरच्या डोक्याला गंभीर दुखापत झाली आणि तो…

महाराष्ट्रातील २९ महानगरपालिकांमध्ये महापौरपदाचे आरक्षण जाहीर करण्यात आले साईमत/मुंबई  /प्रतिनिधी महाराष्ट्रातील २९ महानगरपालिकांमध्ये महापौरपदाचे आरक्षण जाहीर करण्यात आले असून, यंदा १५ महानगरपालिकांमध्ये महिला महापौरांचा शासन स्थापणार आहेत. गुरुवारी नगरविकास राज्यमंत्री माधुरी मिसाळ यांच्या उपस्थितीत नगरविकास मंत्रालयात या आरक्षणाची अधिकृत घोषणा करण्यात आली. ५० टक्के महिला आरक्षण धोरणानुसार हे पाऊल राज्यातील स्थानिक स्वराज्य संस्थांमध्ये महिलांच्या नेतृत्वाला अधिक बळकटी देणार आहे. राजकीयदृष्ट्या अत्यंत महत्त्वाच्या मुंबई, पुणे, नागपूर आणि नाशिक या चारही प्रमुख शहरांमध्ये महिला महापौरांसाठी सर्वसाधारण आरक्षण जाहीर करण्यात आले आहे. त्यामुळे या शहरांचे विकास आणि निर्णय घेण्याची सूत्रे महिलांच्या हाती जाणार आहेत, असा संदेश या आरक्षणातून स्पष्ट होत आहे. आरक्षणानुसार, मुंबई,…

 १६७ शाळांमध्ये खेळासाठी नवसुविधा उभारल्या जाणार साईमत/ जळगाव /प्रतिनिधी जिल्हा परिषद शाळांमध्ये विद्यार्थ्यांचा शारीरिक व मानसिक विकास सुनिश्चित करण्यासाठी ‘पालकमंत्री क्रीडांगण विकास योजना’ राबविण्यात येत आहे. या योजनेअंतर्गत जिल्ह्यातील १६७ शाळांसाठी १२ कोटी १४ लाख ४० हजार रुपयांचा निधी मंजूर करण्यात आला आहे. ग्रामीण भागातील शाळांमध्ये क्रीडासुविधांचा अभाव विद्यार्थ्यांचा खेळाकडे ओढा कमी करीत होता, ज्याचा थेट परिणाम त्यांच्या शारीरिक तंदुरुस्ती, मानसिक उत्साह आणि स्पर्धात्मक वृत्तीवर होत होता. आता या योजनेमुळे विद्यार्थ्यांना नियमित खेळाची संधी उपलब्ध होणार असून शाळांमधील उपस्थिती आणि पटसंख्याही वाढण्यास मदत होणार आहे. योजनेअंतर्गत ९९ शाळांना प्रत्येकी १० लाख रुपये आणि ६७ शाळांना प्रत्येकी ३ लाख २० हजार…

रागाच्या भरात घर सोडून गेलेली १५ वर्षीय मुलगी फक्त २४ तासांत शोधून पालकांच्या स्वाधीन करण्यात आली. साईमत/ एरंडोल (कासोदा) /प्रतिनिधी: जळगाव जिल्हा पोलीस दलाच्या ‘ऑपरेशन मुस्कान’ मोहिमेला मिळालेलं यश स्थानिक पोलीस दलासाठी गौरवाचे ठरलं आहे. कासोदा पोलीस ठाण्याच्या तत्पर कारवाईमुळे रागाच्या भरात घर सोडून गेलेली १५ वर्षीय मुलगी फक्त २४ तासांत शोधून पालकांच्या स्वाधीन करण्यात आली. सविस्तर वृत्तानुसार, मुलगी काहीही सांगितल्याशिवाय अचानक घर सोडून निघून गेली होती. घटनेची गंभीरता ओळखून कासोदा पोलीस पथकाने त्वरित तपास सुरू केला. पोलिसांनी मुलीच्या गावापासून मुख्य महामार्गापर्यंतच्या सीसीटीव्ही कॅमेऱ्यांची तपासणी केली आणि जवळच्या पोलीस ठाण्यांना मुलीच्या वर्णनानुसार सूचना दिल्या. तपासादरम्यान, चाळीसगाव पोलीस ठाण्याच्या हद्दीत पायी…