Author: saimat

पोलीस ठाण्यात कोयत्याचा धुडगूस; अधिकाऱ्यांना जीवे मारण्याची धमकी देणारा तरुण अटकेत साईमत एरंडोल प्रतिनिधी : एरंडोल येथे पोलीस ठाण्यात घडलेल्या एका थरारक घटनेने परिसरात खळबळ उडाली आहे. आपल्या ओळखीच्या संशयितांना अटक का करण्यात आली नाही, या कारणावरून संतप्त झालेल्या एका तरुणाने थेट पोलीस ठाण्यात घुसून हातात कोयता घेत गोंधळ घालत पोलीस अधिकारी व कर्मचाऱ्यांना जीवे मारण्याची धमकी दिल्याची गंभीर घटना घडली आहे. या प्रकरणी संबंधित तरुणाविरुद्ध एरंडोल पोलीस ठाण्यात गुन्हा दाखल करून त्याला अटक करण्यात आली आहे. मिळालेल्या माहितीनुसार, १९ एप्रिल रोजी रात्रीच्या सुमारास एरंडोल पोलीस ठाण्यात नेहमीप्रमाणे पोलीस कर्मचारी कर्तव्यावर असताना समाधान राधो अहिरे (वय ३२, रा. केवडपुरा, एरंडोल) हा तरुण…

 नशिराबाद पोलिसांची धडाकेबाज कारवाई साईमत नशिराबाद  प्रतिनिधी : बसस्थानक परिसरात हातात गावठी पिस्तूल घेऊन दहशत निर्माण करणाऱ्या सराईत गुन्हेगाराला नशिराबाद पोलिसांनी रविवारी (दि. १९ एप्रिल) सायंकाळी सुमारे ६ वाजता मोठ्या शिताफीने अटक केली. या कारवाईमुळे परिसरात काही काळ तणावाचे वातावरण निर्माण झाले असले तरी पोलिसांच्या तत्परतेमुळे परिस्थिती नियंत्रणात आली.अटक करण्यात आलेल्या आरोपीचे नाव कमलाकर प्रभाकर महाजन (वय ३६, रा. नशिराबाद) असे आहे. मिळालेल्या माहितीनंतर तात्काळ कारवाई नशिराबाद बसस्थानक परिसरात एक इसम गावठी पिस्तूल घेऊन नागरिकांमध्ये भीती निर्माण करत असल्याची माहिती नशिराबाद पोलीस ठाण्याच्या सहाय्यक पोलीस निरीक्षक योगिता नारखेडे यांना मिळाली. माहिती मिळताच त्यांनी तात्काळ हालचाल करत पोलीस उपनिरीक्षक हरीष पाटील…

रुक्मिणी नगर ते वाघ नगर पट्ट्यात संध्याकाळनंतर असुरक्षिततेचे सावट; नागरिकांची कडक कारवाईची मागणी साईमत जळगाव प्रतिनिधी : शहरातील वाघ नगर परिसरात गेल्या काही दिवसांपासून टवाळखोरांचा वाढता धिंगाणा नागरिकांसाठी गंभीर डोकेदुखी ठरत आहे. विशेषतः संध्याकाळनंतर या भागात असुरक्षिततेचे वातावरण निर्माण होत असून रुक्मिणी नगर ते वाघ नगर या दरम्यान राहणाऱ्या नागरिकांना, व्यावसायिकांना तसेच महिला व मुलींना मोठ्या प्रमाणावर त्रास सहन करावा लागत आहे. गिरणा पंपिंग रस्त्यावरील श्री साई डेअरीजवळ सायंकाळी सात ते रात्री अकरा वाजेपर्यंत काही टवाळखोर तरुणांचा अड्डा तयार होत असल्याचे चित्र आहे. या ठिकाणी मोठमोठ्याने गोंधळ घालणे, दुचाकी रस्त्यावर उभ्या करून वाहतुकीत अडथळा निर्माण करणे, तसेच सार्वजनिक ठिकाणी असभ्य वर्तन…

साईमत / विरुधुनगर तामिळनाडूतील विरुधुनगर जिल्ह्यातील कट्टनारपट्टी परिसरात असलेल्या एका फटाका निर्मिती कारखान्यात भीषण स्फोट होऊन मोठी दुर्घटना घडली आहे. या दुर्घटनेत आतापर्यंत १६ जणांचे मृतदेह ढिगाऱ्याखालून बाहेर काढण्यात आले असून, अजूनही अनेक कामगार मलब्याखाली अडकल्याची भीती व्यक्त केली जात आहे. स्फोट इतका तीव्र होता की काही क्षणांतच आगीने शेजारील चार फटाका युनिट्सनाही वेढले. या घटनेमुळे संपूर्ण परिसरात गोंधळ उडाला असून नागरिकांमध्ये भीतीचे वातावरण निर्माण झाले आहे. स्फोटाच्या धक्क्याने आसपासच्या इमारतींचेही मोठे नुकसान झाल्याची माहिती मिळत आहे. घटनेची माहिती मिळताच अग्निशमन दल, पोलीस आणि आपत्ती व्यवस्थापन पथके तातडीने घटनास्थळी दाखल झाली असून, मलबा हटवण्याचे आणि बचावकार्याचे काम युद्धपातळीवर सुरू आहे. परिसराला…

 प्लास्टिक डेपो जळून खाक, परिसरात भीतीचे वातावरण साईमत भडगाव प्रतिनिधी : शहरातील मिनी एमआयडीसी परिसरात आज दुपारच्या सुमारास अचानक लागलेल्या भीषण आगीने मोठी खळबळ उडाली. प्लास्टिक साठवणूक असलेल्या डेपोला लागलेल्या या आगीने काही क्षणांतच रौद्ररूप धारण करत संपूर्ण परिसरात दाट धुराचे लोट पसरवले. या घटनेमुळे नागरिकांमध्ये भीतीचे वातावरण निर्माण झाले होते. दुपारच्या वेळी मिनी एमआयडीसी परिसरातून अचानक धूर उठताना स्थानिक नागरिकांच्या लक्षात आले. काही वेळातच आगीच्या मोठ्या ज्वाळा आकाशापर्यंत उसळू लागल्या. प्लास्टिक साहित्य मोठ्या प्रमाणात साठवलेले असल्याने आग झपाट्याने पसरली आणि काही मिनिटांतच संपूर्ण डेपो आगीच्या विळख्यात सापडला. जळणाऱ्या प्लास्टिकमुळे निर्माण झालेला दाट आणि विषारी धूर परिसरात पसरल्याने नागरिकांना श्वास घेण्यास…

साईमत / वृत्तसंस्था मध्यपूर्वेत पुन्हा एकदा तणाव वाढल्याचे चित्र निर्माण झाले आहे. इराणच्या इस्लामिक रिव्हॉल्युशनरी गार्ड कॉर्प्स (IRGC) नौदलाने होर्मुझ सामुद्रधुनीतून मार्गक्रमण करत असलेल्या दोन तेल जहाजांना परत माघारी जाण्यास भाग पाडल्याची माहिती समोर आली आहे. ही माहिती आयआरजीसीशी संलग्न तस्नीम वृत्तसंस्थेने दिली आहे. मिळालेल्या माहितीनुसार, रविवारी (१९ एप्रिल) बोत्सवाना आणि अंगोला या देशांचे झेंडे असलेली दोन तेलवाहू जहाजे होर्मुझ सामुद्रधुनी पार करण्याचा प्रयत्न करत होती. मात्र इराणच्या नौदलाने हस्तक्षेप करत या जहाजांना पुढे जाण्यास स्पष्ट मनाई केली आणि त्यांना परत फिरण्याचे आदेश दिले. आदेशानुसार दोन्ही जहाजे माघारी वळल्याचे वृत्त आहे. दरम्यान, होर्मुझ सामुद्रधुनीच्या नियंत्रणावरून सुरू असलेल्या तणावामुळे परिस्थिती अधिकच…

साईमत / उत्तर प्रदेश उत्तर प्रदेशातील कानपूर शहरातून एक अत्यंत धक्कादायक आणि मन हेलावून टाकणारी घटना समोर आली आहे. एका पित्यानेच आपल्या दोन अल्पवयीन जुळ्या मुलींची निर्घृण हत्या केल्याने संपूर्ण परिसरात संताप आणि भीतीचे वातावरण पसरले आहे. ही घटना नौबस्ता पोलीस ठाण्याच्या हद्दीतील त्रिमूर्ती अपार्टमेंटमध्ये रविवारी पहाटे सुमारे ४:३० वाजता घडली. आरोपी पित्याने आपल्या ११ वर्षांच्या जुळ्या मुलींचा धारदार शस्त्राने गळा चिरून खून केला. या घटनेमुळे परिसरात एकच खळबळ उडाली. मिळालेल्या माहितीनुसार, घटनेची माहिती यूपी-112 वरून पोलिसांना देण्यात आली. माहिती मिळताच पोलीस आणि वरिष्ठ अधिकारी तात्काळ घटनास्थळी दाखल झाले. घरात प्रवेश करताच दोन्ही मुलींचे रक्तबंबाळ अवस्थेतील मृतदेह पाहून सर्वजण हादरून…

तडीपार गुन्हेगारांवर पोलिसांचा कडक वॉच; रात्री होणार अचानक तपासणी साईमत भुसावळ प्रतिनिधी : शहरातून हद्दपार करण्यात आलेल्या गुन्हेगारांवर नियंत्रण ठेवण्यासाठी भुसावळ पोलिसांनी आता विशेष आणि कडक मोहीम हाती घेतली आहे. तडीपार आदेशाचे उल्लंघन करून काही गुन्हेगार पुन्हा शहरात प्रवेश करत असल्याच्या संशयाच्या पार्श्वभूमीवर, पोलिसांनी रात्रीच्या वेळी अचानक तपासणी करण्याचा निर्णय घेतला आहे. या कारवाईमुळे गुन्हेगारी प्रवृत्तीवर मोठा आळा बसण्याची अपेक्षा व्यक्त केली जात आहे. पोलीस उपअधीक्षक केदार बारबोले यांच्या मार्गदर्शनाखाली भुसावळ शहर आणि बाजारपेठ पोलीस ठाण्यांच्या गुन्हे शोध पथकांना या संदर्भात विशेष सूचना देण्यात आल्या आहेत. रात्रीच्या गस्तीदरम्यान तडीपार करण्यात आलेल्या व्यक्तींच्या घरी जाऊन ते शहरात उपस्थित आहेत का, याची प्रत्यक्ष…

साईमत / नागपूर नागपूर जिल्ह्यातील कामठी येथील गांधीनगर भाजी मंडी परिसरात सकाळच्या सुमारास घडलेल्या गॅस सिलिंडर स्फोटाच्या भीषण घटनेने परिसरात एकच खळबळ उडाली. या दुर्घटनेत अतुल उर्फ बंटी पानतावणे (वय 40) यांचा दुर्दैवी मृत्यू झाला असून सुमारे दहा जण जखमी झाल्याची प्राथमिक माहिती समोर आली आहे. मिळालेल्या माहितीनुसार, पानतावणे यांच्या पत्नी स्वयंपाकघरात चहा तयार करत असताना अचानक गॅस गळती झाली. काही क्षणातच आगीने रौद्र रूप धारण केले आणि त्यानंतर गॅस सिलिंडरचा जोरदार स्फोट झाला. या स्फोटामुळे संपूर्ण घर आगीच्या भक्ष्यस्थानी गेले. घटनेत घरातील सर्व साहित्य—जीवनावश्यक वस्तू, कपडे, टीव्ही, फ्रीज तसेच सोन्याचे दागिने—जळून खाक झाले असून सुमारे पाच लाख रुपयांचे आर्थिक…

आखाजी सणाची धूम; खापरावरच्या पुरणपोळ्यांना विशेष मागणी साईमत जळगाव प्रतिनिधी : खानदेशातील पारंपरिक आणि श्रद्धेशी जोडलेला अक्षय तृतीया अर्थात ‘आखाजी’ सण यंदाही मोठ्या उत्साहात साजरा होत असून जळगाव शहरात खापरावर भाजलेल्या पुरणपोळ्यांना प्रचंड मागणी दिसून येत आहे. शहरातील विविध भागांत सकाळपासूनच ग्राहकांच्या लांबच लांब रांगा लागल्याचे चित्र पाहायला मिळत आहे. खानदेशात अक्षय तृतीया हा सण ‘आखाजी’ म्हणून ओळखला जातो. या दिवशी खापरावर भाजलेल्या पारंपरिक पुरणपोळ्या आणि आंब्याच्या रसाचा नैवेद्य पूर्वजांना अर्पण करण्याची प्रथा आहे. ही परंपरा पिढ्यानपिढ्या जपली जात असून आजही ती तितक्याच श्रद्धेने आणि उत्साहाने पाळली जाते. यंदाच्या आखाजीनिमित्तही नागरिकांनी पारंपरिक पद्धतीने तयार केलेल्या खापरावरच्या पुरणपोळ्यांना विशेष पसंती दिली आहे.…