Author: saimat

सार्वजनिक जागेच्या वादातून रक्तरंजित हल्ला; सासू-सुनेवर कुऱ्हाडीने प्राणघातक वार साईमत जळगाव प्रतिनिधी   किरकोळ कारणावरून सुरू झालेला वाद कधी हिंसक वळण घेतो, याचे धक्कादायक उदाहरण जळगाव तालुक्यातील नांद्रा खुर्द येथे समोर आले आहे. ग्रामपंचायतीच्या सार्वजनिक जागेवर कुंपण घालण्यावरून झालेल्या वादातून एका ६२ वर्षीय वृद्ध महिला आणि त्यांच्या सुनेवर कुऱ्हाडीने जीवघेणा हल्ला करण्यात आल्याची गंभीर घटना उघडकीस आली आहे. या प्रकरणी तालुका पोलीस ठाण्यात आरोपीविरुद्ध विविध कलमान्वये गुन्हा दाखल करण्यात आला आहे. मिळालेल्या माहितीनुसार, मंगलबाई गोपीचंद सपकाळे (वय ६२, रा. नांद्रा खुर्द) यांनी आरोपी सचिन ज्ञानेश्वर सोनवणे याला ग्रामपंचायतीच्या येण्या-जाण्याच्या सार्वजनिक जागेवर कुंपण घालण्यास मज्जाव केला होता. “येथे कुंपण घालू नको,” असे…

शासनाच्या आरोग्य योजनांअंतर्गत गंभीर आजारांवरील उपचारासाठी मोठा दिलासा; राज्यभरात ४० हजारांहून अधिक रुग्णांना लाभ साईमत / जळगांव शासनाच्या विविध आरोग्यविषयक योजनांमधून मदत न मिळालेल्या पात्र व गरजू रुग्णांसाठी मुख्यमंत्री वैद्यकीय सहाय्यता निधी हा मोठा आधार ठरत आहे. जळगाव जिल्ह्यात या आर्थिक वर्षात तब्बल १६१० रुग्णांना सुमारे १३ कोटी ३३ लाख रुपयांची वैद्यकीय आर्थिक मदत वितरित करण्यात आली आहे. मुख्यमंत्री देवेंद्र फडणवीस यांच्या दूरदृष्टीतून या योजनेत जिल्हा कक्षाची स्थापना, पेपरलेस अर्ज प्रक्रिया तसेच अर्जांचा तातडीने निपटारा यांसारखे महत्त्वाचे बदल करण्यात आले आहेत. त्यामुळे मदत वितरण प्रक्रिया अधिक वेगवान आणि पारदर्शक झाली आहे. या योजनेत सामंजस्य करार, क्राउड फंडिंग तसेच धर्मादाय रुग्णालये…

साईमत / दिल्ली दिल्ली विमानतळावर मोठी धक्कादायक घटना घडली आहे. स्पाईसजेट आणि अकासा एअर या दोन विमानांच्या पंखांची टक्कर झाल्याने विमानसेवा काही काळासाठी थांबवण्यात आली आहे. मिळालेल्या माहितीनुसार, अकासा एअरचे QP 1406 हे विमान दिल्लीहून हैदराबादला जाण्यासाठी सज्ज होते. त्याच वेळी दुसऱ्या विमानामुळे या विमानाच्या पंखाला धडक बसली. ही घटना टॅक्सींगदरम्यान घडल्याचे सांगण्यात आले आहे. या घटनेनंतर तातडीने सर्व प्रवाशांना सुरक्षितपणे विमानातून बाहेर काढण्यात आले असून कोणतीही जीवितहानी किंवा जखमी झाल्याचे वृत्त नाही. विमानतळावरील उड्डाणे तात्पुरती थांबवण्यात आली आहेत. अकासा एअरच्या प्रवक्त्याने दिलेल्या माहितीनुसार, सर्व प्रवासी आणि कर्मचारी सुरक्षित आहेत. त्यांना हैदराबादला पोहोचवण्यासाठी पर्यायी व्यवस्था करण्यात येत आहे. दुसरीकडे, स्पाईसजेटच्या…

जळगाव हादरले भोंदूबाबा आणि पोलीस पत्नीचा अघोरी पूजेच्या नावाखाली ११ लाखांचा गंडा साडेतीन वर्षांनंतरही आरोपी फरार साईमत जळगाव प्रतिनिधी जळगाव शहरात अघोरी विद्या, करणी-बाधा दूर करण्याचे तसेच गुप्तधन मिळवून देण्याचे आमिष दाखवून एका महिला ग्राफिक डिझायनरची तब्बल ११ ते १२ लाख रुपयांची फसवणूक झाल्याचा धक्कादायक प्रकार उघडकीस आला आहे. या प्रकरणातील विशेष गंभीर बाब म्हणजे आरोपींमध्ये एका भोंदू बाबासोबतच त्याची पोलीस दलात कार्यरत असलेली पत्नीही सहभागी असल्याचे समोर आले आहे. गुन्हा दाखल होऊन साडेतीन वर्षे उलटली तरी आरोपी अद्याप पोलिसांच्या हाती लागलेले नाहीत. त्यामुळे पीडित महिलेने थेट जळगाव पोलीस अधीक्षकांकडे धाव घेत न्यायाची मागणी केली आहे. मिळालेल्या माहितीनुसार, पीडित महिला…

मध्यरात्री घडलेल्या घटनेने प्रवाशांमध्ये भीतीचे वातावरण; महिला प्रवाशांना लक्ष्य करत दागिन्यांची चोरी साईमत / सातारा काही दिवसांपूर्वी साताऱ्यातील कराड येथे सह्याद्री एक्सप्रेसवर घडलेल्या दरोड्यासारखीच घटना पुन्हा एकदा समोर आली आहे. यावेळी परभणी जिल्ह्यातील मानवत रोड रेल्वे स्थानकाजवळ काकीनाडा साईनगर एक्सप्रेस (गाडी क्रमांक १७२०६) वर दरोडा पडल्याची धक्कादायक घटना घडली आहे. बुधवारी मध्यरात्री ही गाडी परभणीच्या दिशेने येत असताना, अज्ञात चोरट्यांनी रेल्वे सिग्नल यंत्रणेत बिघाड केल्याने सिग्नलचा लाल दिवा लागला आणि ट्रेन थांबली. ही संधी साधत दरोडेखोरांनी थांबलेल्या ट्रेनमध्ये प्रवेश केला. चोरट्यांनी जनरल आणि एस-४ डब्यात शिरून थेट प्रवाशांना लक्ष्य केले. विशेषतः महिला प्रवाशांकडील सोन्याचे दागिने आणि मौल्यवान वस्तू हिसकावून घेतल्या…

महामार्ग मोकळा करण्यासाठी कठोर पाऊल; कारवाईदरम्यान नागरिक संतप्त साईमत जळगाव प्रतिनिधी शहरातील राष्ट्रीय महामार्गावरील वाढती वाहतूक कोंडी कमी करण्यासाठी प्रशासनाने गुरुवारी आक्रमक भूमिका घेत मोठ्या प्रमाणावर अतिक्रमण हटविण्याची मोहीम राबवली. महानगरपालिका, भारतीय राष्ट्रीय महामार्ग प्राधिकरण (NHAI) आणि पोलीस दलाच्या संयुक्त पथकाने १६ एप्रिल रोजी सकाळी १० वाजेपासून सुरू केलेल्या या कारवाईमुळे शहरात दिवसभर खळबळ उडाली. मात्र, या मोहिमेदरम्यान ठिकठिकाणी वाद आणि गोंधळाचे प्रसंगही उभे राहिले. कारवाईची सुरुवात अजिंठा चौफुलीजवळील कब्रस्थान परिसरातून करण्यात आली. सुरुवातीलाच एका चारचाकी वाहनावर कारवाई करताना संबंधितांनी तीव्र विरोध दर्शविल्याने काही काळ तणावाचे वातावरण निर्माण झाले. पथकाने वाहन ट्रॅक्टरमध्ये टाकण्याचा प्रयत्न केल्याने संतप्त नागरिकांनी आक्षेप घेतला. परिस्थिती…

PLFS अहवालातून धक्कादायक वास्तव; महिलांमध्ये बेरोजगारी जास्त, कामगार सहभागात घट साईमत / नवी दिल्ली जागतिक आर्थिक अनिश्चिततेच्या पार्श्वभूमीवर देशातील रोजगारस्थिती अधिकच चिंताजनक होत असल्याचे स्पष्ट झाले आहे. सांख्यिकी आणि कार्यक्रम अंमलबजावणी मंत्रालय (MoSPI) यांच्या पिरिओडीक लेबर फोर्स सर्वे (PLFS) च्या ताज्या अहवालानुसार, मार्च महिन्यात बेरोजगारीच्या दरात वाढ नोंदवली गेली असून, त्यातही तरुण वर्ग सर्वाधिक प्रभावित झाल्याचे दिसून येते. अहवालानुसार, 15 ते 29 वयोगटातील बेरोजगारीचा दर मार्चमध्ये 15.2 टक्क्यांवर पोहोचला आहे. फेब्रुवारीत हा दर 14.8 टक्के होता. म्हणजेच अल्पावधीतच बेरोजगारीत वाढ झाली असून, गेल्या नऊ महिन्यांतील हा सर्वोच्च स्तर ठरला आहे. याआधी जून 2025 मध्ये हा दर 15.3 टक्क्यांवर होता. एकूण…

जळगावात महिला कर्मचारी एसीबीच्या जाळ्यात; संच वाटप केंद्रावर रंगेहात पकड साईमत जळगाव प्रतिनिधी लहानशी वाटणारी १०० रुपयांची लाच अखेर मोठ्या गैरप्रकाराचा पर्दाफाश ठरली. महाराष्ट्र इमारत व इतर बांधकाम कल्याणकारी मंडळांतर्गत मिळणाऱ्या गृह उपयोगी वस्तूंच्या संचासाठी ‘केवायसी’ करण्याच्या नावाखाली लाच स्वीकारणाऱ्या महिला कर्मचाऱ्याला लाचलुचपत प्रतिबंधक विभागाने (ACB) रंगेहात पकडले. या कारवाईत टेबलाखालून तब्बल ४१ हजार २५० रुपयांची रोख रक्कमही जप्त करण्यात आल्याने प्रकरणाला अधिक गंभीर वळण मिळाले आहे. मिळालेल्या माहितीनुसार, शासनाकडून बांधकाम मजुरांना गृह उपयोगी वस्तूंचे संच वाटप केले जातात. यासाठी तक्रारदाराने ९ एप्रिल रोजी ऑनलाइन नोंदणी केली होती. त्यानंतर १५ एप्रिल रोजी चिंचोली (ता. जि. जळगाव) येथील केंद्रावर संच घेण्यासाठी…

जळगाव मनपात ७ नव्या स्वीकृत नगरसेवकांची एन्ट्री साईमत जळगाव  प्रतिनिधी गेल्या अनेक दिवसांपासून प्रतीक्षेत असलेल्या जळगाव शहर महानगरपालिकेतील ७ स्वीकृत नगरसेवक पदांचा राजकीय पेच अखेर सुटला असून, बुधवारी (दि. १५ एप्रिल) झालेल्या विशेष महासभेत सर्वपक्षीय उमेदवारांची एकमताने निवड करण्यात आली. या निर्णयामुळे महापालिकेतील राजकीय वातावरणात सुरू असलेली अनिश्चितता संपुष्टात आली आहे. महापौर दीपमाला काळे यांच्या अध्यक्षतेखाली पार पडलेल्या विशेष महासभेत भारतीय जनता पक्ष, शिवसेना (शिंदे गट) आणि शिवसेना (ठाकरे गट) यांच्या उमेदवारांच्या नावांवर शिक्कामोर्तब करण्यात आले. या निवड प्रक्रियेत कोणताही विरोध नोंदवला न जाता सर्व सदस्यांची सहमतीने निवड झाल्याने ही सभा विशेष ठरली. नवीन नियुक्तीनुसार भारतीय जनता पक्षाकडून डॉ. राधेश्याम चौधरी,…

 वाहतूक कोंडीला आळा घालण्यासाठी महापालिका–पोलीस प्रशासनाची संयुक्त मोहीम; तीन दिवसांत मोठी कारवाई साईमत जळगाव प्रतिनिधी  शहरालगतच्या राष्ट्रीय महामार्गांवरील वाढत्या अतिक्रमणांमुळे निर्माण झालेल्या गंभीर वाहतूक कोंडीवर नियंत्रण मिळवण्यासाठी महापालिका आणि पोलीस प्रशासनाने संयुक्त कठोर कारवाईचा निर्णय घेतला आहे. महापौर दीपमाला काळे यांच्या अध्यक्षतेखाली महानगरपालिकेत झालेल्या उच्चस्तरीय आढावा बैठकीत या मोहिमेचे सविस्तर नियोजन करण्यात आले. या बैठकीला स्थायी समिती सभापती डॉ. चंद्रशेखर पाटील, आयुक्त ज्ञानेश्वर ढेरे, पोलीस उपविभागीय अधिकारी नितीन गणापुरे, उपायुक्त पंकज गोसावी, वाहतूक शाखेचे पोलीस निरीक्षक पवन देसले, नगरसेवक अरविंद देशमुख, नगरसेविका ॲड. शुचिता हाडा तसेच ‘NHAI’चे राहुल पाटील आणि अतिक्रमण विभाग प्रमुख संजय ठाकूर उपस्थित होते. महामार्गावरील नेरी नाका…