Author: saimat

शालार्थ घोटाळ्याचा तपास वेगात १८ एप्रिलपर्यंत हजर राहण्याचे आदेश साईमत जळगाव  प्रतिनिधी राज्यासह जळगाव जिल्ह्यात मोठी खळबळ उडवणाऱ्या शालार्थ घोटाळा प्रकरणात नाशिक एसआयटीने तपासाची गती अधिक तीव्र केली असून जळगाव जिल्ह्यातील ४८ शिक्षण अधिकारी व कर्मचाऱ्यांना चौकशीसाठी हजर राहण्याच्या नोटिसा बजावण्यात आल्या आहेत. या सर्वांना १८ एप्रिलपर्यंत नाशिक विभागीय मंडळ कार्यालयात हजर राहण्याचे स्पष्ट आदेश देण्यात आले आहेत. माध्यमिक शिक्षण अधिकारी कल्पना चव्हाण यांच्या मार्फत या नोटिसा संबंधित अधिकारी व कर्मचाऱ्यांपर्यंत पोहोचवण्यात आल्या आहेत. यामध्ये जळगावच्या माध्यमिक शिक्षण विभागातील आजी-माजी शिक्षण अधिकारी, उपशिक्षण अधिकारी तसेच इतर कर्मचाऱ्यांचा समावेश असल्याचे समोर आले आहे. दरम्यान, नाशिक आर्थिक गुन्हे शाखेच्या पथकाने २०२५ मध्ये…

विनापरवाना वाहन विक्रीचा धक्कादायक प्रकार उघड आरटीओ चौकशीची मागणी तीव्र  साईमत भुसावळ प्रतिनिधी जळगाव जिल्ह्यात मोटार वाहन कायद्याचे उघड उल्लंघन करत काही वाहन विक्री शोरूम्स आणि डिलर्सकडून बेकायदेशीर दुचाकी विक्री सुरू असल्याचा गंभीर प्रकार समोर आला आहे. विनापरवाना व्यवसाय, ट्रेड सर्टिफिकेटशिवाय वाहनांचे प्रदर्शन आणि विक्री, तसेच नोंदणी पूर्ण होण्यापूर्वीच वाहनांची डिलिव्हरी दिली जात असल्याच्या तक्रारीमुळे जिल्ह्यात खळबळ उडाली आहे. भुसावळ येथील प्रतिनिधींच्या माहितीनुसार, माहिती अधिकारातून मिळालेल्या तपशीलांच्या आधारे तक्रारदार मयुरेश निंभोरे यांनी प्रादेशिक परिवहन कार्यालयाकडे (आरटीओ) लेखी तक्रार दाखल केली आहे. या तक्रारीत जिल्ह्यातील अनेक दुचाकी वितरक आणि शोरूम्स कोणताही वैध परवाना न घेता व्यवसाय करत असल्याचा आरोप करण्यात आला…

 बॅटरी शॉर्टसर्किटमुळे आग लागल्याचा प्राथमिक अंदाज साईमत जळगाव प्रतिनिधी  शहरातील मध्यवर्ती भागात असलेल्या शास्त्री टॉवर चौकातील बसस्थानकाजवळ बुधवारी (दि. १५ एप्रिल) दुपारी २ वाजेच्या सुमारास धावत्या कारने अचानक पेट घेतल्याची थरारक घटना घडली. या घटनेमुळे काही काळ परिसरात भीतीचे वातावरण निर्माण झाले होते. मात्र, जागरूक नागरिक आणि तरुणांच्या तत्परतेमुळे कारमधील दाम्पत्याचा जीव वाचला आणि मोठा अनर्थ टळला. मिळालेल्या माहितीनुसार, शिवाजीनगर परिसरातील हरिओम नगर येथे राहणारे प्रकाश चिंधा पाटील हे आपल्या पत्नीसह (क्रमांक एमएच १९ बीयू ७५६२) कारने जळगाव शहरातून छत्रपती शिवाजीनगर उड्डाणपुलाच्या दिशेने जात होते. शास्त्री टॉवर चौकातून वाहन जात असताना अचानक कारच्या बोनेटमधून धूर येऊ लागला. धूर दिसताच रस्त्यावरील…

साईमत / जळगाव जळगाव शहरासह संपूर्ण जिल्ह्यात उष्णतेची तीव्र लाट कायम असून तापमानाचा पारा सलग काही दिवसांपासून ४२ अंश सेल्सिअसच्या वर स्थिर आहे. एप्रिल महिन्याच्या मध्यातच उन्हाने तीव्र रूप धारण केल्यामुळे नागरिकांना प्रचंड त्रास सहन करावा लागत आहे. दुपारच्या वेळेत शहरातील रस्ते पूर्णपणे ओस पडत असून जनजीवनावर मोठा परिणाम झाला आहे. गेल्या काही दिवसांपासून तापमानात सातत्याने वाढ होत असून सकाळपासूनच उन्हाचा चटका जाणवू लागतो. विशेषतः दुपारी १२ ते ४ या वेळेत उन्हाची तीव्रता अधिकच वाढत असल्याने नागरिकांना घराबाहेर पडणे कठीण झाले आहे. मागील २४ तासांत कमाल तापमान ४२.२ अंश सेल्सिअस नोंदवण्यात आले असून किमान तापमान २४.३ अंशांवर स्थिर आहे. त्यामुळे…

 झाडू हातात देत रस्ता स्वच्छ करण्याची शिक्षा साईमत जामनेर प्रतिनिधी जामनेर तालुक्यातील पळासखेडा येथे रस्त्यावर काचेच्या बाटल्या फोडून दहशत निर्माण करणाऱ्या एका माथेफिरू तरुणाला राज्याचे मंत्री गिरीश महाजन यांनी त्यांच्या खास शैलीत अद्दल घडवली. या तरुणाला थेट झाडू हातात देऊन स्वतःच्या कृत्यामुळे झालेला कचरा साफ करण्यास भाग पाडण्यात आले. या घटनेची सध्या संपूर्ण जिल्ह्यात जोरदार चर्चा सुरू आहे. मिळालेल्या माहितीनुसार, संबंधित तरुणाने दारूच्या नशेत कोल्ड्रिंक्सच्या सुमारे २० ते २५ काचेच्या बाटल्या भररस्त्यात फोडल्या होत्या. या प्रकारामुळे संपूर्ण रस्त्यावर काचेचे तुकडे पसरले होते. त्यामुळे वाहनांचे टायर पंक्चर होणे, तसेच पादचाऱ्यांना चालताना मोठ्या अडचणींचा सामना करावा लागत होता. या प्रकारामुळे गावकऱ्यांमध्ये संतापाचे वातावरण…

प्रायव्हेट फोटो व्हायरल करण्याची धमकी देत सात वर्षांपासून छळ; SOG पोलिसांकडून आरोपीला अटक साईमत / सूरत सूरत शहरातील सिटीलाइट परिसरातून एक धक्कादायक आणि गंभीर प्रकार समोर आला आहे. जिममध्ये वर्कआउटसाठी जाणाऱ्या एका प्रतिष्ठित आणि श्रीमंत कुटुंबातील महिलेला प्रेमाच्या जाळ्यात अडकवून तिचा गैरफायदा घेत ब्लॅकमेल केल्याप्रकरणी पोलिसांनी एका जिम ट्रेनरला अटक केली आहे. मिळालेल्या माहितीनुसार, शब्बीर असगर ट्रंकवाला असे आरोपीचे नाव असून तो संबंधित जिममध्ये ट्रेनर म्हणून कार्यरत होता. त्याने महिलेचा विश्वास संपादन करून तिला प्रेमाच्या जाळ्यात ओढले आणि सुमारे सात वर्षांपासून तिच्याशी संपर्क ठेवला. दरम्यान, या संबंधांमुळे महिलेच्या वैवाहिक आयुष्यात तणाव निर्माण झाला. संशय वाढल्यानंतर पतीने संबंधित ट्रेनरशी संवाद साधण्याचा…

डॉ. बाबासाहेब आंबेडकर जयंती: जळगाव रेल्वे स्थानकावर अभिवादन सोहळा साईमत जळगाव प्रतिनिधी भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त कंजरभाट समाज युवा फाउंडेशनतर्फे जळगाव रेल्वे स्थानक परिसरातील त्यांच्या पुतळ्यास माल्यार्पण करून अभिवादन करण्यात आले. या प्रसंगी उपस्थित समाजबांधवांनी बाबासाहेबांच्या कार्याला कृतज्ञतापूर्वक वंदन करत त्यांचे विचार आत्मसात करण्याचा निर्धार व्यक्त केला. कार्यक्रमादरम्यान डॉ. बाबासाहेब आंबेडकर यांच्या सामाजिक, शैक्षणिक तसेच भारतीय संविधान निर्मितीतील महान योगदानाची सविस्तर आठवण करून देण्यात आली. त्यांच्या विचारांनी प्रेरित होऊन समाजात समानता, बंधुता आणि न्याय या मूलभूत मूल्यांची जोपासना करण्याचा सामूहिक संकल्प यावेळी उपस्थितांनी व्यक्त केला. तसेच, कार्यक्रमात उपस्थित सर्वांनी एकत्र येत डॉ. बाबासाहेब आंबेडकर यांच्या विचारांचा…

कराची–ओरमारा–ग्वादर किनारपट्टीवर पाकिस्तानकडून क्षेपणास्त्र चाचणीचा संशय; भारताने २४ तास आधीच समुद्रात वाढवली नजर साईमत / नवी दिल्ली अरबी समुद्रात पाकिस्तानकडून सुरू असलेल्या संशयास्पद लष्करी हालचालींवर भारताने तत्काळ आणि निर्णायक पाऊल उचलल्याचे समोर आले आहे. पाकिस्तान एका गुप्त क्षेपणास्त्र चाचणीच्या तयारीत असल्याची शक्यता व्यक्त होत असतानाच भारतीय नौदलाने अत्याधुनिक क्षेपणास्त्र ट्रॅकिंग प्रणालीने सुसज्ज असलेली युद्धनौका ‘आयएनएस ध्रुव’ अरबी समुद्रात तैनात करून संपूर्ण परिस्थितीवर नियंत्रण मिळवले आहे. पाकिस्तानने १४ आणि १५ एप्रिलदरम्यान कराची, ओरमारा, ग्वादर आणि सोनमियानी या किनारपट्टी भागात विस्तृत सागरी क्षेत्र ‘प्रतिबंधित झोन’ म्हणून जाहीर केले होते. सुमारे ४१५ ते ४५० किलोमीटरपर्यंत पसरलेल्या या क्षेत्रात कोणत्याही प्रकारच्या लष्करी किंवा क्षेपणास्त्र…

एमआयडीसी पोलिसांची धडक कारवाई साईमत जळगाव प्रतिनिधी शहरातील कायदा व सुव्यवस्था अबाधित ठेवण्यासाठी पोलीस प्रशासन सतत सतर्क असतानाच, दहशत माजवण्याच्या उद्देशाने गावठी कट्टा आणि धारदार कोयता बाळगून फिरणाऱ्या दोन तरुणांना एमआयडीसी पोलिसांनी शिताफीने अटक केली. या कारवाईत पोलिसांनी दुचाकीसह एकूण ७० हजार ५०० रुपयांचा मुद्देमाल जप्त केला आहे. मिळालेल्या माहितीनुसार, जळगाव शहरातील कासमवाडी परिसरात दोन संशयित तरुण घातक शस्त्रांसह फिरत असल्याची गोपनीय माहिती एमआयडीसी पोलीस ठाण्याचे निरीक्षक बबन आव्हाड यांना १४ एप्रिल रोजी प्राप्त झाली होती. या माहितीची तातडीने दखल घेत त्यांनी गुन्हे शोध पथकाला सापळा रचण्याचे आदेश दिले. सापळा रचून पाठलागपोलिसांनी कासमवाडी ते नेरी नाका दरम्यान एकता चौकातील मोकळ्या…

साईमत / नाशिक नाशिकमध्ये दिवसाढवळ्या घडलेल्या एका अत्यंत धक्कादायक घटनेमुळे शहर हादरले आहे. नाशिकच्या विल्होळी परिसरात एका तरुणाची भररस्त्यात दगडाने व कोयत्याने सपासप वार करून निर्घृण हत्या करण्यात आली. या घटनेचा थरकाप उडवणारा व्हिडीओ समोर आल्याने परिसरात भीतीचे वातावरण निर्माण झाले आहे. मिळालेल्या माहितीनुसार, या हल्ल्यात एका महिला आणि एका पुरुषाने मिळून तरुणावर जीवघेणा हल्ला केला. सुरुवातीला तरुणाच्या डोळ्यात मिरची पूड टाकण्यात आली, त्यानंतर त्याला दगडाने ठेचण्यात आले आणि कोयत्याने वार करण्यात आले. गंभीर जखमी झालेल्या तरुणाचा मोठ्या प्रमाणात रक्तस्राव होऊन जागीच मृत्यू झाला. घटनेनंतर आरोपी दुचाकीवरून घटनास्थळावरून फरार झाले. माहिती मिळताच पोलिसांनी तात्काळ घटनास्थळी धाव घेत तपास सुरू केला…