Author: saimat

साईमत / जळगांव शहरासह संपूर्ण जिल्ह्यात उष्णतेचा तडाखा दिवसेंदिवस तीव्र होत असून तापमानाने ४० अंशांचा टप्पा ओलांडला आहे. एप्रिल महिन्याचा पहिला आठवडा संपताच उन्हाने आक्रमक रूप धारण केल्याने नागरिक हैराण झाले आहेत. दुपारच्या सुमारास रस्त्यांवर वर्दळ कमी होत असून अनेक ठिकाणी शुकशुकाट पाहायला मिळत आहे. दरम्यान, पुढील दोन ते तीन दिवस तापमान आणखी वाढण्याची शक्यता वर्तवण्यात आली आहे. गेल्या तीन दिवसांपासून तापमानात सातत्याने वाढ होत आहे. रविवारी तापमान ४१.६ अंश सेल्सिअस नोंदवले गेले, जे यंदाच्या उन्हाळ्यातील आतापर्यंतचे सर्वाधिक तापमान ठरले आहे. गेल्या वर्षी ९ एप्रिल रोजी ४३.७ अंश तापमानाची नोंद झाली होती. मात्र यंदा ११ एप्रिललाच पाऱ्याने ४० अंश ओलांडल्याने…

साईमत / डोंबिवली रस्त्यात गाडी उभी करण्याच्या क्षुल्लक कारणावरून झालेल्या वादाचे रूपांतर रक्तरंजित हल्ल्यात झाल्याची धक्कादायक घटना डोंबिवलीत घडली आहे. केवळ गाडी बाजूला घेण्यास सांगितल्याच्या रागातून तिघांनी मिळून कार चालक आणि त्याच्या मित्रावर दगडांनी प्राणघातक हल्ला केला. ही घटना डोंबिवली पश्चिमेतील सत्यवान चौक परिसरात घडली. कार चालक अमित पाटील हे आपल्या कारने जात असताना रस्त्यात गप्पा मारण्यासाठी उभ्या असलेल्या तिघांना त्यांनी गाडी बाजूला घेण्याची विनंती केली. मात्र त्यांनी त्याकडे दुर्लक्ष केले. अमित पाटील यांनी दोन ते तीन वेळा हॉर्न वाजवल्यानंतर या तरुणांचा पारा चढला. संतापाच्या भरात तिघांनी अमित पाटील आणि त्यांचा मित्र यश म्हात्रे यांच्यावर अचानक हल्ला चढवला. रस्त्यावरील दगड…

शिवतीर्थ ते आकाशवाणी चौक मार्गावर झेब्रा क्रॉसिंग व लेन मार्किंगचे काम युद्धपातळीवर सुरू नागरिकांकडून उपक्रमाचे स्वागत साईमत जळगाव प्रतिनिधी शहराला अधिक शिस्तबद्ध, सुरक्षित आणि सुशोभित बनवण्यासाठी महापौर दीपमाला काळे यांच्या पुढाकाराने सुरू करण्यात आलेल्या विशेष मोहिमेला आता प्रत्यक्ष गती मिळाली आहे. मुख्य रस्त्यांवर पांढरे आणि पिवळे पट्टे (झेब्रा क्रॉसिंग व लेन मार्किंग) टाकण्याच्या कामाला रविवार, १२ एप्रिल रोजी रात्री ९ वाजता सुरुवात करण्यात आली. या कामामुळे शहरातील वाहतूक व्यवस्था अधिक सुसूत्र आणि सुरक्षित होणार असून, पहिल्याच टप्प्यात शिवतीर्थ चौक ते आकाशवाणी चौक या प्रमुख मार्गावर मार्किंगचे काम युद्धपातळीवर पूर्ण करण्यात येत आहे. रात्रीच्या वेळेत वाहतूक तुलनेने कमी असल्याने कामाचा वेग…

साईमत / वृत्तसंस्थ चीनकडून इराणला शस्त्रास्त्रांचा पुरवठा होत असल्याच्या वृत्तानंतर अमेरिकेचे माजी राष्ट्राध्यक्ष डोनाल्ड ट्रम्प यांनी चीनला स्पष्ट आणि कठोर इशारा दिला आहे. जर चीनने इराणला शस्त्रास्त्र पुरवठा केला, तर त्यांना गंभीर परिणामांना सामोरे जावे लागेल, असे ट्रम्प यांनी म्हटले आहे. व्हाईट हाऊसहून मियामीकडे रवाना होण्यापूर्वी पत्रकारांशी बोलताना ट्रम्प यांनी सांगितले की, “जर चीनने असे केले तर त्यांना मोठ्या संकटाचा सामना करावा लागू शकतो.” मात्र त्यांनी याबाबत अधिक तपशील देण्यास नकार दिला. ‘सीएनएन’च्या अहवालानंतर हा इशारा देण्यात आला असून, अमेरिकन गुप्तचर यंत्रणांच्या हवाल्याने इराणला येत्या काही आठवड्यांत चीनकडून नवीन हवाई संरक्षण प्रणाली मिळू शकते, असा दावा करण्यात आला आहे. तसेच…

शेतीसह संसार उद्ध्वस्त; पावरी कुटुंबावर संकटाचा डोंगर साईमत भुसावळ प्रतिनिधी भुसावळ तालुक्यातील तळवेल परिसरात रविवारी दुपारी साडेबारा वाजण्याच्या सुमारास महामार्गालगत असलेल्या पाटील वॉशिंग सेंटर परिसरात भीषण आग लागून मोठी दुर्घटना घडली. या आगीत पावरी कुटुंबाचे संपूर्ण झोपडीवजा घर आणि संसारोपयोगी साहित्य जळून खाक झाले असून लाखो रुपयांचे नुकसान झाले आहे. मात्र, आईच्या प्रसंगावधानामुळे दोन चिमुकल्यांचे प्राण थोडक्यात बचावले असून परिसरात हळहळ व्यक्त केली जात आहे. मिळालेल्या माहितीनुसार, बुऱ्हानपूर येथील निलेश चव्हाण (पावरी) हे कुटुंबासह येथे शेतमजुरीसाठी वास्तव्यास होते. घटनेच्या वेळी त्यांच्या पत्नी झोपडीत दोन लहान मुलांसह—दोन वर्षांचा मुलगा आणि सहा महिन्यांची मुलगी—गाढ झोपेत होत्या. अचानक झोपडीला आग लागल्याचे लक्षात येताच,…

 नंदुरबार शहरात खळबळ, उपनगर पोलिस ठाण्यात गुन्हा दाखल साईमत नंदुरबार प्रतिनिधी शहरात पूर्ववैमनस्यातून झालेल्या भयंकर हल्ल्यात २५ वर्षीय तरुणाचा डोक्यात वार करून खून करण्यात आल्याची धक्कादायक घटना घडली आहे. या घटनेमुळे संपूर्ण शहरात मोठी खळबळ उडाली असून उपनगर पोलिस ठाण्यात याप्रकरणी फिर्याद दाखल करण्यात आली आहे. सागर रमेश जाधव (कैकाडी), वय २५, रा. रायसिंगपुरा, नंदुरबार असे मृत तरुणाचे नाव आहे. तो नंदुरबार शहरातील तळोदा रोडवरील मंदाकिनी हॉटेलमध्ये व्यवस्थापक म्हणून काही वर्षांपासून कार्यरत होता. फिर्यादी कुणाल सदाशिव मराठे (रा. श्रीजी कॉलनी, नंदुरबार) यांनी दिलेल्या माहितीनुसार, मंदाकिनी हॉटेलचे मालक जय वळवी यांच्या खुनाच्या प्रकरणात कारागृहात असताना हॉटेल सुरू ठेवण्याच्या कारणावरून वाद निर्माण…

दुपारच्या वेळेत रस्ते ओस; उकाड्यात वाढ, हवामान खात्याने आणखी तापमान वाढीचा इशारा साईमत / जळगाव एप्रिल महिन्याचा पहिला आठवडा संपताच जळगाव जिल्ह्यात उष्णतेने आपला कडाका वाढवला असून शहराने पुन्हा एकदा ‘हॉट शहर’ अशी ओळख ठळक केली आहे. गेल्या दोन दिवसांत तापमानात तब्बल ५ अंशांहून अधिक वाढ होऊन पारा ४१ अंश सेल्सिअसवर पोहोचला आहे. आठवड्याच्या सुरुवातीला तुलनेने सौम्य असलेली उष्णता आता प्रचंड तीव्र झाली आहे. गुरुवारी जळगावचे कमाल तापमान ३६ अंश सेल्सिअस नोंदवले गेले होते. मात्र अवघ्या ४८ तासांतच तापमानात मोठी वाढ होऊन शनिवारी ते ४१ अंशांवर पोहोचले. कोरड्या हवेमुळे उन्हाच्या झळा अधिक तीव्र जाणवत आहेत. सकाळी १० वाजल्यानंतरच उन्हाचे चटके…

साईमत / बुलढाणा बुलढाणा जिल्ह्यातील देऊळगावराजा तालुक्यातील दगडवाडी येथे मध्यरात्री भीषण दुर्घटना घडली. कारभारी नागरे यांच्या घराला अचानक शॉर्टसर्किटमुळे आग लागली. काही वेळातच आगीने रौद्ररूप धारण केले आणि घरात ठेवलेल्या गॅस सिलिंडरचा स्फोट झाला. मिळालेल्या माहितीनुसार, घटना घडली तेव्हा घरात कोणीही उपस्थित नव्हते. मात्र शेजारील व्यक्ती बाहेर गेली असता त्यांना घरातून धूर आणि ज्वाळा दिसून आल्या. त्यांनी तातडीने आरडाओरडा करून शेजाऱ्यांना सावध केले. त्यामुळे परिसरातील नागरिक जागे झाले आणि मदतीसाठी धावले. स्थानिक नागरिकांनी आग विझवण्याचा प्रयत्न सुरू केला असता परिस्थिती अचानक गंभीर बनली. आगीच्या तीव्रतेमुळे घरातील गॅस सिलिंडरचा स्फोट झाला. या स्फोटामुळे घरावरील टिनपत्रे व मोठे दगड दूरवर फेकले गेले…

६२ वर्षीय महिलेच्या गळ्यातील सोन्याची पोत लंपास ८३ हजारांहून अधिक किमतीचा ऐवज गायब साईमत जळगाव प्रतिनिधी शहरातील कासमवाडी परिसरातील आठवडे बाजारात गर्दीचा फायदा घेत अज्ञात चोरट्याने ६२ वर्षीय महिलेच्या गळ्यातील सोन्याची पोत लंपास केल्याची धक्कादायक घटना शनिवारी सायंकाळी घडली. या घटनेमुळे बाजार परिसरात एकच खळबळ उडाली असून, एमआयडीसी पोलीस ठाण्यात अज्ञाताविरुद्ध गुन्हा दाखल करण्यात आला आहे. विद्युत कॉलनी परिसरातील रहिवासी बाली भरतसिंग राजपूत (वय ६२) या शनिवारी, ११ एप्रिल रोजी सायंकाळी सुमारे ५:३० वाजता कासमवाडी येथील आठवडे बाजारात खरेदीसाठी गेल्या होत्या. नेहमीप्रमाणे बाजारात मोठी गर्दी असल्याने चोरट्यांनी याच गर्दीचा अचूक फायदा घेतला. खरेदीदरम्यान अज्ञात चोरट्याने अत्यंत हातचलाखीने त्यांच्या गळ्यातील सोन्याची…

केमिकल टँकरचा ताबा सुटल्याने सहा वाहनांना धडक; तिघे गंभीर जखमी साईमत धुळे प्रतिनिधी धुळे–शिरपूर महामार्गावर आज दुपारी झालेल्या भीषण अपघाताने परिसरात मोठी खळबळ उडाली. नियंत्रण सुटलेल्या केमिकल टँकरने तब्बल सहा वाहनांना जोरदार धडक दिल्याने तीन जण गंभीर जखमी झाले असून अनेक वाहनांचे मोठे नुकसान झाले आहे. सोनगीर फाट्याजवळ घडलेल्या या दुर्घटनेमुळे काही काळ महामार्गावर वाहतुकीचा अक्षरशः खोळंबा झाला होता. मिळालेल्या माहितीनुसार, हा अपघात दुपारी साधारण २ वाजण्याच्या सुमारास घडला. शिरपूरकडून धुळ्याकडे भरधाव वेगाने येणाऱ्या रसायनाने भरलेल्या टँकरचा चालकाचे नियंत्रण अचानक सुटले. त्यानंतर टँकरने उड्डाणपुलाखालील परिसरात अक्षरशः धडका देण्याची मालिका सुरू केली. या भीषण घटनेत टँकरने प्रथम एका शीतपेय विक्री केंद्राला…