Author: saimat

शेअर मार्केटच्या आमिषात फसवणूक; तरुणीवर विनयभंगाची धक्कादायक घटना भुसावळात साईमत/भुसावळ/प्रतिनिधी  भुसावळ शहरातील एका २७ वर्षीय तरुणीवर सुमारे १० लाख रूपयांची आर्थिक फसवणूक करून, लग्नासाठी दबाव टाकून तिचा विनयभंग केल्याचा धक्कादायक प्रकार उघड झाला आहे. या प्रकरणी भुसावळ बाजारपेठ पोलीस ठाण्यात गुन्हा दाखल करण्यात आला असून पुढील तपास पोलीस निरीक्षक राहुल वाघ करत आहेत. तक्रारदार तरुणी भुसावळ शहरातील एका भागात आपल्या कुटुंबासह राहते. माहिती मिळाल्याप्रमाणे, संशयित आरोपी सिद्धांक मनोज हेडा (रा. गंगाराम प्लॉट, भुसावळ) यांनी सन २०२० मध्ये तरुणीशी ओळख करून घेतली. त्यानंतर त्याने तिच्या विश्वासाचा गैरफायदा घेत, शेअर मार्केटमध्ये फायदा मिळवण्याचे आमिष दाखवून तिला फसवले. आरोपीने तरुणीच्या डी-मॅट अकाउंटची माहिती…

मेहुणबारे पोलीस ठाण्यात अकस्मात मृत्यूची नोंद साईमत/ चाळीसगाव /प्रतिनिधी चाळीसगाव तालुक्यातील गिरणा नदीच्या पात्रात पाण्यात बुडून एका ४५ वर्षीय प्रौढाचा दुर्दैवी मृत्यू झाल्याची घटना मंगळवारी (दि. ४ फेब्रुवारी) सकाळी उघडकीस आली. या प्रकरणी मेहुणबारे पोलीस ठाण्यात अकस्मात मृत्यूची नोंद करण्यात आली आहे. यशवंत फकिरा निकाळजे (वय ४५, रा. संबोधी, ता. धुळे) असे मयत प्रौढाचे नाव आहे. याबाबत मिळालेल्या माहितीनुसार, यशवंत निकाळजे हे धुळे जिल्ह्यातील संबोधी गावात कुटुंबासह वास्तव्यास होते. काही कारणास्तव ते चाळीसगाव तालुक्यातील गिरणा नदी परिसरात आले असताना नदीपात्रात बुडाल्याची घटना घडली. मंगळवारी सकाळी हा प्रकार निदर्शनास येताच परिसरातील नागरिकांनी तत्काळ धाव घेऊन त्यांना बाहेर काढले. यानंतर यशवंत निकाळजे यांना…

राष्ट्रवादी काँग्रेस पक्षाचे ज्येष्ठ नेते स्व. अजितदादा पवार यांचे अस्थिकलश दर्शन साईमत/अमळनेर /प्रतिनिधी राष्ट्रवादी काँग्रेस पक्षाचे ज्येष्ठ नेते स्व. अजितदादा पवार यांचे अस्थिकलश दर्शन व अस्थि विसर्जन कार्यक्रम मंगळवार, ३ फेब्रुवारी रोजी अत्यंत भावनिक वातावरणात पार पडले. दुपारी ३ ते ४ या वेळेत राष्ट्रवादी काँग्रेस पक्ष कार्यालय, अमळनेर येथे अस्थीकलश दर्शनासाठी ठेवण्यात आले होते. यावेळी नागरिक, कार्यकर्ते व समर्थक मोठ्या संख्येने उपस्थित राहून त्यांच्या जीवनकार्याला व योगदानाला श्रद्धांजली अर्पण करताना दिसले. अस्थिकलशानंतर रथयात्रा अमळनेर, धार, मारवड, कळमसरे आणि पाडळसरे मार्गे काढण्यात आली. रथयात्रेदरम्यान मार्गावरील गावकऱ्यांनी पुष्पवृष्टी करत अखेरचा निरोप दिला. संपूर्ण परिसर शोकाकुल वातावरणात न्हालेला दिसत होता. पाडळसरे धरण येथे…

“अंडरपास नाही तर रस्ता नाही” अशा घोषणांसह शेतकऱ्यांनी तासनतास महामार्गावर ठिय्या मांडला साईमत/मुक्ताईनगर/प्रतिनिधी – मुक्ताईनगर तालुक्यातील लोहारखेडा आणि पिंप्रीभोजना येथील शेतकऱ्यांच्या सहनशीलतेला आज अंतिम काठ आला. प्रलंबित ‘अंडरपास’साठी शेतकऱ्यांनी इंदूर-हैदराबाद राष्ट्रीय महामार्गावर उग्र रस्ता रोको आंदोलन करत वाहतूक ठप्प केली. “अंडरपास नाही, तर रस्ता नाही” अशा घोषणांसह शेतकऱ्यांनी तासनतास महामार्गावर ठिय्या मांडला, ज्यामुळे परिसरातील वाहतूक पूर्णपणे कोलमडली. महामार्गावर तासनतास अडथळा सकाळीच मोठ्या संख्येने शेतकरी महामार्गावर जमा झाले. शेतकऱ्यांच्या ठाम आंदोलनामुळे वाहनांची लांबच लांब रांगा लागल्या होत्या. प्रवासी, मालवाहतूक व रोजच्या कामासाठी वाहतूक करणाऱ्या नागरिकांचे मोठे हाल झाले, परंतु शेतकऱ्यांसमोर प्रशासनाचे प्रयत्न निष्फळ ठरले. शेतमाल ने-आण करताना जीव धोक्यात येत असल्याचे…

 शेतकऱ्यांसाठी ज्ञान व संधींची पर्वणी साईमत/जळगाव /प्रतिनिधी  केळी उत्पादक शेतकऱ्यांसाठी ज्ञान, तंत्रज्ञान आणि बाजारपेठेच्या संधी एकाच छताखाली आणणारा ‘फुले कृषी महोत्सव 2026’ अंतर्गत ‘केळी दिवस व शिवार फेरी’ कार्यक्रम मंगळवार, ३ फेब्रुवारी २०२६ रोजी केळी संशोधन केंद्र, जळगाव येथे यशस्वीपणे पार पडला. महात्मा फुले कृषी विद्यापीठ, राहुरीचे कुलगुरू मा. डॉ. विलास खर्चे यांच्या संकल्पनेतून हा उपक्रम राबवण्यात आला, ज्यामुळे शेतकऱ्यांना थेट पीक प्रात्यक्षिके आणि आधुनिक तंत्रज्ञान पाहण्याची संधी मिळाली. या कार्यक्रमाचे वैशिष्ट्य म्हणजे देशभरातील तब्बल ८० केळी वाणांची प्रायोगिक लागवड एका ठिकाणी पाहण्याची दुर्मिळ संधी. फुले प्राइड, अर्धापुरी, वसई, श्रीमंती, ग्रँड नैन, विल्यम्स, बसराई, राजापुरी यांसारख्या प्रगत वाणांची प्रत्यक्ष शेतातील…

६ लाखांची फसवणूक  आरोपींवर गुन्हा दाखल साईमत/जळगाव /प्रतिनिधी शहरातील डीएसपी चौकात बारदान विक्रीच्या बहाण्याने एका व्यापाऱ्याची तब्बल ६ लाख रुपयांची फसवणूक झाल्याची धक्कादायक घटना समोर आली आहे. या प्रकरणी रामानंदनगर पोलीस ठाण्यात तिघांविरुद्ध गुन्हा दाखल करण्यात आला असून पोलीस तपास करत आहेत. शहरातील प्रजापत नगर (शनीपेठ) भागातील रहिवासी आणि व्यापारी प्रकाश श्रीराम प्रजापत (वय ५०) यांना आरोपी रविंद्र तायडे आणि त्याचे दोन साथीदार बारदान विक्री करण्याचे आमिष दाखवून फसवले. हा व्यवहार २३ जानेवारी २०२६ रोजी दुपारी ३ ते ५.३० वाजेच्या दरम्यान डीएसपी चौकातील सार्वजनिक ठिकाणी झाला. अभियुक्तांनी प्रजापत यांच्याकडून एकूण ६ लाख रुपये घेतले, ज्यामध्ये ५०० रुपयांच्या नोटांची २ बंडल…

सायकलवरून आरोग्याचा संदेश; भावी महापौर दीपमाला काळेंची पद्मालयवारी साईमत/जळगाव /प्रतिनिधी शहर महानगरपालिकेच्या प्रभाग क्रमांक ७ मधून बिनविरोध निवडून आलेल्या भाजपच्या नगरसेविका दीपमाला काळे यांची महापौरपदी निवड निश्चित झाली असून, अधिकृत घोषणेला आता केवळ औपचारिकतेचे स्वरूप उरले आहे. महायुतीच्या वतीने महापौर पदासाठी त्यांचा एकमेव अर्ज दाखल झाल्याने पक्षाने त्यांच्या नावावर शिक्कामोर्तब केले आहे. या पार्श्वभूमीवर, मंगळवार दिनांक ३ फेब्रुवारी रोजी दीपमाला काळे यांनी जळगाव सायकलिस्ट ग्रुपच्या सदस्यांसह जळगाव ते पद्मालय असा सायकल प्रवास करत सामाजिक आणि आरोग्यविषयक संदेश दिला. दीपमाला काळे या सायकलिंगच्या कट्टर चाहत्या असून फिटनेसबाबत त्या नेहमीच जागरूक असतात. महापौर पदासारखी मोठी जबाबदारी स्वीकारण्यापूर्वी त्यांनी ‘आरोग्यम् धनसंपदा’ हा संदेश…

कृषी उपअधिकारी व दोन पंटरांवर गुन्हा साईमत/पाचोरा/प्रतिनिधी शासनाच्या कृषी योजनेतील अनुदान मिळवून देण्याच्या नावाखाली शेतकऱ्याकडून लाच मागितल्याचा धक्कादायक प्रकार पाचोरा तालुक्यात उघडकीस आला आहे. जोगे वडगाव येथील शेतकऱ्याकडून सहा हजार रुपयांची लाच मागून तडजोडीनंतर पाच हजार रुपये स्वीकारण्याचा कट रचल्याप्रकरणी पाचोरा कृषी कार्यालयातील कृषी उप अधिकारी लिलाधर देशमुख यांच्यासह दोन खाजगी पंटरांविरुद्ध लाचलुचपत प्रतिबंधक विभागाच्या कारवाईनंतर गुन्हा दाखल करण्याची प्रक्रिया सुरू करण्यात आली आहे. मूळ तक्रारदार हे जोगेवडगाव, ता. पाचोरा येथील रहिवासी असून शेती व्यवसायासाठी लागणारे साहित्य शासनाच्या योजनेतून मिळणाऱ्या सबसिडीअंतर्गत खरेदी करण्यासाठी त्यांनी पाचोरा कृषी कार्यालयाकडे ऑनलाईन अर्ज केला होता. अर्जास मंजुरी मिळाल्यानंतर त्यांनी नांगर व रोटर खरेदी केली.…

 एकाच कुटुंबातील आठ जण जखमी साईमत/जळगाव /प्रतिनिधी  शहरातील मेहरुण तलाव परिसरात सोमवारी (२ फेब्रुवारी) सायंकाळी सुमारे ७ वाजताच्या सुमारास पोलीस एस्कॉर्ट वाहन आणि रिक्षा यांच्यात झालेल्या भीषण अपघातात रिक्षेतील एकाच कुटुंबातील सदस्यांसह एकूण आठ जण गंभीर जखमी झाले. रस्त्यावरील मोठा खड्डा चुकवण्याच्या प्रयत्नात हा अपघात झाल्याची प्राथमिक माहिती समोर आली असून, या घटनेने शहरातील रस्त्यांच्या दुरवस्थेचा प्रश्न पुन्हा एकदा ऐरणीवर आला आहे. मिळालेल्या माहितीनुसार, भाजपचे प्रसिद्ध खासदार मनोज तिवारी हे पारोळा येथे आयोजित धार्मिक कार्यक्रमासाठी आले होते. त्यांना ‘वाय प्लस’ (Y+) दर्जाची सुरक्षा असल्याने जळगाव जिल्हा पोलीस दलातर्फे एस्कॉर्ट वाहन देण्यात आले होते. खासदार तिवारी यांना संभाजीनगरच्या हद्दीत सुरक्षितरीत्या सोडून…

उच्च न्यायालयाचा आदेश: संतोषी माता सभागृह नगरपालिकेच्या ताब्यात साईमत/भुसावळ  /प्रतिनिधी भुसावळ शहरातील प्रोफेसर कॉलनी परिसरात असलेल्या संतोषी माता बहुद्देशीय सभागृहाच्या वापरासंदर्भातील वादाला अखेर मुंबई उच्च न्यायालयाच्या औरंगाबाद खंडपीठाने निर्णायक वळण दिले आहे. शासन मान्यता नसताना नगरपालिकेकडून सभागृह शैक्षणिक उद्देशासाठी वापरास दिल्याचा मुद्दा न्यायालयात गेला होता. यावर न्यायालयाने स्पष्ट आदेश दिला की, सदर सभागृहाचा विद्यमान ताबा काढून तो भुसावळ नगरपालिकेकडे सुपूर्द करावा. या आदेशाची अंमलबजावणी करण्यासाठी जळगाव जिल्हाधिकारी यांनी उपविभागीय अधिकाऱ्यांना कारवाई करण्याचे निर्देश दिले. त्यानुसार आज (सोमवार) सायंकाळी चार वाजता प्रांत अधिकारी जितेंद्र पाटील यांच्यासह उपविभागीय अधिकारी, भुसावळ यांनी प्रत्यक्ष घटनास्थळी जाऊन सभागृह ताब्यात घेतले. भुसावळ नगरपालिकेचे अधिकारी व कर्मचारीही…