साईमत जळगाव प्रतिनिधी क्रीडा व युवा सेवा संचालनालय महाराष्ट्र राज्य पुणे, जिल्हा परिषद जळगाव जिल्हा क्रीडा अधिकारी कार्यालय व जळगाव जिल्हा डॉजबॉल असोसिएशन यांच्या संयुक्त विद्यमाने जामनेर येथे झालेल्या शालेय विभागीय डॉजबॉल स्पर्धेत स्वामी विवेकानंद कनिष्ठ महाविद्यालयाचा मुलींचा संघ विजयी झाला, असून सदरचा संघ राज्यस्तरीय स्पर्धेसाठी पात्र झाला आहे. अंतिम सामन्यांमध्ये नंदुरबार विभागाचा पराभव करून स्वामी विवेकानंद कनिष्ठ महाविद्यालयाचा मुलींचा संघ विजयी झाला. विजयी खेळाडूंना क्रीडा शिक्षक, प्रा.डॉ. रणजीत पाटील यांचे मार्गदर्शन लाभले. या यशाबद्दल विजयी खेळाडूंचे के.सी.ई. चे अध्यक्ष नंदकुमार बेंडाळे, प्रशासकीय अधिकारी शशिकांत वडोदकर, कोषाध्यक्ष डी. टी. पाटील, स्वामी विवेकानंद कनिष्ठ महाविद्यालयाचे प्राचार्य डॉ. स .ना .भारंबे, उपप्राचार्य…
Author: Saimat
साईमत जळगाव प्रतिनिधी के.सी.ई सोसायटीच्या कान्ह ललित कला केंद्र जळगाव आणि ओजस्विनी कला महाविद्यालय जळगाव यांच्या संयुक्त विद्यमाने आयोजित शालेय विद्यार्थ्यांसाठी चला किल्ला बनवूया” या एक दिवसीय कार्यशाळेचे आयोजन ए.टी. झांबरे माध्यमिक विद्यालयात करण्यात आले होते. शालेय विद्यार्थ्यांमध्ये छत्रपती शिवाजी महाराजांच्या गड किल्ल्यांच्या स्थापत्य कलेच्या रचनांबाबत महत्वपूर्ण माहिती देण्यात आली. ओजस्विनी कला महाविद्यालयातील शिल्पकार देवा सपकाळे यांनी विद्यार्थ्यांना प्रत्यक्ष मातीचा किल्ला बनवण्याचे प्रात्यक्षिक दिले. किल्ला बनवत असताना मातीचा प्रकार, बुरुज, तटबंदी, किल्ल्याचा मुख्य दरवाजा कमान यांची प्रात्यक्षिकातून माहिती दिली. शालेय विद्यार्थ्यांकडून कार्यशाळेत तोफ -रणगाडे, मावळे इ.ची प्रत्यक्ष सुबक निर्मिती करून घेण्यात आली. दिवाळीच्या सुट्टीत सहभागी विद्यार्थ्यांनी घरी किल्ला बनवण्याचे आश्वासन…
साईमत जळगाव प्रतिनिधी शहरातील दिव्यांग साधना संघातील दिव्यांग बंधू – भगिनी सोबत इतर २५ दिव्यांग बांधवांना जळगाव जिल्हा मुस्लिम मनीयार बिरादरी तर्फे दिवाळीचा शिधा वाटप करण्यात आला. दिवाळी सर्व दूर आनंदाने साजरी होत असताना मुस्लिम मनीयार बीरादरिने दरवर्षीप्रमाणे यंदाही जळगाव शहरातील दिव्यांग बांधवांना दिवाळीचा शिधा वाटप केला. या प्रत्येक किट मध्ये एक किलो साखर, एक किलो रवा, दोन किलो तेल, अर्धा किलो बेसन पीठ, एक किलो गूळ, एक किलो मुगाची डाळ, एक किलो उडदाची डाळ, एक किलो तूरडाळ, खोबरेल तेलाची एक बाटली या वस्तूंचा समावेश आहे. दीव्यांग बांधवांना रथ चौक येथील मन्यार बिरादरीच्या कार्यालयात सन्मानाने दिवाळीचा शिधा वाटप करण्यात आला.…
साईमत जळगाव प्रतिनिधी येथील रोटरी क्लब ऑफ जळगाव वेस्टतर्फे आयोजित राष्ट्रीय कर्करोग जनजागृती दिनानिमित्त गांधी उद्यान आणि भाऊंचे उद्यान येथे कॅन्सर तज्ञ डॉ.निलेश चांडक यांनी कर्करोगाविषयी माहिती दिली. कर्करोगासाठी घ्यावयाची काळजी, आहार , व्यायाम, पाळावयाचे पथ्य याविषयी माहिती दिली. तसेच काही कर्करोगाची प्राथमिक लक्षणं दिसत असल्यास वेळीच तपासणी करावी, जेवणात भाकरी, बाजरी , तृण धान्याचा वापर वाढवावा, असेही डॉ. चांडक यांनी सांगितले. उपस्थितांनी विचारलेल्या शंकांचे निरसन ही त्यांनी केले. यावेळी रोटरी क्लब ऑफ जळगाव वेस्टच्या अध्यक्ष सरिता खाचणे यांनी प्रास्ताविक केले. मेडिकल कमिटी चेअरमन डॉ. आनंद दशपुत्रे यांनी डॉ चांडक यांचा परिचय करून दिला तर डिस्ट्रिक्ट कॅन्सर अवेअरनेस कमिटी समन्वयक…
साईमत जळगाव प्रतिनिधी एस. एस. मणियार विधी महाविद्यालयात कवयित्री बहिणाबाई चौधरी उत्तर महाराष्ट्र विद्यापीठ विद्यार्थी विकास विभागाच्या संयुक्त विद्यमाने आयोजित आंतर महाविद्यालयीन अभिरुप न्यायालय स्पर्धेचे पारितोषिक वितरण केसीई सोसायटीचे सचिव ॲड. प्रमोद पाटील, प्रमुख पाहुणे डॉ. नितीन धांडे, प्राचार्य डॉ. बी. युवाकुमार रेड्डी यांच्या हस्ते करण्यात आले. स्पर्धेतील प्रथम क्रमांकाचे फिरते चषक धुळे येथील डॉ. बाबासाहेब आंबेडकर स्मृती विधी महाविद्यालयाच्या संघाने पटकावले. तर धुळे येथील एस. एम. बियाणी विधी महाविद्यालयाच्या संघास उपविजेते चषक बहाल करण्यात आले. उत्कृष्ट मेमोरियल चे पारितोषिक एस. एम. बीयाणी विधी महाविद्यालयाच्या संघास मिळाले. उत्कृष्ट विद्यार्थी अधिवक्ता पारितोषिक बियाणी विधी महाविद्यालयाच्या आनंद चव्हाण यास मिळाले तर उत्कृष्ट…
साईमत जळगाव प्रतिनिधी जळगाव शहरातील महापालिकेच्या गाळे धारकांना भाडे पट्टा नूतनीकरण नवीन दराची अंमलबजावणी सन २०१९ पासून करणार असल्याचा निर्णय शासनाने घेतला होता. परंतु आमदार राजुमामा भोळे यांनी भाडेपट्टा वसुली सुधारित दर हा भाडेपट्टा करारनामा संपल्याच्या कालावधी पासून म्हणजेच सन २०१२ पासून लागू करणेसाठी मागणी केली होती. त्यास अखेर मंगळवार दि. ७ रोजी मान्यता मिळाली आहे. यामुळे गाळेधारकांना दिलासा मिळाला असून आमदार राजुमामा भोळे यांचे कडून गाळेधारकांना दिवाळीची भेट मिळाली आहे. जळगाव शहरातील महापालिकेच्या व्यापारी संकुलातील २३६८ गाळेधारकांचा भाडेपट्टा नूतनीकरणाचा प्रश्न अनेक वर्षांपासून प्रलंबित होता. दरम्यान आमदार सुरेश भोळे यांनी शासनाकडे सततच्या पाठपुराव्या मुळे दि.१० ऑक्टोबर, २०२३ रोजी झालेल्या मंत्रीमंडळ…
साईमत जळगाव प्रतिनिधी जळगावच्या विकासाकरिता सकारात्मक भूमिका महत्त्वाची असून त्यातून जिल्ह्याच्या नावलौकिकात भर पडेल जेणे करून त्याचा फायदा जिल्ह्याच्या विकासाकरिता करता येईल, असे प्रतिपादन जिल्हाधिकारी आयुष प्रसाद यांनी केले. ते रोटरी मिन्स बिझिनेस, लघु उद्योग बँक व महाराष्ट्र चेंबर ऑफ कॉमर्स अँड इंडस्ट्री यांच्या सैयुक्त विद्यमाने आयजित उत्तर महाराष्ट्रातील पहिल्या व हॉटेल प्रेसिडेंट येथे आयोजित आर. एम. बी. बिझिनेस समिट प्रसंगी विशेष अतिथी म्हणून उपस्थित होते. जिल्हाधिकारी आयुष प्रसाद पुढे म्हणाले की, सरकारचे व्यवसाय स्थापनेबाबत सर्व कागद पत्र आज ऑनलाईन उपलब्ध आहे. त्याचा उपयोग करून नव युवकांनी उद्योग क्षेत्रात यावे. जेणे करून जळगावच्या नावलौकिकात भर पडेल. शासन तुम्हाला सर्व सुविधा…
साईमत जळगाव प्रतिनिधी तरूणांनी आपल्यातील क्षमता ओळखुन व्यवसाय करण्यासाठी पावले टाकावीत. मात्र व्यवसायात होणारे बदल स्वीकारून मेहनत आणि कष्ट करण्याची जोड दिली तर व्यवसाय-उद्योगात निश्चित यश प्राप्त होईल असे मत कॉन्फेडरेशन ऑफ ऑल इंडिया ट्रेडर्सचे (CAIT) अध्यक्ष व उद्योजक नितीन बंग यांनी व्यक्त केले. कवयित्री बहिणाबाई चौधरी उत्तर महाराष्ट्र विद्यापीठात केंद्रीय प्रशिक्षण व नियुक्ती कक्षाच्यावतीने मंगळवार दि. ७ नोव्हेंबर रोजी विद्यापीठ – उद्योग संवाद शिखर परिषदेचे उद्घाटन प्रसंगी श्री. बंग बोलत होते. अध्यक्षस्थानी कुलगुरू प्रा. व्ही. एल. माहेश्वरी होते. यावेळी प्रमुख अतिथी म्हणून उद्योजक तथा विन्ले पॉलीमर्सचे मुख्य कार्यकारी प्रमोद संचेती, सोयो सिस्टीमचे मुख्य कार्यकारी किशोर ढाके उपस्थित होते तर…
साईमत जळगाव प्रतिनिधी कै. सूनीताताई जगन्नाथ वाणी भगीरथ इंग्लिश स्कूल मध्ये राष्ट्रीय हरित सेनेमार्फत शाळेतील विद्यार्थी आणि शिक्षकांनी “फटाके मुक्त, प्रदूषण मुक्त दिवाळी साजरी करण्याची शपथ घेतली. यावेळी राष्ट्रीय हरित सेनाप्रमुख संजय बाविस्कर यांनी फटाक्यांमुळे अनेक अपघात होतात, तसेच हवेचे प्रदूषण, ध्वनीचे प्रदूषण होते, यामुळे हवेत कार्बन डाय-ऑक्साइड, नायट्रस ऑक्साईड, सल्फर डाय ऑक्साईड या वायूंचा समावेश मोठ्या प्रमाणात होतो. यामुळे श्वासोश्वास घ्यायला त्रास होतो, तसेच डोळ्यांची जळजळ आणि आग होते, वयोवृद्ध लोकांना आवाजामुळे त्रास होतो, यासाठी आपण सर्वांनी प्रदूषण मुक्त दिवाळी साजरी करावी असे मार्गदर्शन केले . कार्यक्रमासाठी शाळेच्या उपमुख्याध्यापिका प्रिया सफळे, पर्यवेक्षक श्री निकम सर सर्व शिक्षक बंधू भगिनी…
साईमत जळगाव प्रतिनिधी जिल्हा वार्षिक योजना (अनुसूचित जाती उपयोजना) अंतर्गत सन २०२३-२४ करिता अर्थसंकल्पीय निधी ९२ कोटी रूपये निधीमधून ४६०१.०१ कोटी रूपये निधी बीडीएसवर शासनाकडुन उपलब्ध करून देण्यात आला आहे. यापैकी दि. ६ नोव्हेंबर पर्यंत ३५ कोटी ९६ लाख ८६ हजार निधी बीडीएसवर खर्च झाला आहे. उपलब्ध निधीशी खर्च झालेल्या निधीची टक्केवारी ७८.१८ टक्के तसेच अर्थसंकल्पीत निधीशी खर्चाची टक्केवारी ३९.१० टक्के असून निधी खर्चामध्ये जळगाव जिल्हा राज्यात प्रथम क्रमांकावर आहे. यासाठी पालकमंत्री गुलाबराव पाटील यांचे मार्गदर्शन, ग्रामविकास मंत्री गिरीष महाजन व मदत व पुनर्वसन मंत्री अनिल पाटील यांच्या सूचना, लोकप्रतिनिधींचे सहकार्य, जिल्हाधिकारी आयुष प्रसाद यांचा सातत्यपूर्ण पाठपुरावा, जिल्हा नियोजन समिती…