Author: Bharati Bharsake

जप्त केलेलं साहित्य हलवण्यास युद्धपातळीवर सुरुवात; रिकाम्या जागेत होणार पार्किंग व्यवस्था! साईमत -जळगाव -प्रतिनिधी | जळगाव शहर महानगरपालिकेच्या १७ मजली प्रशासकीय इमारतीच्या तळघरात वर्षानुवर्षे पडून असलेला जप्त साहित्याचा ढिगारा अखेर हटणार आहे! महापौर दीपमाला काळे यांनी मागील महिन्यात दिलेल्या कडक आदेशानंतर, अतिक्रमण विभागाने जप्त केलेले सर्व अतिक्रमित साहित्य तात्काळ दुसऱ्या ठिकाणी हलवण्याचे काम युद्धपातळीवर सुरू केले आहे. आज, शुक्रवार १९ जून रोजी महापौर दीपमाला काळे यांनी स्वतः या कामाची प्रत्यक्ष पाहणी करत अधिकाऱ्यांना वेग वाढवण्याचे निर्देश दिले. शनिवार संध्याकाळपर्यंत ‘मिशन क्लीन’ पूर्ण होणार! १७ मजली इमारतीखालील जप्त साहित्य ठेवण्यासाठी ईश्वर कॉलनी परिसरातील लाठी विद्यालयाची जागा निश्चित करण्यात आली आहे. या…

जळगाव, प्रतिनिधी : एमआयडीसी पोलीस ठाण्याच्या हद्दीत घरफोडी आणि सोन्याचे दागिने चोरी प्रकरणाचा छडा लावत पोलिसांनी घरकाम करणाऱ्या महिलेसह तिच्या साथीदाराला अटक केली आहे. या कारवाईत सुमारे ४ लाख रुपयांचा मुद्देमाल हस्तगत करण्यात आला आहे. मेहरूण तलाव परिसरातील रहिवासी फिर्यादी सौ. सुधा कावरा आणि त्यांच्या शेजारी राहणाऱ्या तेजल संचेती यांच्या घरातून सोन्याचे दागिने चोरीला गेल्याची तक्रार एमआयडीसी पोलीस ठाण्यात दाखल करण्यात आली होती. या प्रकरणात घरकामासाठी येणाऱ्या ममताबाई धर्मराज धांडेकर (वय ४१) हिच्यावर संशय व्यक्त करण्यात आला होता. पोलीस अधीक्षक श्रीकांत धिवरे यांच्या मार्गदर्शनाखाली पोलीस निरीक्षक बबन आव्हाड यांनी तपासाची सूत्रे हाती घेतली. गुन्हे शोध पथकाने गोपनीय माहिती व तांत्रिक…

जळगाव (प्रतिनिधी): जळगाव शहरालगत असलेल्या सुप्रीम कॉलनीच्या मागील बाजूस असलेल्या डुब्बन नगरी परिसरात प्लास्टिकच्या कच्च्या मालाला भीषण आग लागल्याची धक्कादायक घटना घडली आहे. या आगीत मोकळ्या मैदानात साठवून ठेवलेला शेकडो टन प्लास्टिकचा कच्चा माल जळून खाक झाला आहे. सुदैवाने जळगाव महानगरपालिकेच्या अग्निशमन दलाने वेळेत धाव घेत आगीवर नियंत्रण मिळविल्याने मोठा अनर्थ टळला. शॉर्टसर्किटमुळे आग लागल्याचा प्राथमिक अंदाज डुब्बन नगरी परिसरातील एका मोकळ्या मैदानात प्लास्टिकचे दाणे, खुर्च्या आणि चपला तयार करण्यासाठी लागणारा शेकडो टन कच्चा माल ढिगाऱ्याच्या स्वरूपात साठवून ठेवण्यात आला होता. या ढिगाऱ्याजवळच असलेल्या इलेक्ट्रिक डीपीमध्ये अचानक शॉर्टसर्किट झाले आणि त्यातून उडालेल्या ठिणग्यांमुळे या प्लास्टिकच्या मालाने पेट घेतला, असा प्राथमिक…

साईमत -जळगाव- प्रतिनिधी | जळगाव जिल्ह्यातील मुक्ताईनगर तालुक्यात ‘ड्रॉप केस’च्या माध्यमातून देशभर फसवणुकीचे जाळे विणणाऱ्या आंतरराज्य टोळ्यांवर पोलिसांनी आतापर्यंतची सर्वात मोठी कारवाई केली आहे. जिल्हा पोलीस अधीक्षक श्रीकांत धिवरे यांच्या मार्गदर्शनाखाली आज १९ जून रोजी पहाटे, २०० पोलिसांच्या फौजेने मुक्ताईनगरमधील ५ गावांवर एकाच वेळी धडक टाकत “ऑपरेशन ड्रॉप केस” फत्ते केले. या कारवाईमुळे संपूर्ण गुन्हेगारी जगतात खळबळ उडाली आहे.  ‘काळ्या हळदी’पासून ‘नागमणी’पर्यंत… अशी व्हायची ‘लूटमार’! मुक्ताईनगर पोलीस ठाण्याच्या हद्दीतील लालगोटा, हलखेडा, मधापुरी, जोंधनखेडा आणि चारठाणा या कमी लोकसंख्येच्या गावांना गुन्हेगारांनी आपले केंद्र बनवले होते. भूलथापांचे आमिष: सोशल मीडियाच्या माध्यमातून काळी हळद, नागमणी, रेड मर्क्युरी, सुलेमानी पत्थर, दुर्मिळ शंख आणि डबल…

१५ दिवसांत फक्त अर्धा तास पाणी; वंचित बहुजन आघाडीच्या नेतृत्वात महिलांचा तीव्र संताप, थेट मंत्र्यांवर निशाणा! साईमत -जळगाव- प्रतिनिधी | राज्याचे पाणीपुरवठा मंत्री गुलाबराव पाटील यांच्या जळगाव ग्रामीण मतदारसंघातील नागरिकांना तीव्र पाणीटंचाईचा सामना करावा लागत असल्याचं धक्कादायक वास्तव समोर आलं आहे. मतदारसंघातील वाघ नगर आणि माउली नगर परिसरात गेल्या १५ दिवसांतून केवळ अर्धा तास पाणीपुरवठा होत असल्याने नागरिक संतप्त झाले आहेत. या पाणीबाणीविरोधात आज वंचित बहुजन आघाडीच्या नेतृत्वाखाली जिल्हाधिकारी कार्यालयावर भव्य ‘हंडा मोर्चा’ काढण्यात आला. १५ दिवसांत फक्त अर्धा तास पाणी! महिलांची पाण्यासाठी वणवण वाघ नगर आणि माउली नगर परिसरातील पाणीटंचाईने उग्र रूप धारण केले आहे. पंधरा दिवसांतून एकदा आणि…

साईमत -जळगाव- प्रतिनिधी | मुंबई: महाराष्ट्राच्या राजकीय वर्तुळातून एक अत्यंत खळबळजनक बातमी समोर येत आहे. शिवसेना ठाकरे गटातील ६ खासदारांच्या कथित बंडखोरीच्या आणि ‘ऑपरेशन टायगर’च्या चर्चांनी आधीच राजकारण तापलेलं असताना, आता मोर्चा शरद पवार यांच्या राष्ट्रवादी काँग्रेसकडे (SP) वळल्याचा दावा करण्यात येत आहे. अजित पवार गटाचे नेते आणि माजी मंत्री धर्मराव बाबा आत्राम यांनी शरद पवार गटाच्या खासदारांबाबत एक मोठा आणि धक्कादायक दावा केला आहे. १२ डिसेंबरपूर्वी ५ खासदार फुटणार? धर्मराव बाबा आत्राम यांनी माध्यमांशी बोलताना थेट तारीख जाहीर करत शरद पवार गटाला इशारा दिला आहे. त्यांनी दावा केला आहे की, “राष्ट्रवादी काँग्रेस पक्ष शरद पवार गटाचे तब्बल ५ खासदार…

 साईमत -मुक्ताईनगर- प्रतिनिधी | भंगार देण्याच्या बहाण्याने बोलावून एका मोठ्या व्यावसायिकाला बंदुकीच्या टोकावर लुटल्याची एक अत्यंत थरारक आणि धक्कादायक घटना मुक्ताईनगर तालुक्यातील हलखेडा शिवारात घडली आहे. दरोडेखोरांनी केवळ पैशांची लूट केली नाही, तर पीडितांना विवस्त्र करून त्यांचा व्हिडिओ बनवत क्रूरतेचा कळस गाठला आहे. याप्रकरणी मुक्ताईनगर पोलीस ठाण्यात ‘शिवा’ नावाच्या मुख्य आरोपीसह २० ते २५ जणांच्या टोळीविरुद्ध दरोड्याचा गुन्हा दाखल करण्यात आला आहे. ॲल्युमिनियम स्क्रॅपच्या आमिषाने भिवंडीच्या व्यापाऱ्याला जाळ्यात ओढलं मिळालेल्या माहितीनुसार, ठाणे जिल्ह्यातील भिवंडी येथील रहिवासी आणि भंगार व्यावसायिक अस्ताफ हुसेन अब्दुल सत्तार अन्सारी यांना आरोपी शिवा नावाच्या इसमाने स्वस्तात ॲल्युमिनियम स्क्रॅप (भंगार) देण्याचे आमिष दाखवले होते. या व्यवहारासाठी अस्ताफ…

साईमत -जळगाव- प्रतिनिधी | जळगाव स्थानिक प्राधिकरण मतदारसंघाच्या विधान परिषद निवडणुकीसाठी गुरुवारी उत्साहपूर्ण वातावरणात मतदान प्रक्रिया पार पडली. जिल्ह्यातील सर्वच मतदान केंद्रांवर शांततेत मतदान झाले असून एकूण 97.78 टक्के इतक्या विक्रमी मतदानाची नोंद झाली आहे. त्यामुळे या निवडणुकीकडे राज्याच्या राजकीय वर्तुळाचे लक्ष लागले आहे. निवडणूक प्रशासनाच्या माहितीनुसार, सकाळी 8 ते सायंकाळी 4 या वेळेत मतदान प्रक्रिया पार पडली. मतदारसंघातील एकूण 630 मतदारांपैकी 616 मतदारांनी मतदानाचा हक्क बजावला, तर 14 मतदार विविध कारणांमुळे अनुपस्थित राहिले. जिल्ह्यातील अमळनेर, फैजपूर, जळगाव, एरंडोल आणि पाचोरा या मतदान केंद्रांवर शंभर टक्के मतदानाची नोंद झाली. तर भुसावळ केंद्रात 118 पैकी 116 मतदारांनी मतदान करत 98.31 टक्के…

ठाकरे गटाला खिंडार: ६ खासदार शिंदे गटाच्या वाटेवर; वर्धापनदिनी गोरेगावच्या ‘नेस्को’त होणार मेगा प्रवेश? मुंबई: महाराष्ट्राच्या राजकारणात पुन्हा एकदा मोठा भूकंप होण्याची शक्यता वर्तवली जात आहे. शिवसेना (उद्धव बाळासाहेब ठाकरे) पक्षाचे ९ पैकी ६ लोकसभा खासदार गुरुवारी पक्षाच्या अत्यंत महत्त्वाच्या संसदीय बैठकीला गैरहजर राहिल्याने राजकीय वर्तुळात खळबळ उडाली आहे. या सर्व खासदारांनी मुख्यमंत्री एकनाथ शिंदे यांच्या नेतृत्वावर विश्वास दाखवत शिंदे गटात विलीन होण्याचे संकेत दिले आहेत. हा ठाकरे गटासाठी अत्यंत मोठा धक्का मानला जात असून, आता संपूर्ण देशाचे लक्ष लोकसभा अध्यक्ष ओम बिर्ला यांच्या निर्णयाकडे लागले आहे. बैठकीला दांडी मारणारे ‘ते’ ६ खासदार कोण? गुरुवारी मुंबईत झालेल्या ठाकरे गटाच्या बैठकीला…

पोलीस सिक्युरिटी बाजूला ठेवा, पहिल्यांदा गिरीश महाजनांनाच फोडणार; संजय राऊत यांचा दिल्लीतून थेट इशारा! नवी दिल्ली: शिवसेना (उद्धव बाळासाहेब ठाकरे) पक्षाचे खासदार संजय राऊत यांनी नवी दिल्लीतील आपल्या निवासस्थानी आक्रमक पत्रकार परिषद घेत भाजप नेते आणि मंत्री गिरीश महाजन यांच्यावर अत्यंत शेलक्या शब्दांत घणाघाती टीका केली आहे. “माझ्याकडे जर एक दिवस ईडी आणि सीबीआयचे अधिकार आले, तर मी पहिल्यांदा गिरीश महाजनांना फोडणार, आणि तेही अवघ्या अर्ध्या तासात!” असा थेट आणि मोठा इशारा राऊत यांनी दिल्लीतून दिला आहे. राड्या’च्या विधानावरून महाजनांना चोख प्रत्युत्तर नाशिकमध्ये गिरीश महाजन यांनी संजय राऊत यांच्या ‘राड्या’च्या विधानाची थट्टा केली होती. त्याला राऊत यांनी चोख प्रत्युत्तर दिले.…