Author: saimat

दीप प्रज्वलन करून ‘भगवद्गीता’ या ग्रंथाचे पूजन करण्यात आले. साईमत/फैजपूर/प्रतिनिधी : गीता जयंतीनिमित्त कुसुमताई मधुकरराव चौधरी माध्यमिक विद्यालयात आयोजित भाषण स्पर्धा उत्साहात पार पडली. कार्यक्रमाच्या अध्यक्षस्थानी बहिणाबाई शिक्षण प्रसारक मंडळाच्या संचालिका हिमाताई चौधरी होत्या.सर्वप्रथम मान्यवरांच्या हस्ते दीप प्रज्वलन करून ‘भगवद्गीता’ या ग्रंथाचे पूजन करण्यात आले. त्यानंतर विद्यार्थ्यांनी गीता जयंतीनिमित्त भाषणे दिली. इयत्ता ५ ते ७ या गटातून प्रथम क्रमांक राधिका ठाकूर, द्वितीय देवेश्री बोरोले, तृतीय रुही भावसार तसेच इयत्ता ८ ते १० या गटातून प्रथम क्रमांक शर्वरी महेश्री, द्वितीय अथर्व नेहते, तृतीय श्रद्धा गालफाडे या विद्यार्थ्यांनी मिळवला. या सर्व विद्यार्थ्यांना मान्यवरांच्या हस्ते भगवतगीता बक्षिस म्हणून देण्यात आली. यावेळी विद्यार्थ्यांनी दैवी…

२५ पैकी ९ कोटी प्राप्त; उर्वरित निधी लवकरच देण्याचे मंत्र्यांचे आश्वासन साईमत/मुक्ताईनगर/प्रतिनिधी : तालुक्यातील कोथळी येथील संत मुक्ताई मंदिराचा विकास प्रकल्प गेली अनेक वर्षे अपूर्णावस्थेत अडकलेला आहे. सन २०१५ मध्ये तत्कालीन मुख्यमंत्री देवेंद्र फडणवीस यांच्या अध्यक्षतेखालील समितीने १०० कोटी रुपयांच्या प्रस्तावित आराखड्यापैकी पहिल्या टप्प्यात २५ कोटी रुपयांना मंजुरी दिली होती. मात्र, प्रत्यक्षात केवळ ९ कोटी रुपयांचा निधी आजपर्यंत उपलब्ध झाला असून उर्वरित निधी मिळालेला नाही. निधीअभावी मंदिराचे काम थांबले असून आजही संत मुक्ताई मंदिर कळसाविना उभे आहे. २०१८ नंतर शासनाकडून एकाही रुपयाचा निधी प्राप्त झाला नसल्याने प्रकल्प पूर्णतः रखडला आहे. मंदिराच्या कळसापासून ते प्रमुख बांधकामांपर्यंत अनेक कामे अपूर्ण असून भक्त…

यशोधाम पब्लिक स्कूलच्या सहा खेळाडूंनी चमक दाखवत संघाला दिला राष्ट्रीय विजेतेपदाचा मान साईमत/मलकापूर/प्रतिनिधी : भारतीय पेसापोलो संघटना आणि पेसापोलो फाउंडेशन ऑफ महाराष्ट्र यांच्या संयुक्त विद्यमाने ५ ते ८ डिसेंबरदरम्यान भुसावळ येथील सेंट अलायसेस कॉन्व्हेंट हायस्कूलमध्ये झालेल्या १६ व्या पेसापोलो नॅशनल चॅम्पियनशिपमध्ये महाराष्ट्राने राष्ट्रीय विजेतेपद पटकावले. देशभरातील विविध राज्यांच्या संघांनी भाग घेतलेल्या या स्पर्धेत महाराष्ट्राच्या संघाने दमदार प्रदर्शन करून सर्वांचे लक्ष वेधले. या राष्ट्रीय स्पर्धेत मलकापूर येथील यशोधाम पब्लिक स्कूलच्या सहा खेळाडूंची महाराष्ट्र राज्य संघात निवड झाली होती. ध्रुव शरद काळे, रुद्र अनंता महाजन, प्रेम गणेश उज्जैनकर, सिद्धार्थ संदीप तायडे, संस्कार महेंद्र जवरे आणि यश तुषार पाटील या खेळाडूंनी उत्कृष्ट कौशल्य…

 ८१० रुग्णांची तपासणी; २३० मोतिबिंदू शस्त्रक्रियेसाठी निवड साईमत/पाळधी, ता.धरणगाव/प्रतिनिधी : ना.गुलाबराव पाटील यांच्या मार्गदर्शनातून आणि जि.प.सदस्य प्रतापराव पाटील व विक्रम पाटील यांच्या पुढाकारातून जिपीएस मित्र परिवारतर्फे आयोजित भव्य नेत्र तपासणी व मोफत मोतिबिंदू शस्त्रक्रिया शिबिराला नागरिकांचा अभूतपूर्व प्रतिसाद लाभला. पहाटेच नागरिकांनी शिबिरस्थळी मोठी गर्दी केली. सकाळी ७ वाजेपासून नोंदणीला सुरुवात झाली आणि दिवसभरात ८१० रुग्णांची नेत्र तपासणी करण्यात आली. पैकी २३० रुग्णांची मोतिबिंदू शस्त्रक्रियेसाठी निवड होऊन त्यांना पनवेल येथील शंकरा नेत्र रुग्णालयात पाठविण्यात आले. रुग्णांच्या नोंदणीपासून तपासणी, निदान आणि पुढील प्रक्रियेपर्यंत स्वतंत्र व्यवस्था शिबिरात उपलब्ध होती. उपस्थित प्रत्येकासाठी नाश्ता व जेवणाची मोफत सोय करण्यात आली होती. संपूर्ण सेवा विनामूल्य दिल्याने…

चोरट्याने दुचाकीच्या डिक्कीतील पैशांची पिशवी लंपास केली साईमत/मलकापूर /प्रतिनिधी : शहरातील बुलढाणा रोडवरील एका हॉटेलवर नाश्ता करण्यासाठी थांबला असल्याची संधी साधत अज्ञात चोरट्याने मोटारसायकलच्या डिक्कीत ठेवलेली साडेचार लाखांची रोकड लंपास केल्याची घटना नुकतीच घडली. याबाबत मलकापूर पोलिसात नोंद करण्यात आली आहे. याबाबत मिळालेली महिती अशी की, दाताळा येथील दीपक सुभाष किन्ने यांनी आपल्या मित्राला घर बांधण्यासाठी ८ लाख ५० हजार रुपये दिले होते. त्यापैकी ४ लाख ५० हजार रुपये घेऊन तो मित्र दाताळ्याकडे परत येत होता. दरम्यान, बुलढाणा रोडवरील वानखेडे पेट्रोल पंपाजवळ असलेल्या एका हॉटेलवर तो नाश्ता करण्यासाठी थांबला. याची संधी साधत अज्ञात चोरट्याने दुचाकीच्या डिक्कीतील पैशांची पिशवी लंपास केली. घटनेनंतर…

माजी जिल्हा परिषद सदस्य सुनिल पाटील यांच्या पुढाकाराने आयोजीत उपक्रम साईमत/ चोपडा/प्रतिनिधी : तालुक्यातील हातेड बु, हातेड खु. व गलवाडे येथील जिल्हा परिषद शाळेत उपमुख्यमंत्री अजित पवार यांच्या वाढदिवसानिमित्त विद्यार्थ्यांना घरुन शुध्द व थंड पिण्याचे पाणी आणता यावे याकरिता पाण्याच्या बाटल्या वितरीत करण्यात आल्या. सदर उपक्रम माजी जिल्हा परिषद सदस्य सुनिल पाटील यांच्या पुढाकाराने आयोजीत करण्यात आला होता. याप्रसंगी सर्वप्रथम महामानव डाँ. बाबासाहेब आंबेडकर ह्यांच्या महापरीनिर्वाण दिनानिमित्त प्रतिमेस पुष्पाजंली अर्पण करण्यात आली. तसेच रंगोत्सव ह्या संस्थेद्वारे विद्यार्थ्यांच्या कला गुणांना चालना मिळावी ह्या उद्देशाने राष्ट्रीय पातळीवरच्या आयोजित स्पर्धेत यश प्राप्त विद्यार्थ्यांना चषक व प्रमाणपत्र तसेच शाळेस मिळालेल्या चषक प्रदान करण्यात आले. याप्रसंगी…

 ५० हजारासह संसारोपयोगी वस्तू खाक साईमत/धरणगाव/प्रतिनिधी : तालुक्यातील चावलखेडे येथील शोभाबाई दिलीप अहिरे यांच्या बेघर वस्तीतील झोपडीला अचानक आग लागल्याने आगीत ५० हजार रुपयांसह संसारोपयोगी वस्तू जळून खाक झाले आहे. गेल्या ३० ते ४० वर्षांपासून पार्टिशनच्या कच्च्या झोपडीत राहणाऱ्या शोभाबाई अहिरे यांच्या घरातील संसारोपयोगी साहित्य आणि कष्टाने जमवलेले रोख ५० हजार रुपये या आगीत जळून खाक झाले आहेत. त्यांना बचत गटातून ७० हजार रुपयांचे कर्ज मिळाले होते, त्यातील २० हजार रुपये खर्च झाले होते आणि उर्वरित ५० हजार रुपये घरात ठेवलेले होते, जे जळून गेले. शोभाबाई या मोलमजुरी करून आपली गुजराण करतात. त्यांची परिस्थिती अत्यंत बिकट आहे.

स्वामी नारायण मंदीर परिसरात अज्ञात चोरट्याने वृध्द महिलेच्या गळ्यातील सोन्याची चैन  साईमत/फैजपूर/प्रतिनिधी :  येथील स्वामी नारायण मंदीर परिसरात अज्ञात चोरट्याने वृध्द महिलेच्या गळ्यातील १ लाख ६० हजार रुपये किमतीची गळ्यातील सोन्याची चैन जबरी हिसकावून चोरून नेल्याची घटना घडली. याप्रकरणी फैजपूर पोलीस ठाण्यात गुन्हा दाखल करण्यात आला आहे. याबाबत मिळालेली माहिती अशी की, शारदा प्रदिप चौधरी (वय ६४ रा. लक्ष्मीनगर, जळगाव) हे कुटुंबियांसह वास्तव्याला आहेत. शुक्रवारी ५ डिसेंबर रोजी दुपारी ४ वाजता शारदा चौधरी स्वामी नारायण मंदीरासमोर पायी जात असताना दुचाकीवरून आलेल्या अज्ञात २ भामट्यांनी महिलेच्या गळ्यातील ३० ग्रॅम वजनाची १ लाख ६० हजार रूपये किंमतीची सोन्याची चैन लांबविली. दरम्यान ही…

 मान्यवरांनी विद्यार्थ्यांना पारंपरिक खेळांचे महत्त्व केले. साईमत/यावल/प्रतिनिधी :  तालुक्यातील नायगाव येथील सातपुडा माध्यमिक विद्यालयातील विद्यार्थ्यांच्या सर्वांगीण विकासासाठी महाराष्ट्र नवनिर्माण विद्यार्थी सेनेकडून लेझीम संच भेट देण्यात आला. पारंपरिक क्रीडा आणि सांस्कृतिक वारसा जपणे,विद्यार्थ्यांमध्ये शारीरिक तंदुरुस्ती आणि एकात्मता वाढविणे या उद्देशाने हा उपक्रम राबविण्यात आला. याप्रसंगी महाराष्ट्र नवनिर्माण विद्यार्थी सेना रावेर लोकसभा जिल्हाध्यक्ष कल्पेश पवार, रुपेश तेली, पंकज कोळी उपस्थित होते. लेझीम स्विकारताना शाळेचे मुख्याध्यापक योगराज नायडे, उपशिक्षक विकास सूर्यवंशी, पी.व्ही.बोबडे, मनोज मोरे, श्री.तडवी यांच्यासह सर्व शिक्षकवृंद आणि विद्यार्थी मोठ्या संख्येने उपस्थित होते. कार्यक्रमात मान्यवरांनी विद्यार्थ्यांना पारंपरिक खेळांचे महत्त्व, शारीरिक व मानसिक आरोग्यासाठी नियमित व्यायामाची गरज आणि संस्कृती जपण्याचे मूल्य याबद्दल मार्गदर्शन…

एक माणुसकीचा धर्म जोपासण्याचे कार्य केले. साईमत/मलकापूर/प्रतिनिधी :  थंडीच्या दिवसात उबदार कपड्यांची निकड लक्षात घेता प्रहार जनशक्ती पक्षाचे जिल्हा उपप्रमुख अजय टप यांनी शहरातील उघड्यावर राहणाऱ्या गोरगरीब, बेसहारा व्यक्तींना स्वेटर, टोपी, मफलर देवून एक माणुसकीचा धर्म जोपासण्याचे कार्य केले. मलकापूर शहरात मागील काही दिवसांपासून थंडीने जोर पकडला असून उघड्यावर राहणाऱ्या गोरगरीब, बेघर आणि निराधार लोकांचे हाल अधिकच होत आहेत. अशा कठीण परिस्थितीत त्यांना उबदार कपड्यांची निकड ओळखून प्रहार जनशक्ती पक्षाचे जिल्हा उपप्रमुख अजय टप यांनी स्वतः पुढाकार घेत शहरातील विविध भागात जाऊन गरजूंपर्यंत स्वेटर, टोपी आणि मफलर वाटप केले. थंडीच्या लाटेत थरथरणाऱ्या व्यक्तींना उबदार कपडे मिळताच त्यांच्या चेहऱ्यावर आनंदाचे भाव…