Author: Sharad Bhalerao

साईमत, जळगाव : प्रतिनिधी येथील गोकुळधाम सोसायटी म्हणून ओळखल्या जाणाऱ्या वाघ नगरात आ.राजूमामा भोळे यांच्या आमदार निधीतून हायमास्टचे लोकार्पण परिसरातील नागरिकांच्या उपस्थितीत करण्यात आले. यावेळी परिसरात वृक्षारोपणाचा कार्यक्रमही घेण्यात आला. कार्यक्रमात प्रमुख पाहुणे म्हणून विकी जगदाळे, किरण लाडवंजारी, योगेश सपकाळे, हेमंत मंडोले, विशाल जगदाळे, भीमराव सुरदास, गोविंदा शुक्ला, सचिन माळी, महेंद्र उदमले आदींची होती. आ.भोळे यांचे रस्ते काँक्रिटीकरणाचे आश्वासन वृक्षारोपणा संदर्भात सुनील वाणी यांनी महत्त्व विशद केले. वृक्ष नागरिकांना पाहिजे असल्यास ते मोफत आम्ही पुरवू, असेही त्यांनी सांगितले. याप्रसंगी आ.राजूमामा भोळे यांनी नागरिकांच्या समस्या लवकरात लवकर निराकरण करू. तसेच या भागातील रस्ते काँक्रिटीकरण करू, असे आश्वासन त्यांनी दिले. याप्रसंगी कॉलनीतील…

साईमत, चाळीसगाव : प्रतिनिधी संपूर्ण भारतात स्वातंत्र्य दिनाचा ७६ वा वर्धापनदिन उत्साहात साजरा होत असतांना इंग्लंडस्थित भारतीय दूतावासातही भारतीय वेळेनुसार दुपारी २ वाजता तर इंग्लंडच्या वेळेनुसार सकाळी ९ वाजता झालेल्या स्वातंत्र्यदिन सोहळ्यात चाळीसगावचे युवा उद्योजक तथा चाळीसगाव एज्युकेशन सोसायटी संचलित आ.बं. मुलांच्या विद्यालयाचे चेअरमन योगेश रमेशचंद्र अग्रवाल हे सहभागी झाले होते. येथे दिमाखात फडकलेल्या तिरंग्याला त्यांनी मानवंदना दिली. यावेळी दूतावासातील भारतीय उच्च आयुक्त विक्रम दोरास्वामी व खास भारतातून सोहळ्यासाठी उपस्थित असलेले भारतीय सैन्य दलातील वरिष्ठ अधिकारी नरेश शेरावत, समीर पोटे आदी उपस्थित होते. भारतीय स्वातंत्र्याची अमृत पर्वणी सुरु आहे. थेट इग्लंडमध्ये झालेल्या सोहळ्याला उपस्थित राहणारे अग्रवाल हे उत्तर महाराष्ट्रातील एकमेव…

साईमत, चाळीसगाव : प्रतिनिधी श्री क्षेत्र वालझिरी येथे १ कोटी रुपये खर्चाच्या विविध विकासकामांचा भूमिपूजन सोहळा खा.उन्मेश पाटील यांच्या हस्ते नुकताच झाला. त्यांच्या हस्ते कुदळ मारून भूमिपूजन करण्यात आले. भाविकांच्या विविध सोयीसुविधांसह परिसराचा कायापालट होणार आहे. रामायणकार महर्षी वाल्मीक ऋषींच्या वास्तव्याने पुनीत झालेले तीर्थक्षेत्र वालझिरी परिसरात नव्हे तर देशात सुपरिचित आहे. या तीर्थक्षेत्राच्या दर्शनासाठी लाखो भाविक दरवर्षी येत असतात. या भाविकांना अधिकाधिक सुखसुविधा मिळाव्यात, यासाठी पर्यटनमंत्री गिरीश महाजन यांच्या माध्यमातून पर्यटन निधीतून एक कोटी रुपये विकासासाठी उपलब्ध करून दिले आहे. या ऋषीभूमीची पर्यटन भूमीकडे वाटचाल अशीच सुरु रहावी, यासाठी कटिबध्द असल्याची ग्वाही खा.उन्मेश पाटील यांनी व्यक्त केली आहे.

साईमत, चाळीसगाव : प्रतिनिधी येथील हिंदू-मुस्लिम एकतेचे प्रतीक हजरत पीर मुसा कादरी बाबा दर्गा परिसरात अवैध धंदे आणि दादागिरी करणाऱ्यांवर कारवाई करावी, अशी मागणी मुस्लिम समाजातील जागृत नागरिकांनी चाळीसगाव पोलीस निरीक्षक संदीप पाटील यांच्याकडे केली आहे. तसेच परिसरात अवैध धंदे बंद करण्याची मागणीही निवेदनाद्वारे केली आहे. याबाबत पोलीस आता काय कारवाई करता याकडे सर्व भाविकांचे लक्ष लागून राहिले आहे. निवेदन देतांना सलिम मुजावर, जूनैद मुजावर, सादिक मुजावर, तनवीर, पत्रकार सलमान, एमआईएम नासिर मनियार, मुजम्मिल, वसीम मास्टर, शाहिद मिर्झा आदी उपस्थित होते. चाळीसगावात बाबांचा दर्गा हा एकात्मतेचे प्रतीक आणि धार्मिकस्थळ आहे. दर्गा परिसरात काही लोकांनी अवैधरित्या झोपड्या बनवून तेथे काही स्त्रिया…

साईमत, अमळनेर : प्रतिनिधी येथील विजय नाना पाटील आर्मी स्कूलमध्ये स्वातंत्र्यदिनाचे औचित्य साधून १५ ऑगस्ट रोजी दैनिक ‘साईमत’ वृत्तपत्राच्या “न्यूज फ्रेम”चे उद्घाटन करण्यात आले. याबद्दल उपस्थित मान्यवरांनी दै.’साईमत’चे तालुका प्रतिनिधी अनिल पाटील यांच्यावर कौतुकाचा वर्षाव केला आहे. यावेळी प्राचार्य पी.एम.कोळी, प्रभारी कमांडंट सुभेदार मेजर नागराज पाटील, सुभेदार मेजर श्रीराम पाटील, नायक सुभेदार भटू पाटील, सहाय्यक प्रशासकीय अधिकारी के.वाय.देवरे, बी.एड. कॉलेजचे प्राचार्य प्रा.पी.पी. चौधरी, आय.टी.आय.चे प्राचार्य के.बी.बाविस्कर, कृषी महाविद्यालयाचे प्राचार्या डॉ.शुभांगी चव्हाण, कृषी विद्यालयाचे प्राचार्य प्रा.संदीप पाटील, दै.’साईमत’चे तालुका प्रतिनिधी अनिल पाटील, शालेय सांस्कृतिक विभाग प्रमुख शरद पाटील, सदस्य व्ही. डी. पाटील, संजय पाटील यांच्यासह युनिटचे प्राध्यापक वृंद, शिक्षक वृंद, शिक्षिका…

साईमत, अमळनेर : प्रतिनिधी तालुक्यातील रणाईचे येथील रहिवासी तथा सध्या गडचिरोलीसारख्या नक्षलग्रस्त अति संवेदनशील व अतिदुर्गम असलेल्या ठिकाणी केलेल्या उत्कृष्ट व उल्लेखनीय कामगिरीसाठी पोलीस उपनिरीक्षक सतीष वामन पाटील यांना १५ ऑगस्ट रोजी स्वातंत्र्यदिनी राष्ट्रपती यांचे पोलीस शौर्य पदक देऊन सन्मानित करण्यात आले. गेल्या २ वर्षांपासून सतीष पाटील हे विशेष अभियान पथक (C ६०), गडचिरोली येथे कार्यरत आहेत. गडचिरोली जिल्हा हा नक्षलदृष्ट्या अति संवेदनशील व दुर्गम असल्याने त्याठिकाणी C ६० कडून सतत नक्षल विरोधी अभियान राबविण्यात येते. त्यादरम्यान झालेल्या नक्षल चकमकी दरम्यान केलेले उत्कृष्ट पथक नेतृत्व व केलेल्या उल्लेखनीय कामगिरीबद्दल सतीष पाटील यांना गडचिरोली पोलीस तसेच महाराष्ट्र पोलीस दलासाठी सर्वोच्च व…

साईमत, अमळनेर : प्रतिनिधी स्वातंत्र्याच्या अमृत महोत्सव समारोपीय वर्षानिमित्त ‘मेरी माटी मेरा देश’ उपक्रमांतर्गत श्रीमती द्रौ.रा.कन्या शाळेने रॅलीचे आयोजन केले होते. सुरुवातीला शाळेच्या मुख्याध्यापिका एस.एस.सूर्यवंशी, पर्यवेक्षक व्ही.एम. पाटील, ज्येष्ठ शिक्षिका एस.पी.बाविस्कर, प्राथमिक विभागाच्या मुख्याध्यापिका भारती आठवले यांनी ध्वजस्तंभाचे पूजन केले. त्यानंतर ध्वजारोहण होऊन राष्ट्रगीत म्हटले गेले. नंतर करुणा क्लब व शाळेच्या सांस्कृतिक मंडळातर्फे देशभक्तीपर गीत म्हटले गेले. त्यानंतर तालुकास्तरीय बुद्धीबळ, कॅरम व चित्रकला स्पर्धेतील विजेत्या विद्यार्थिनींचा सत्कार केल्यानंतर शाळेतून रॅलीला सुरुवात झाली. रॅलीला शाळेतून सुरुवात होऊन डॉ.बाविस्कर यांच्या घराजवळून, डॉ.मुठे यांच्या हॉस्पिटल जवळून महाराणा प्रताप चौक, विजय मारोती मंदिर, बस स्टँड मार्गे तिरंगा चौकात आली. तिथे नगर परिषदेने आयोजित केलेल्या…

साईमत, अमळनेर : प्रतिनिधी तालुक्यात मंगरूळ येथे दहावीला प्रथम आलेल्या योगिता पाटील आणि नेहा पाटील या विद्यार्थिनींच्या हस्ते ध्वजारोहण करण्यात आले. स्वातंत्र्य दिनी गावातील अग्निवीर म्हणून देशसेवेत गेलेल्या व स्पर्धा परीक्षेत निवड झालेल्या तरुणांचा ग्रामविकास शिक्षण मंडळातर्फे सत्कार करण्यात आला. तसेच विविध कार्यकारी सोसायटीत देविदास पाटील यांच्या हस्ते ग्रामपंचायतीत माजी सैनिक सयाजीराव पाटील यांच्या हस्ते, स्व.अनिल अंबर पाटील माध्यमिक विद्यालयात मुरलीधर पाटील यांच्या हस्ते, जि.प. प्राथमिक शाळेत शालेय समितीचे अध्यक्ष दीपक पाटील यांच्या हस्ते ध्वजारोहण करण्यात आले. यावेळी श्रीकांत पाटील, संजीव सैंदाणे, अमोल पाटील, वाल्मिक पाटील, विश्वास पाटील, चंपालाल शिंदे, संदीप पाटील, निंबा पाटील, रतीलाल पाटील, डिंपल पाटील उपस्थित होते.

साईमत, अमळनेर : प्रतिनिधी तालुक्यात विहिरीच्या पाण्यात बुडून मृत्यू झालेल्या तरूणाचा मृतदेह एसडीआरएफ पथकाने चार तासांच्या अथक प्रयत्नांनी शोधून काढला आहे. मदत व पुनर्वसन मंत्री अनिल पाटील यांनी जिल्हाधिकारी आयुष प्रसाद यांच्याशी दूरध्वनीवरून संपर्क साधत शोध व बचाव कार्य करण्याच्या सूचना दिल्या होत्या. सविस्तर असे की, पारोळा येथील वंजारी शिवारालगतचे रहिवासी विनोद धोत्रे यांचा चिरंजीव शुभम धोत्रे (वय १७) हा शिक्षणाकामी अमळनेर येथे राहत होता. तो प्रताप महाविद्यालयात ११ वीत शिक्षण घेत होता. त्याच्यासोबत चार-पाच मित्रांसह तो विहिरीत पोहायला गेला होता. विहिरीत उडी मारल्यावर तो वर आला नाही. मुलांनी आरडाओरड केल्यानंतर ही घटना स्थानिकांनी तात्काळ मदत व पुनर्वसन मंत्री अनिल…

साईमत, धरणगाव : प्रतिनिधी तालुक्यातील पाळधी गावात एका तरूणाच्या आयडीवर इन्स्टाग्रामवर महापुरूषांबद्दल अवमानकारक आणि आक्षेपार्ह कमेंट केल्याची धक्कादायक घटना घडली आहे. याप्रकरणी अज्ञात व्यक्तीवर धरणगाव पोलीस ठाण्यात गुन्हा दाखल केला आहे. सविस्तर असे की, धरणगाव तालुक्यातील पाळधी येथील विशाल सरद नन्नवरे यांनी त्यांच्या इन्स्टाग्रामवरच्या अकाऊंटरवर महापुरूषांचा फोटो अपलोड केला होता. त्यावर मंगळवारी, १५ ऑगस्ट रोजी सकाळी ९ वाजता एका अनोळखी व्यक्तीने आक्षेपार्ह आणि अवमानकारक कमेंट करून जातीय तेढ निर्माण केल्याचा प्रयत्न केला. हा प्रकार घडल्यानंतर विशाल नन्नवरे याने धरणगाव पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून धरणगाव पोलीस ठाण्यात गुन्हा दाखल केला आहे. तपास सहाय्यक पोलीस निरीक्षक प्रमोद…