Author: Saimat

चाळीसगाव : प्रतिनिधी तालुक्यातील सांगवी येथे एका राठोड परिवाराच्या घरात अचानक गॅस सिलिंडरचा स्फोट झाला आहे. या आगीत रोकडसह तीन लाखाचा मुद्देमाल जळून खाक झाल्याची माहिती मिळाली आहे. चाळीसगाव तालुक्यातील सांगवी येथील दामु फंदु राठोड हा ऊसतोड मजूर असून त्यावरच आपल्या कुटुंबाची उपजीविका भागवित असतात. दरम्यान राठोड हा नुकतीच ऊसतोडणी वरून घरी परतला आहे. मात्र त्यांच्या पत्नी सकाळी ९ वाजताच्या सुमारास स्वयंपाक करीत असताना अचानक गॅसचा स्फोट झाला. यावेळी घरातील संसार उपयोगी वस्तूंसह ५ ग्रॅम सोने, बाजरीचे धान्य, बैलांची विक्री करून कपाटात ठेवलेले १ लाख रुपये असे एकूण ३ लाख रुपयांचा मुद्देमाल जळून खाक झाल्याची घटना बुधवार, ११ रोजी घडली…

जळगाव : प्रतिनिधी अखिल भारतीय कोळी समाज नवी दिल्ली(रजि.) शाखा महाराष्ट्र प्रदेशच्या खान्देश विभागीय अध्यक्षपदी भिकन शामराव नन्नवरे यांची नुकतीच निवड करण्यात आली आहे या निवडीचे पत्र त्याना देण्यात आले आहे. धरणगाव तालुकयातील बांभोरी(प्र.चां) येथील सामाजिक कार्यकर्ते भिकन शामराव नन्नवरे यांची नियुक्ती महाराष्ट्र प्रदेश अध्यक्ष परेश कांति कोळी यांच्या आदेशानुसार महाराष्ट्र प्रदेश सचिव अनिल देविदास नन्नवरे यांचे हस्ते नियुक्तीपत्र देऊन गौरविण्यात आले. भिकन नन्नवरे हे अखिल भारतीय कोळी समाजाचे निष्ठावान कार्यकर्ते होते त्यांनी अनेक सामाजिक स्तुत्य उपक्रम राबविले आहेत त्यांच्या कार्याची दखल घेऊन त्यांची खांदेश विभाग अध्यक्ष पदी निवड करण्यात आली. दिनांक १० मे रोजी त्यांचा नियुक्तीपत्र देऊन सत्कार करण्यात…

भुसावळ ः प्रतिनिधी जीवनात मनुष्याच्या आर्थिक, शारीरिक, मानसिक स्थितीचा जवळचा संबंध असतो. हाच विचार डोळ्यासमोर ठेवून विद्यार्थ्यांना स्वत:च्या पायावर उभे राहता यावे यासाठी रोजगाराभिमुख अभ्यासक्रम तयार करायला हवा. गतिमान कालचक्राचा वेध घेऊन बदल अपेक्षित आहे, असा सूर विद्यापीठस्तरीय अभ्यासक्रम पुनर्रचना कार्यशाळेतून निघाला. कवयित्री बहिणाबाई चौधरी, उत्तर महाराष्ट्र विद्यापीठाच्या माध्यमातून भुसावळच्या कोटेचा महिला महाविद्यालयात अर्थशास्त्र, व्यावसायिक अर्थशास्त्र आणि बँकिंग विभाग यांच्या संयुक्त विद्यमाने एकदिवसीय विद्यापीठस्तरीय अभ्यासक्रम पुनर्रचना कार्यशाळा घेण्यात आली.त्यात तज्ज्ञांनी आपली मते मांडली. कार्यशाळेचे उद्घाटन भुसावळ कला, विज्ञान आणि पी. ओ. नाहाटा वाणिज्य महाविद्यालयाच्या प्राचार्या डॉ. मीनाक्षी वायकोळे यांच्याहस्ते सरस्वतीपूजन व दीपप्रज्वलनाने करण्यात आले. अध्यक्षस्थानी प्राचार्या डॉ. मंगला साबद्रा होत्या.…

जळगाव ः प्रतिनिधी अमरावती येथे 11 ते 13 मे दरम्यान होणाऱ्या जी. व्ही. मालवणकर रायफल शूटिंग स्पर्धेत जळगावच्या एनसीसी 18 महाराष्ट्र बटालियनच्या सहा विद्यार्थ्यांची निवड करण्यात आली. त्यात नूतन मराठा महाविद्यालयातील चेतन बडगुजर, रामेश्वर पाटील व काशिनाथ पलोड पब्लिक स्कूलचे शिवम पाटील, वेदांत पवार, मूजे महाविद्यालयातील नेहा परमार व प्रियंका सोनवणे यांचा समावेश आहे. सुभेदार जय पॉल, हवलदार राजूराम यांनी सराव करून घेतला. निवड झालेल्या विद्यार्थ्यांचे कर्नल प्रवीण धिमन, प्राचार्य एल. पी. देशमुख यांनी त्यांचे कौतुक केले. लेफ्टनंट शिवराज मानके, सीटीओ हेमांगी वानखेडे, काशिनाथ पलोड पब्लिक स्कूलचे प्राचार्य गणेश पाटील, सिद्धार्थ शिंदे यांनी मार्गदर्शन केले.

जळगाव ः प्रतिनिधी पुणे येथे गौरा फॅशन क्लब आयोजित वीर महाराष्ट्राचा आणि वीरांगना महाराष्ट्राची 2022 या सौंदर्य स्पर्धेत जळगावची फाल्गुनी जितेंद्र पाटील यांनी उपविजेतेपद पटकावले आहे. ही स्पर्धा गौरी नाईक व जयंत पाटील यांनी आयोजित केली होती. स्पर्धेत महाराष्ट्रातून 55 स्पर्धक सहभागी झाले होते. मिस्टर वर्ल्ड रोहित खंडेलवाल, अभिनेता मिलिंद गुणाजी, सचिन दनाय, डॉ. दिलीप बोरावके, गौरी नाईक, प्राची भावसार, चैतन्य गोखले, चैताली नेहेते यांनी परीक्षकांचे काम केले. विविध क्षेत्रातील उत्कृष्ट कामगिरी बजावणाऱ्या व्यक्तींना गौरा यशश्री पुरस्कार देऊन सन्मानित करण्यात आले.

जळगाव ः प्रतिनिधी येत्या 12 ते 18 मे दरम्यान आंतरजिल्हा महाराष्ट्र राज्य 17 वर्षांखालील मुलींचे फुटबॉल स्पर्धा नाशिक येथे होत आहे. जळगाव जिल्ह्याचा पहिला सामना 13 मे रोजी वाशिम जिल्ह्यासोबत होणार आहे. जळगाव जिल्हा 17 वर्षांखालील मुलींचा फुटबॉल संघाची घोषणा सचिव फारुक शेख यांनी काल केली आहे. हा संघ मनोज सुरवाडे यांच्या नेतृत्वात अब्दुल मोहसीन व प्रो. डॉ. कोल्हे यांच्या समितीने निवडला आहे. या संघाचे संघ व्यवस्थापक म्हणून मोसेस चार्ल्स, प्रशिक्षक म्हणून राहील शेख अहमद यांची नियुक्ती करण्यात आली आहे. या वेळी उपाध्यक्ष इम्तियाज शेख, सह सचिव प्रो. डॉ. अनिता कोल्हे, ताहेर शेख आदी उपस्थित होते. जिल्हा फुटबॉल संघ असा…

जळगाव ः प्रतिनिधी जिल्हा ॲथलेटिक्स असोसिएशनतर्फे जागतिक थलेटिक्स दिनानिमित्ताने परिसंवादचे आयोजन व साहित्य पूजनाचा कार्यक्रम शारीरिक शिक्षणशास्त्र महाविद्यालयात घेण्यात आला. थलेटिक्स साहित्याचे पूजन महाराष्ट्र थलेटिक्स असोसिएशनचे उपाध्यक्ष तथा जळगाव जिल्हा ॲथलेटिक्स असोसिएशनचे अध्यक्ष शिवछत्रपती पुरस्कार्थी डॉ. नारायण खडके व जळगाव जिल्हा ॲथलेटिक्स असोसिएशनचे कार्याध्यक्ष डॉ. पी. आर. चौधरी यांनी केले. ॲथलेटिक्स दिनानिमित्ताने झालेल्या परिसंवादात जळगाव जिल्हा ॲथलेटिक्स असोसिएशनचे सचिव राजेश जाधव यांनी आजच्या दिवसाचे महत्त्व व साजरा करण्याचा उद्देश यावर मार्गदर्शन केले. या निमित्ताने राष्ट्रीय ॲथलेटिक्स खेळाडू संजय मोती, संजय तायडे, धीरज जावळे, तेजस तायडे यांचा सत्कार करून त्यांना सन्मानित करण्यात आले. या वेळी डॉ. तुळशीराम नेमाडे, अशोक कोल्हे, राष्ट्रीय…

जळगाव ः प्रतिनिधी महाराणा प्रताप यांच्या जीवनकार्याचा अभ्यास करताना नवी स्फूर्ती मिळते. जाज्वल्य अशा ऐतिहासिक घटनांचे संदर्भ वाचताना राष्ट्रभक्तीचे स्फूरण चढते. लढवय्या राजा कसा असतो? याचे दर्शन आपल्याला होते, अशा शब्दांत शाळा, महाविद्यालये व संघटनांनी आयोजित केलेल्या कार्यक्रमात मान्यवरांनी मत व्यक्त केले. प्रतिमापूजन, युद्ध कलेचा अभ्यास, वक्तृत्व स्पर्धा, शैक्षणिक साहित्य वाटप असे कार्यक्रम ही पार पडले. शहरातील सूर्यवंशी कुशवाह राजपूत समाजातर्फे महाराणा प्रताप यांची जयंती विविध कार्यक्रमांनी साजरी करण्यात आली. कांचन नगरातील समाज भवन येथे क्रांतिसूर्य महाराणा प्रतापसिंह यांच्या प्रतिमेचे पूजन करण्यात आले. जळगाव शहराचे आमदार राजूमामा भोळे, शनिपेठ पोलिस ठाण्याचे पोलिस निरीक्षक बळीराम हिरे, नगरसेवक किशोर बाविस्कर, प्रतापसिंग राजपूत,…

जळगाव ः प्रतिनिधी ग. स. सोसायटीच्या अध्यक्षपदाची निवडणूक उद्या 12 मे रोजी होत आहे. यानिमित्ताने सोसायटीतील राजकीय घडामोडी गतिमान झाल्या आहेत. त्रिशंकू स्थिती असलेल्या ग.स. मध्ये संचालक पळवापळवीची शक्यता लक्षात घेता दोन गटांनी आपले संचालक सहलीला रवाना केले आहेत.दिवसभरच्या बैठकांमुळे अध्यक्षपदाच्या निवडणुकीत रंगत येण्याची शक्यता आहे. जळगाव जिल्हा सरकारी नोकरांची सहकारी पतपेढीची पंचवार्षिक निवडणूक गेल्या आठवड्यात झाली. 21 जागांसाठी झालेल्या निवडणुकीत एकाही गटाला बहुमत मिळालेले नाही. सहकार गटाचे 9, प्रगती व लोकसहकार गटाला प्रत्येकी 6 जागांवर विजय मिळाला आहे. बहुमतासाठी 11 संचालकांचा आकडा गाठणे गरजेचे आहे. बहुमताच्या जवळ असलेल्या सहकार गटाकडून इतर दोन गटांमधील संचालकांना गळाला लावण्याचे प्रयत्न सुरू असल्याची…