Author: Saimat

पाळधी ता धरणगाव : वार्ताहर महाराष्ट्राचे पाणीपुरवठा व स्वछता मंत्री तथा पालकमंत्री जळगाव जिल्हा ना.गुलाबराव पाटील यांच्या वाढदिवसानिमित्त बिलखेडा येथे भव्य आरोग्यशिबिर झाले. तसेच जांभोरा येथे गरजूंना रेशन कार्डचे वाटप करण्यात आले. पालकमंत्र्यांच्या वाढदिवसानिमित्त आजपासूनच जिल्ह्यात विविध सामाजिक उपक्रम राबविण्यात येत आहे. ना.गुलाबराव पाटील यांच्या वाढदिवसाच्या पूर्वसंध्येला हे भव्य रोगनिदान शिबिर आयोजित करण्यात आले होते. सर्व आजारांवर मोफत उपचार व औषधे उपलब्ध करून देण्यात आले विशेषतः लहान मुलांसाठी विशेष बाल रोग तज्ञ डॉक्टर उपस्थित होते. जिल्हा परिषद सदस्य प्रताप गुलाबराव पाटील यांनी या आरोग्य शिबिराचे कौतुक करताना सांगितले की, आरोग्य शिबिर अनेक होतात परंतु आरोग्य तपासणी सोबत औषधांचे वाटप होणारे…

जळगाव : विशेष प्रतिनिधी गुरुवारच्या मध्यरात्रीनंतर किंवा शुक्रवारच्या अगदीच पहाटे शहरातील कासमवाडी परिसरातील मासळी बाजार नजीकच्या मैदानावर सागर वासुदेव पाटील या 27 वर्षीय युवकाचा दगडाने ठेचून निर्घृणपणे खून करण्यात आला.शुक्रवारी सकाळी खुनाचा हा प्रकार उघडकीस आला तसा पोलीस व वरिष्ठ पोलीस अधिकाऱ्यांचा फौजफाटा घटनास्थळी दाखल झाला आणि काही तासातच पोलिसांनी दोघा संशयित खुन्यांना ताब्यात घेतले. तद्नंंतर त्या खुनाचा तपास लावण्यात त्यांना म्हणजे पोलिसांना यश आले.गुन्ह्याचा उलगडा व आरोपी निष्पन्न केल्यामुळे तापसाधिकारी व सहकारी पोलिसांच्या पाठीवर कौतुकाची थाप मारलीच पाहिजे. त्यांचे अभिनंदन केलेच पाहिजे. मात्र ,जर असेच गुन्हे जसे चोऱ्या,घरफोड्या,सोनपोत ओढून पळणे, हातातून महागडा मोबाईल हिसकून पळणे, हाणामाऱ्या,खुनी हल्ले व खून…

जम्मू-काश्‍मीर : वृत्तसंस्था जम्मू-काश्‌‍मीर प्रशासनाने सुरक्षेचे आश्वासन देऊनही खोऱ्यातून काश्‌‍मिरी पंडितांचे स्थलांतर सुरू झाले आहे. उत्तर काश्‌‍मीरमधील संक्रमण शिबिरापासून ते शेखपोरा बडगामच्या हाय-प्रोफाइल निवासस्थानापर्यंत सर्वत्र शांतता आहे. प्रशासन स्थलांतराचे वृत्त नाकारत असेल, पण घरांना लावलेली कुलूपे त्याची साक्ष देत आहेत.खोऱ्यात 5,900 कर्मचारी आहेत. त्यापैकी 1,100 निर्वासितांच्या शिबिरात व तर 4700 खासगी निवासस्थानात राहतात. निर्बंध असूनही यातील 80 टक्के कर्मचारी काश्‍मीर सोडून जम्मूमध्ये पोहोचले आहेत. या स्थितीतही अनंतनाग, बारामुल्ला, श्रीनगरमधील शिबिरांमध्ये राहणारी अनेक कुटुंबे बाहेर पडू शकत नाहीत. कारण प्रशासनाने त्यांना बाहेर पडण्यास बंदी घातली आहे. कर्मचारी तणावात, कारण सांगून बाहेर राज्यपाल मनोज सिन्हा यांना भेटलेल्या प्रतिनिधींतील एका काश्‍मीरी पंडिताने सांगितले…

जळगाव ः प्रतिनिधी बुद्ध, फुले, शाहू, आंबेडकरांची विचारधारा शेवटपर्यंत जपणारे, आंबेडकरी साहित्यिक चळवळीला गतिमान करणारे, वामनदादा कर्डक यांचे ज्येष्ठ शिष्य प्रतापसिंग बोदडेे (वय 74) यांचे हृदयविकाराच्या तीव्र झटक्याने काल जळगाव येथे निधन झाले. त्यांच्या पश्चात पत्नी, गायक मुलगा, 4 मुली आणि चळवळीचा मोठा परिवार आहे. ते भारतीय रेल्वेतून सेवानिवृत्त झाले होते. काही दिवसांपूर्वी त्यांना औरंगाबाद येथील रुग्णालयात दाखल केले होते. मात्र प्रकृतीत सुधारणा झाल्याने मुक्ताईनगरमध्ये आणले होते. शुक्रवारी सकाळी प्रकृती बिघडल्याने जळगाव येथे नेण्यात आले मात्र त्यांची प्राणज्योत मालवली. त्यांच्या पार्थिवावर आज सकाळी मुक्ताईनगर येथे अंत्यसंस्कार करण्यात आले.भीमराज की बेटी मैं तो जयभीम वाली हूँ… या गीताने महाराष्ट्रात कान्याकोपऱ्यात पोहोचलेले…

जळगाव ः प्रतिनिधी जिल्हा सरकारी नोकरांची सहकारी पतपेढीच्या (ग.स.) 15 महिन्यांच्या प्रशासकीय कार्यकाळात संस्थेत बेशिस्त वातावरण तयार झाले आहे. प्रशासकीय काळात केलेल्या विविध आर्थीक तरतूदी देखील विसंगत आहे. या काळात कर्मचाऱ्यांच्या बेशिस्त वातावरणामुळे संस्थेत आता शिस्त लावणे गरजेचे आहे. त्यामुळे परिणामकारक बदल केला जाणार आहे. तसेच सभासदांना निवडणुकीपूर्वी दिलेल्या वचननाम्याची पूर्तता म्हणून सभासदांसाठी विविध सवलती देण्याचा निर्णय संचालक मंडळाने घेतला असल्याची माहिती सोसायटीचे अध्यक्ष उदय पाटील यांनी काल पत्रकार परिषदेत दिली. पत्रकार परिषदेत माहिती देताना अध्यक्ष पाटील यांनी सांगितले की, प्रशासक काळात 22 कर्मचारी सेवानिवृत्त झाले असून त्यांचे उपदानाचे 4 कोटी देणे आहे मात्र 1 कोटी 95 लाखाचीच तरतूद केली…

जळगाव : प्रतिनिधी राष्ट्रवादीचे नेते एकनाथराव खडसेंविरुद्ध ईडीने सुरू केलेल्या कारवाईबाबत प्रथमच खासदार रक्षाताई खडसे यांनी नाराजी व्यक्त केली. ईडीच्या दृष्टीने ते योग्य असले तरी आम्हाला ही कारवाई योग्य वाटत नाही.हा विषय न्यायालयात असल्याने जो निर्णय येईल तो मान्य असेल अशी पुष्टीही त्यांनी जोडली. केंद्रातील नरेंद्र मोदी सरकारच्या आठव्या वर्षपूर्तीनिमित्त सरकारच्या कामांची माहिती देण्यासाठी शुक्रवारी खासदार खडसे यांनी पत्रकार परिषदेत संवाद साधला. यावेळी त्यांनी एकनाथराव खडसे यांच्या कुटुंबीयांवर झालेल्या कारवाई संदर्भात प्रथमच आपले मत व्यक्त केले.केंद्राला एजन्सी या नात्याने ईडीची कारवाई योग्य वाटत असेल परंतु आम्हाला ती मान्य नसल्याचे त्यांनी सांगितले. केंद्राला त्यात तथ्य वाटते त्या पध्दतीने ती कारवाई केली…

जळगाव : प्रतिनिधी पहिलीत शिकणारा सात वर्षाचा चिमुरडा असलेला जळगावचा अनय डोहोळे याने भारतरत्न, भारतीय क्रिकेट संघाचे माजी कर्णधार सचिन तेंडुलकर यांना स्व-हस्ताक्षरात पत्र लिहून त्यांचे छायाचित्र व स्वाक्षरी पाठवावी अशी इच्छा व्यक्त केली होती आणि खरंच अनयच्या या बालहट्टाला प्रतिसाद देत सचिन तेंडुलकर यांनी स्वतःची स्वाक्षरी असलेले विश्वचषक हातात घेतलेले व शतक झळकविलेल्या नंतर अभिवादन करतांनाचे छायाचित्र पाठविले. सोबत स्वतःच्या लेटर पॅडवर अनुभव शेअर करीत मोठे स्वप्न पहा त्यासाठी कठोर परिश्रम करा, यश हमखास मिळेल असा संदेशही दिला आहे.अनय हा सौ.अनघा व अजय डोहोळे यांचा मुलगा असून वाघनगर येथील विवेकानंद प्रतिष्ठान इंग्लिश मिडियम शाळेचा विद्यार्थी आहे.

जळगाव ः प्रतिनिधी शेतकरी व कृषिउद्योजकांच्या पुढच्या पिढीला चालना देण्यासाठी फाली औद्योगिक जगतातील नायकांना एकत्रित आणत आहे. त्यासाठी जैन हिल्स येथे फाली आठव्या संम्मेलनाचा पहिले सत्र 1 व 2 जून ला यशस्वी पार पडले. या संम्मेलनाचे दुसरे सत्र 4 व 5 जूनला घेतले जात आहे. या दुसऱ्या सत्रामध्ये उर्वरित 400 विद्यार्थी सहभागी होत आहेत. या संम्मेलनासाठी महाराष्ट्र व गुजरात राज्यातील 135 शाळांमधील 11 हजार विद्यार्थ्यांमधून 800 विद्यार्थ्यांची निवड करण्यात आलेली आहे. फालीच्या माध्यमातून आतापर्यंत सुमारे 25 हजारहून अधिक विद्यार्थ्यांना शिकविण्यात आले आहे. जैन हिल्स येथे आयोजित ‘फाली`च्या आठव्या संमेलनाच्या दुसऱ्या दिवशी अर्थात गुरुवारी पहिल्या सत्रात 67 शेती व्यवसाय योजना आणि…

 जळगाव ः प्रतिनिधी मनपा आयुक्त डॉ. विद्या गायकवाड तसेच अतिरिक्त आयुक्त       श्‍्याम गोसावी यांचे मार्गदर्शनाखाली अतिक्रमण विभाग प्रमुख  संजय ठाकूर यांनी त्यांचे सहकाऱ्यांसमवेत काल सकाळी महाबळ कॉलनी रोडवरील काव्यरत्नावली चौक ते स्वातंत्र्य चौकातील रस्त्यावर अतिक्रमण करून व्यवसाय करीत असलेल्या फळ विक्रेत्यांवर अतिक्रमण विभागामार्फत धडक कारवाई करून त्यात 11 वजन माप काटे तसेच त्यांच्याजवळ असलेल्या साधारणतः दोन ते तीन किलो प्लॅस्टिक कॅरीबॅग जप्तीची कारवाई केली. तसेच शहरातील एम. जे.कॉलेज गेट समोरील रस्त्यावर अतिक्रमण करून व्यवसाय करणारे पाणीपुरी व चायनीज गाडी व्यावसायिकांवर तसेच इतर हॉकर्स व्यावसायिकांवर काल संध्याकाळी  अचानक अतिक्रमण विभागाकडून कारवाई करण्यात आली. त्यात   या  हॉकर्स व्यावसायिक…

मेष : मेष राशीच्या लोकांसाठी दिवसाची सुरुवात चांगली होणार आहे. नोकरी असो किंवा कौटुंबिक आनंद, आजचा दिवस चांगला जाणार आहे. आज कामाच्या ठिकाणी प्रभाव राहील. आज मूड चांगला राहणार आहे, कुटुंबातील सदस्यांसोबत चांगला वेळ जाईल. तुमच्या बुद्धिमत्तेचा आणि क्षमतेचा आज तुम्हाला पुरेपूर फायदा मिळेल. आज कमाई देखील वाढणार आहे. कुटुंबाच्या गरजांची पूर्ण काळजी घ्या. आज ६०% नशिबाची साथ आहे. आई-वडिलांचे आशीर्वाद घ्या. वृषभ : आज वृषभ राशीच्या लोकांचे कौटुंबिक जीवन चढ-उतारांनी भरलेले असेल. तुमचे कठोर परिश्रम आणि समज तुम्हाला जीवन आनंदी बनविण्यात मदत करेल. नोकरीच्या ठिकाणी तुमच्या कामाचे कौतुक होईल. कौटुंबिक सुख अपेक्षेप्रमाणे राहणार आहे. तुम्ही दिवसभर आनंदी राहाल, आज तुम्ही कुटुंब…