Author: saimat

विविध स्पर्धा, मोठी विद्यार्थी सहभागिता; विजेत्यांचा मान्यवरांच्या हस्ते गौरव साईमत/पारोळा/प्रतिनिधी/ विद्यार्थ्यांच्या सर्वांगीण विकासासाठी तालुक्यातील बाहुटे येथील ग्लोबल मिशन स्कूलमध्ये आयोजित क्रीडा महोत्सव उत्साहात साजरा करण्यात आला.महोत्सवाची सुरुवात सरस्वती पूजन व दीपप्रज्वलनाने झाली. प्रमुख अतिथी पारोळा पोलिस उपनिरीक्षक विजय भोंबे यांच्याहस्ते दीपप्रज्वलन करण्यात आले. यावेळी संस्थापक अध्यक्ष मनोहर पाटील, अरुण पाटील, यशवंत पाटील, अजय पाटील, राजेंद्र शर्मा उपस्थित होते. मशाल प्रज्वलनानंतर क्रीडा स्पर्धांना औपचारिक सुरुवात झाली. प्री-प्रायमरी विद्यार्थ्यांसाठी लिंबू-चमचा, चेंडू शर्यत, धाव शर्यत तर ४ थी ते ७ वीपर्यंतच्या विद्यार्थ्यांसाठी १०० मीटर धाव, कबड्डी, खो-खो, क्रिकेट, संगीत खुर्ची, झिगझॅग धाव, गोळाफेक, जलतरण अशा विविध संघनिहाय स्पर्धांचे आयोजन करण्यात आले. विजेत्या विद्यार्थ्यांना…

शेतकऱ्यांसाठी शेती कर्ज मार्गदर्शन शिबिराचे आयोजन करण्यात आले. साईमत/मलकापूर/प्रतिनिधी :   तालुक्यातील अनुराबाद येथे मुख्यमंत्री समृद्ध पंचायतराज अभियानांतर्गत एसबीआय कृषी विकास शाखा, मलकापूरतर्फे शेतकऱ्यांसाठी शेती कर्ज मार्गदर्शन शिबिराचे आयोजन करण्यात आले. श्रीराम मंदिर सभागृहात झालेल्या या कार्यक्रमात शेतकऱ्यांना कर्जप्रक्रिया, आवश्यक कागदपत्रे, कर्ज मर्यादा तसेच खातेविषयक विविध अडचणींबाबत सविस्तर मार्गदर्शन करण्यात आले. एसबीआय कृषी विकास शाखेचे फिल्ड अधिकारी कमलेश तरोने व राहुल चित्ते यांनी शेतकऱ्यांच्या प्रश्नांना समजून घेत योग्य तो मार्गदर्शन केला. शेतकऱ्यांच्या कर्जाशी संबंधित अडचणी प्रत्यक्ष जाणून घेऊन त्यावर तत्काळ उपाय सुचविण्यात आले. कार्यक्रमास सरपंच, उपसरपंच, ग्रामपंचायत सदस्य, ग्रामपंचायत अधिकारी, शेतकरी बांधव आणि एसबीआयचे खातेदार मोठ्या संख्येने उपस्थित होते. या…

आ. एकनाथराव खडसे यांची अधिवेशनात मागणी; नऊ वर्षांपासून प्रलंबित प्रकल्पाला गती देण्याची अपेक्षा साईमत/मुक्ताईनगर/प्रतिनिधी :  जळगाव जिल्ह्यास मंजूर झालेले शासकीय पशूवैद्यकीय महाविद्यालय तात्काळ सुरू करावे, अशी मागणी विधानपरिषद सदस्य आ.एकनाथराव खडसे यांनी अधिवेशनात केली. सन २०१६ मध्ये या महाविद्यालयास राज्य सरकारची मान्यता मिळाल्यानंतरही नऊ वर्षांनंतरही प्रत्यक्ष सुरूवात न झाल्यामुळे त्यांनी शासनाचे लक्ष वेधले. आ.खडसे पुढे म्हणाले की, जळगाव जिल्ह्यात पशूवैद्यकीय महाविद्यालय सुरू करण्यासाठी आवश्यक सर्व मान्यता मिळालेल्या आहेत. मुक्ताईनगर तालुक्यातील सालबर्डी येथे या महाविद्यालयासाठी तब्बल ६० एकर जागा अधिग्रहित करून महाविद्यालयाच्या नावावरही करण्यात आली आहे. मात्र, त्यानंतर हे महाविद्यालय सालबर्डी येथे करायचे की जळगाव शहरात, असा प्रश्न उपस्थित होत असून…

नाकाबंदी दरम्यान दोन चोरीची वाहने जप्त साईमत/चाळीसगाव/प्रतिनिधी :   पोलीस अधीक्षक यांच्या निर्देशानुसार जिल्ह्यात वाहतूक नियमांच्या अंमलबजावणीसाठी विशेष मोहीम राबविण्यात येत आहे. या मोहिमेचा भाग म्हणून चाळीसगाव शहरातील छत्रपती शिवाजी महाराज चौकात शहर वाहतूक शाखेकडून केलेल्या नाकाबंदीत दोन संशयास्पद मोटारसायकली आढळून आल्या. त्वरित त्या वाहतूक शाखा कार्यालयात जमा केली. आरटीओमार्फत मोटारसायकलींच्या चेसिस आणि इंजिन क्रमांकांची पडताळणी करण्यात आली. तपासात या दोन्ही वाहनांना बनावट नंबर प्लेट लावल्याचे स्पष्ट झाले. पहिल्या मोटारसायकलवर (एम.एच.१९ एएम १७६४) असा क्रमांक आढळून आला. परंतु तपासणी केल्यानंतर तिचा खरा क्रमांक (एम.एच.२१- बीएल २८३१) असून मालक सतीश दत्तात्रेय भवर (रा. संजय नगर, जुना जालना) असल्याचे निष्पन्न झाले. दुसऱ्या…

यात्रोत्सवानिमित्त परिसरात विविध धार्मिक, सांस्कृतिक आणि मनोरंजक कार्यक्रमांचे आयोजन करण्यात आले आहे. साईमत/भडगाव /प्रतिनिधी :  तालुक्यातील वाक येथे दरवर्षीच्या प्रमाणे यावर्षीही शनिवार १३ डिसेंबर रोजी दत्तप्रभू यात्रोत्सव भरणार आहे. यात्रोत्सवानिमित्त परिसरात विविध धार्मिक, सांस्कृतिक आणि मनोरंजक कार्यक्रमांचे आयोजन करण्यात आले आहे. सकाळी मंगल स्नान, सायंकाळी ५ वाजता आरती आणि पालखीचे सोहळा यात्रोत्सवाचे मुख्य आकर्षण ठरणार आहे. विशेष म्हणजे यात्रेनिमित्त दरवर्षीप्रमाणे लोकनाट्य-तमाशेही आयोजित केले जातात. यावर्षी दुपारी ४ वाजता तमाशाचा कार्यक्रम तर संध्याकाळी ७ ते ८ वाजता लोकनाट्य-तमाशाचे कार्यक्रम रंगणार आहेत. यात्रोत्सवात मोठ्या प्रमाणात लहान-मोठे पाळणे, संसार उपयोगी वस्तू, कटलरी आणि मिठाईच्या दुकाने देखील भरलेली असतात. यात्रेचे वैशिष्ट्य म्हणजे दुपारी २…

अधिकाऱ्यांनी दिव्यांग बांधवांच्या मागण्यांकडे तत्काळ लक्ष दिले. साईमत/पाचोरा /प्रतिनिधी :   विविध मागण्यांकडे प्रशासनाचे दुर्लक्ष होत असल्यामुळे पाचोरा तालुक्यातील शिंदाड येथील दिव्यांग बांधवांंनी प्रांताधिकारी कार्यालयासमोर केलेले उपोषण संबंधित अधिकाऱ्यांनी प्रश्न सोडविण्याचे लेखी आश्वासन दिल्यानंतर मागे घेण्यात आले. तालुक्यातील शिंदाड येथील काही दिव्यांग बांधवांनी त्यांच्या मागण्यांकडे प्रशासनाचे दुर्लक्ष होत असल्याने प्रांताधिकारी कार्यालयासमोर बेमुदत अन्नत्याग उपोषण सुरू केले होते. या उपोषणामुळे प्रशासनाला तातडीने हस्तक्षेप करावा लागला आणि संबंधित अधिकाऱ्यांनी दिव्यांग बांधवांच्या मागण्यांकडे तत्काळ लक्ष दिले. उपोषण स्थळी पाचोरा प्रांताधिकारी भुषण अहिरे, तहसीलदार विजय बनसोडे, गटविकास अधिकारी सुधाकर मुढे, पिंपळगाव-शिंदाड गटातील माजी जि.प. सदस्य व भाजप जिल्हा उपाध्यक्ष मधुकर काटे, विस्तार अधिकारी ए.…

धार्मिक वातावरणात त्रिवेणी कार्यक्रमांची मांदियाळी साईमत/मलकापूर/प्रतिनिधी :   मार्गशीर्ष महिन्यात श्री दत्तात्रय प्रभू जन्मोत्सवाचे औचित्य साधत श्रीकृष्ण ज्ञान मंदिराचा तपपूर्ती वर्धापन दिन, श्री दत्तात्रय प्रभू जन्मोत्सव आणि तथास्तु पंचअवतार उपहार असा त्रिवेणी संगम असलेला भव्य सोहळा संताजी नगर, मलकापूर येथे अत्यंत उत्साहात आणि भक्तिभावाने साजरा करण्यात आला. सकाळी ५ वाजता अधिष्ठानास मंगलस्नान घालून कार्यक्रमाची सुरुवात झाली. त्यानंतर गीता पठण, पारायण आणि सकाळी ८.३० वाजता ध्वजारोहणाचा सोहळा पार पडला. आचार्य प्रवर आणि माजी प्राचार्य राजधर शास्त्री यांच्या अध्यक्षतेखाली आयोजित धर्मसभेत महान तपस्विनी पोमाईसा सभामंडपात महानुभाव पंथाची तत्त्वज्ञान परंपरा, समाजप्रबोधनातील योगदान आणि धर्ममार्गदर्शनाचे महत्त्व यावर सखोल विवेचन करण्यात आले.पंथाचा ध्वज शांती आणि…

ढोल-ताशांच्या गजरात, टाळ मृदुंगाचा मंगलमय नाद, कलशधारी महिला, निशानदारी पुरुष, लेझीम पथके,सजीव देखाव्यांसह  पादुकांची भव्य मिरवणूक काढण्यात येईल. साईमत/ पारोळा/प्रतिनिधी :  सावदा येथे रामानंदाचार्य नरेंद्राचार्यजी यांच्या पादुका दर्शन सोहळा सोमवारी दि.१५ रोजी सकाळी ९ वाजता शासकीय विश्रामगृहासमोर आयोजित केला आहे.सकाळी ९ वाजता ढोल-ताशांच्या गजरात, टाळ मृदुंगाचा मंगलमय नाद, कलशधारी महिला, निशानदारी पुरुष, लेझीम पथके आणि विविध सजीव देखाव्यांसह रामानंदाचार्य नरेंद्रचार्यजींच्या पादुकांची भव्य मिरवणूक काढण्यात येईल. त्यानंतर पादुकांना संत पिठावर विराजमान करून स्वागत आरती आणि विविध मंत्रघोषाने पूजन करून विशेष अध्यात्मिक प्रवचन होणार आहे. तसेच भाविकांसाठी उपासक दिक्षा आणि गुरूपूजन संपन्न होणार आहे. जास्तीत जास्त भाविकांनी उपासक दिक्षा घेण्यासाठी नोंदणी करावी, असे…

आरोग्य शिबिर,भोजनदान,पुस्तक वाटपाचा उपक्रम  साईमत/मलकापूर/प्रतिनिधी :  भारतीय बौद्ध महासभेचे मलकापूर शहराध्यक्ष आनंद तायडे यांच्या स्मृतीप्रित्यर्थ ‘द पीपल सामाजिक बहुउद्देशीय संस्था, मुंबई’ यांच्यातर्फे भाविकांसाठी भोजनदानाचे आयोजन करण्यात आले. तसेच समाजाच्या बौद्धिक उन्नतीसाठी बुद्धा आणि त्याचा धम्म, भारतीय संविधान, संविधान प्रस्ताविका तसेच बुद्ध, फुले, शाहू, आंबेडकर आणि विविध महापुरुषांच्या चरित्रग्रंथांचे मोठ्या प्रमाणावर मोफत वाटप करण्यात आले. गेल्या तीन वर्षांपासून महापरिनिर्वाण दिनानिमित्त सामाजिक बांधिलकी जपत “द पीपल्स बहुउद्देशीय संस्थेचे संस्थापक अध्यक्ष डॉ.अमर कुमार तायडे आणि त्यांच्या कार्यकर्त्यांची टीम सातत्याने विविध उपक्रम राबवत आहे. यावर्षीही त्यांनी चैत्यभूमीवर डॉ.बाबासाहेब आंबेडकर आणि इतर महापुरुषांच्या प्रतिमांना पुष्पांजली अर्पण करून त्रिशरण पंचशील ग्रहण केले. त्यानंतर संकल्प नेशनल मेडिकल…

बनावट घरकुलांवरून चौकशीची मागणी तीव्र साईमत/मुक्ताईनगर/प्रतिनिधी :   प्रधानमंत्री आवास योजना (ग्रामीण) अंतर्गत तालुक्यात सुरू असलेल्या घरकुल बांधकामांमध्ये मोठ्या प्रमाणावर अनियमितता होत असल्याची गंभीर चर्चा ग्रामीण जनतेत रंगू लागली आहे. सरकारी कागदोपत्री कामे जलद गतीने सुरू असल्याचे दिसत असले, तरी प्रत्यक्षात काही गावांमध्ये घरकुलाचे काम न सुरू होता देखील संपूर्ण रक्कम लाभार्थ्यांना मिळाल्याच्या तक्रारी पुढे आल्या आहेत. घरकुल योजनेचा उद्देश गोरगरिबांना सक्षम घर उपलब्ध करून देणे हा असताना, काही गावांमध्ये ग्रामपंचायत अधिकारी, शिपाई तसेच संबंधित तांत्रिक कर्मचाऱ्यांच्या संगनमताने बनावट तपासण्या करून मंजुरी मिळविल्याची चर्चा आहे. प्रत्यक्षात बांधकाम नसतानाही काही ठिकाणी घरांचे फोटो काढून प्रस्ताव मंजूर करून घेतल्याचे आरोप ग्रामस्थांनी केले…