ग्रीन सिटी फाउंडेशन, विविध संस्थांचा सहभाग ; मान्यवरांची उपस्थिती
साईमत/जळगाव/प्रतिनिधी :
भारताचे पंतप्रधान नरेंद्र मोदी यांच्या वाढदिवसानिमित्त ‘एक पेड़ माँ के नाम’ या राष्ट्रीय पर्यावरण उपक्रमांतर्गत जळगाव शहरात पर्यावरणपूरक वृक्षारोपणाचा उपक्रम राबविण्यात आला. ग्रीन सिटी फाउंडेशन, जळगाव शहर महानगरपालिका, भगवानदास पटेल चॅरिटेबल ट्रस्ट आणि संताजी अर्थमूव्हर्स यांच्या संयुक्त विद्यमाने शहरात ७५ झाडांचे वृक्षारोपण करण्यात आले. सर्वांच्या उत्स्फूर्त सहभागामुळे पर्यावरणपूरक उपक्रम यशस्वीपणे पार पडला.
कार्यक्रमाला जळगाव शहराचे आ.सुरेश भोळे, भाजप महानगराध्यक्ष दीपक सूर्यवंशी, खजिनदार श्विजय वानखेडे, भारती सोनवणे, ॲड.शुचिता हाडा, दीपमाला काळे, विशाल त्रिपाठी, महापालिकेचे उपायुक्त पंकज गोसावी, पर्यावरण विभागाचे प्रकाश पाटील, रवी चौधरी, अनिल चौधरी, आशिष हाडा, मनीषा पाटील, डॉ. कंचन वाणी, ग्रीन सिटी फाउंडेशनचे रफिकभाई पिंजारी, संतोष क्षीरसागर, सामाजिक वनीकरणचे समाधान सोनवणे, वसंत पाटील, राष्ट्रीय हरित सेनेचे प्रमुख प्रवीण पाटील, रमेश शिंपी, आशा मोर्या, वामन माळी, योगेश माळी यांच्यासह अनेक पर्यावरणप्रेमी, कार्यकर्ते, स्वयंसेवक आणि स्थानिक नागरिक उपस्थित होते.
