साईमत, जळगाव, प्रतिनिधी
तालुक्यातील नशिराबाद येथील के. एस. टी. हायस्कूलमध्ये मुख्याध्यापकाचा पदभार घेण्यावरुन उपशिक्षकाला अडवून शिवीगाळ करत बेदम मारहाण केली. तसेच जीवे मारण्याची धमकी दिल्याची घटना घडली. याप्रकरणी नशिराबाद पोलीस ठाण्यात गुन्हा दाखल करण्यात आला आहे.
शहरातील अक्सानगर भागात उपशिक्षक शेख साबीर अहमद खलिलोद्दीने (वय 48) हे राहतात. ते नशिराबाद येथील के.एस. टी. उर्दू हायस्कूलात कार्यरत आहेत. शेख साबीर हे शुक्रवारी सकाळी 7.30 वाजता त्याच्या के. एस. टी. उर्दू शाळेत मुख्याध्यापक पदाचा पदभार घेणार होते. यासाठी ते शाळेत आले असता त्यांना वसीम अक्रम शेख मुसा. रा. नशिराबाद याने शिवीगाळ करत बेदम मारहाण केली, तू उद्या शाळेत कसा येतो, तुला बघतो, असे बोलून वसीम शेख मुसा याने शेख साबीर या उपशिक्षकास जीवे मारण्याची धमकी दिली.
उपशिक्षक शेख साबीर यांच्या तक्रारीवरुन वसीम अक्रम शेख मुसा याच्याविरोधात शुक्रवारी नशिराबाद पोलीस ठाण्यात गुन्हा दाखल झाला आहे. पुढील तपास पोलीस हेडकॉन्स्टेबल अतुल महाजन हे करीत आहेत.