जळगाव : प्रतिनिधी
येथील ग. स. सोसायटीची पंचवार्षिक निवडणुक अत्यंत चुरशित पार पडली. यात स्थानिक मतदार संघातुन उमेदवारी करणारे व अल्पशा मतांनी पराजित झालेले सहकार गटाची प्रचाराची धुरा सांभाळणारे मराठा सेवा संघाचे विभागीय कार्याध्यक्ष राम पवार यांची ग. स. सोसायटीच्या तज्ञ संचालकपदी बहुमताने निवड करण्यात आली.
या निवडीचे जळगाव महानगर मराठा सेवा संघाचे वतीने स्वागत करण्यात आले असून नवनियुक्त संचालक राम पवार यांचा सत्कार करण्यात आला. याप्रसंगी मराठा सेवा संघाचे जळगांव महानगराध्यक्ष इंजि एच. एच. चव्हाण, महानगर सचिव चंद्रकांत देसले, महानगर सहसचिव इंजि. सचिन पाटील, महानगर कार्याध्यक्ष सचिन पवार,महानगर उपाध्यक्ष यु.जी.पाटील, योगेश पाटील आदी उपस्थित होते.यावेळी नवनिर्वाचित संचालक रामदादा पवार यांचे शिवाभिनंदन करण्यात आले व सभासदांच्या हितासाठी शुभेच्छा देण्यात आल्या.
