साईमत, जळगाव : प्रतिनिधी
जळगाव जनता सहकारी बँक लि. आणि रोटरी जळगाव ईस्ट यांच्यातर्फे देवराई स्मृतीवन, कुंभार खोरे, कोल्हे हिल, सावखेडा जळगाव परिसरात नुकतेच वृक्षारोपण करण्यात आले. यावेळी जळगाव जनता सहकारी बँकेचे अध्यक्ष सतीश मदाने व रोटरी जळगाव ईस्टचे अध्यक्ष संजय शहा यांच्या हस्ते वृक्षारोपण करण्यात आले. यावेळी जवळपास ३०० वृक्षांची लागवड करण्यात आली.
जळगाव जनता सहकारी बँकेच्यावतीने विविध सामाजिक उपक्रम राबविले जातात. सामाजिक दायित्वाच्या भावनेने व पर्यावरणाचा समतोल राखण्याच्या दृष्टिने तसेच जळगाव शहर सुशोभित व्हावे, या अनुषंगाने बँक दरवर्षी जळगाव शहरात वृक्षारोपण करीत असते.
यावेळी बँकेच्या संचालिका संध्या देशमुख, बँकेचे वरिष्ठ महाव्यवस्थापक सुनील अग्रवाल, उपमहाव्यवस्थापक नितीन चौधरी, राजेश महाजन, कपिल चौबे, सहा.महाव्यवस्थापक हेमंत चंदनकर, बँकेचे अधिकारी, कर्मचारी उपस्थित होते. तसेच रोटरी जळगाव ईस्टचे सचिव सुनील बैद, पीयूष दहाड, पूर्वेश शहा, विक्रम मुणोत, रजनीश लाहोटी, वर्धमान भंडारी, संग्रामसिंह सूर्यवंशी आदी सदस्य उपस्थित होते. याप्रसंगी परिसरातील नागरिकांचा उत्स्फूर्त प्रतिसाद मिळाला. परिसरातील नागरिकांनी वृक्षांचे पालकत्व स्वीकारले. बँकेच्या नैसर्गिक समतोल राखण्याच्या दृष्टीने करीत असलेल्या कामाबद्दल समाधान व्यक्त केले.