साईमत, भडगाव : प्रतिनिधी
आचारसंहिता लागण्याच्या आधी भडगाव तालुक्यातील उर्वरित गावांमध्ये शाखांचा शुभारंभ करण्याचा आमचा संकल्प आहे. मतदारसंघातून पुरूषांच्या सोबतीने महिलांचाही वाढता कल मिळत असल्याचे प्रतिपादन शिवसेना-उध्दव बाळासाहेब ठाकरे पक्षाच्या नेत्या वैशाली सूर्यवंशी यांनी केले. त्या तालुक्यातील कजगाव-वाडे गटातील शिवसेना शाखांच्या शुभारंभ प्रसंगी बोलत होत्या.
वैशाली सूर्यवंशी यांनी ‘गाव तिथे शाखा’ हा उपक्रम सुरू केला आहे. त्यात पाचोरा आणि भडगाव तालुक्यातील प्रत्येक गावात पक्षाची शाखा सुरू करण्यात येत आहे. आज या उपक्रमाच्या अंतर्गत सकाळी भडगाव तालुक्यातील कनाशी, वाडे, बांबरूड, गोंडगाव, घुसर्डी, सावदे, लोण, बोरनार, बोदर्डे व निंभोरा या गावांमध्ये शिवसेना शाखांचा शुभारंभ करण्यात आला. त्यातील प्रत्येक गावांमध्ये वैशाली सूर्यवंशी यांचे ढोल-ताशांच्या गजरात आणि जोरदार जयघोषणात स्वागत करण्यात आले. प्रत्येक शाखेच्या फलकाचे पूजन करून फलकाचे अनावरण करण्यात आले. याप्रसंगी जोरदार जयघोषणांनी परिसर दणाणला होता.
गोंडगाव येथे बोलतांना योजना पाटील यांनी भडगाव तालुक्यातील जनता वैशालीताई यांच्या पाठीशी खंबीरपणे उभ्या राहून त्यांना आमदार बनविणारच आहे, असे सांगितले. शाखा उद्घाटनाच्या कार्यक्रमाला वैशाली सूर्यवंशी यांच्यासोबत गणेश परदेशी, प्रशांत पवार, मनोहर चौधरी, शंकर मारवाडी, योजना पाटील, ॲड.प्रवीण पाटील, जे.के.पाटील, चेतन पाटील, माधव जगताप, बाळू अण्णा, भालचंद्र पाटील, अरुण पाटील, गोरख पाटील, विजय साळुंखे, रतन परदेशी, राजेंद्र परदेशी, अशोक माळी, अण्णा चौधरी, शांताराम पाटील, अण्णा महाजन, गोपाल महाजन, दत्तू मांडोळे, श्‍याम पाटील, संजय पाटील, शुभम पाटील, वाल्मीक पाटील, आदी मान्यवरांची उपस्थिती होती.
