महिलेची ७३ हजाराची सोन्याची पोत लांबवली, एमआयडीसी पोलिसात गुन्हा दाखल
साईमत/जळगाव/प्रतिनिधी :
शहरातील कासमवाडीतील आठवडे बाजारातून एका महिलेच्या गळ्यातील ७३ हजाराची सोन्याची पोत चोरून नेल्याची घटना शनिवारी, ७ जून रोजी घडली होती. याप्रकरणी रविवारी, ८ जून रोजी एमआयडीसी पोलीस ठाण्यात गुन्हा दाखल केला आहे.
जळगाव शहरातील महाबळ येथील रहिवाशी येथील जयश्री संजय धरम (वय ३०) ह्या शनिवारी, ७ जून रोजी कासमवाडी येथील आठवडे बाजारात रात्री ८ वाजता खरेदीसाठी आल्या होत्या. त्यावेळी अज्ञात चोरट्यांनी त्यांच्या गळ्यातील ७३ हजार रूपये किंमतीची सोन्याचे मंगळसुत्र चोरून नेले. हा प्रकार लक्षात आल्यानंतर महिलेने सर्वत्र शोध घेतला. परंतू कोणतीही माहिती मिळू शकली नाही.
अखेर महिलेने एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल केला आहे. तपास पो.हे.कॉ. रामकृष्ण पाटील करीत आहे.
