साईमत लाईव्ह जळगाव प्रतिनिधी
बिल्डर्स असोसिएशन ऑफ इंडियाच्या राज्य शासकीय कंत्राटदार कमिटीवर जळगावचे बांधकाम व्यावसायिक अभिषेक कौल यांची निवड नुकतीच करण्यात आली आहे.
बिल्डर्स असोसिएशन ऑफ इंडियाच्या राज्य शासकीय कंत्राटदार कमिटीचे अध्यक्ष दत्तात्रय मुळे यांनी अभिषेक कौल यांना पाठवलेल्या नियुक्तीपत्रात म्हटले आहे की , बिल्डर्स असोसिएशन ऑफ इंडियाच्या सोलापुरात मे महिन्यात झालेल्या बैठकीत महाराष्ट्र राज्य शासकीय कंत्राटदार कमिटीच्या स्थापनेबाबत चर्चा करण्यात आली होती . त्या बैठकीतील चर्चेनुसार हा निर्णय घेण्यात आला असून जळगावचे बांधकाम व्यावसायिक अभिषेक कौल यांची बिल्डर्स असोसिएशन ऑफ इंडियाच्या राज्य शासकीय कंत्राटदार कमिटीवर सदस्य म्हणून सन 2022-23 या कालावधीसाठी निवड करण्यात आली आहे .
जळगावचे बांधकाम व्यावसायिक अभिषेक कौल यांचा बांधकाम क्षेत्रातील अनुभव व कौशल्याचा राज्यातील शासकीय कंत्राटदारांना निश्चितच फायदा होइल, अशी अपेक्षा या पत्रात बिल्डर्स असोसिएशन ऑफ इंडियाने व्यक्त केली आहे.