भारतात तयार होणार आहे चार्जिंग करणारा इलेक्ट्रिक हायवे

भारतामध्ये असे हायवे तयार होताहेत, ज्यावर चालता-चालता वाहने चार्ज होतील. या वृत्ताला केंद्रीय परिवहन मंत्री नितीन गडकरी यांनीही दुजोरा दिला आहे. ते म्हणाले की, सरकार सौरऊर्जेवर चालणारे विद्युत महामार्ग बनवण्याच्या योजनेवर काम करत आहे. या महामार्गांवर चालताना अवजड ट्रक आणि बसेसचे चार्ज होतील.

ही बातमी वाचताच तुमच्या मनात अनेक प्रश्न निर्माण होत असतील. उदाहरणार्थ- ई-हायवे काय आहेत? हे कसे काम करतात? त्यांचे फायदे काय आहेत? इत्यादी त्यामुळे आम्ही तुम्हाला अशा सर्व महत्त्वाच्या प्रश्नांची उत्तरे देत आहोत.

  1: विद्युत महामार्ग किंवा इलेक्ट्रिक हायवे म्हणजे नेमके काय?

उत्तर: सामान्य महामार्ग किंवा द्रुतगती मार्ग हे पक्क्या रस्त्यांचे बनलेले असतात, ज्यावर सर्व प्रकारची वाहने धावू शकतात.

दुसरीकडे, विद्युत महामार्ग हे असे महामार्ग आहेत, ज्यामध्ये काही उपकरणांद्वारे अशी व्यवस्था केलेली असते, ज्याद्वारे त्यांच्यामधून जाणारी वाहने न थांबता त्यांच्या बॅटरी चार्ज करू शकतात. त्यासाठी महामार्गावर ओव्हरहेड वायरमधून किंवा रस्त्याच्या खालीच विद्युत प्रवाहाची व्यवस्था केली जाते.

इलेक्ट्रिक हायवे फक्त इलेक्ट्रिक वाहने चार्ज करू शकतात. यात पेट्रोल आणि डिझेल वाहने चार्ज होत नाहीत. यावर हायब्रीड वाहने देखील चार्हीज केल्या जाऊ शकतात. हायब्रीड वाहनांमध्ये इलेक्ट्रिक तसेच पेट्रोल-डिझेलवर चालण्याची सुविधा असते.

म्हणजेच, विद्युत महामार्ग हे विद्युत सुविधांनी सुसज्ज असे महामार्ग आहेत, जेथे त्यांच्यावरून जाणारी वाहने चार्ज केली जाऊ शकतात

   2: इलेक्ट्रिक रस्त्यावर चालताना वाहने कशी चार्ज होतात?

     उत्तर: इलेक्ट्रिक हायवेवर वाहने चार्ज करण्यासाठी दोन पद्धती वापरल्या जातात-

1. ओव्हरहेड पॉवर लाइनचा वापर करून, म्हणजे रस्त्याच्या वर बसवलेली इलेक्ट्रिक वायर.

2. रस्त्याच्या आतमध्ये विद्युत लाईन टाकून म्हणजे जमिनीच्या पातळीवरील (ग्राउंड लेव्हल पॉवर सप्लाय) वीज पुरवठ्याद्वारे.

1. ओव्हरहेड पॉवर लाईन: यामध्ये रस्त्यावर विद्युत तारा बसवल्या जातात. जेव्हा हायब्रीड किंवा इलेक्ट्रिक वाहने या तारांच्या खालून जातात तेव्हा वाहनांच्या वरचे पेंटोग्राफ या तारांच्या संपर्कात येतात. त्यामुळे तारेपासून त्या वाहनाकडे विद्युतप्रवाह सुरू होऊन त्याची बॅटरी चार्ज होते. जोपर्यंत वाहने या तारांच्या संपर्कात असतात, तोपर्यंत त्यांच्या बॅटरी चार्ज होत असतात.

दुसऱ्या बाजूला वळल्यानंतर किंवा वायरशी संपर्क तुटल्यानंतर, वाहन डिझेल किंवा पेट्रोल इंजिन मोडवर परत येते. म्हणजेच इलेक्ट्रिक बॅटरीऐवजी वाहन पेट्रोल-डिझेलवर चालू लागते.

या महामार्गांवरून केवळ इलेक्ट्रिक किंवा हायब्रीड वाहनेच चार्ज होतात. हायब्रीड म्हणजे इलेक्ट्रिक आणि डिझेल-पेट्रोल या दोन्हीवर चालणारी वाहने होत.

इलेक्ट्रिक हायवेवर या तंत्रज्ञानाने फक्त अवजड ट्रक किंवा बसेस चार्ज करता येतात.

     3: जगात सर्वात पहिले विद्युत महामार्गाचा वापर कोठे करण्यात आला?

          उत्तर: 1990 ते 2010 दरम्यान, अनेक कंपन्यांनी विद्युत रस्ते बांधण्यासाठी प्रकल्पांवर काम केले.

.