Author: Sharad Bhalerao

जि.प.च्या सीईओ मीनल करनवाल यांचे आवाहन साईमत/जळगाव/प्रतिनिधी :  ऑनलाईन युगात महिलांवर वाढत्या फसवणूक प्रकरणांच्या पार्श्वभूमीवर महिलांनी अधिक सतर्क राहावे, असे आवाहन जिल्हा परिषदेच्या मुख्य कार्यकारी अधिकारी मीनल करनवाल यांनी केले. ‘उमेद’ महाराष्ट्र राज्य ग्रामीण जीवनोन्नती अभियानांतर्गत महिला बचत गटांसाठी ऑनलाईन सतर्कता पंधरवड्याचा अभिनव उपक्रम त्यांच्या मार्गदर्शनाखाली हाती घेण्यात आला आहे. त्याची सुरुवात जामनेर तालुक्यातील महिला बचत गटांच्या समुदाय संसाधन व्यक्तींशी ऑनलाईन संवाद साधून सोमवारी झाली. जिल्ह्यात ‘उमेद’ अभियानांतर्गत तब्बल दोन हजार २५० समुदाय संसाधन व्यक्ती (सीआरपी) कार्यरत आहेत. ६७ प्रभाग संघ, एक हजार ४३० ग्राम संघ आणि ३३ हजार स्वयंसहायता समूहातून सुमारे ३ लाख ३० हजार महिला सक्रियपणे सहभागी आहेत.…

‘गौतिर्थ’ संस्थेतर्फे १५ नोव्हेंबरपर्यंत कथेचे आयोजन साईमत/जळगाव/प्रतिनिधी :   भारतीय सनातन संस्कृतीत पवित्रतेचे आणि मातृत्वाचे प्रतीक मानल्या जाणाऱ्या गौमातेची सेवा सर्वश्रेष्ठ मानली जाते. धार्मिक तसेच वैज्ञानिक दृष्टिकोनातूनही गोवंशाचे महत्त्व अधोरेखित करणारी ‘श्री गौ कृपा कथा’ भव्य धार्मिक कथा ११ ते १५ नोव्हेंबरदरम्यान आयोजित केली आहे. ही कथा श्री पांजरापोळ ‘गौतिर्थ’ संस्थेतर्फे, नेरी नाक्याजवळील पांजरापोळ प्रांगणात दररोज दुपारी ३ ते सायंकाळी ६ या वेळेत आयोजित केली आहे. कथेत कथा वाचक, संगणक अभियंता आणि गौसेवेचा प्रचार करणाऱ्या पूज्य साध्वी कपिला गोपाल सरस्वती दीदीजी गौमातेच्या सेवेमागील धार्मिक, आध्यात्मिक आणि वैज्ञानिक पैलूंवर प्रकाश टाकतील. दीदींनी केवळ वयाच्या विसाव्या वर्षी संन्यास स्वीकारून अध्यात्माच्या मार्गावर पदार्पण केले…

आकाशवाणी सर्कल स्वच्छतेने उजळले, नागरिकांकडून स्वागत साईमत/जळगाव/प्रतिनिधी :  शहरातील प्रमुख आकाशवाणी सर्कल, इच्छा देवी चौक आणि अजिंठा चौफुली परिसरात गेल्या काही महिन्यांपासून प्रचंड गवत, झुडपे व जंगली झाडे उगवून परिसर विद्रूप बनला होता. अस्वच्छतेमुळे नागरिक त्रस्त झाले होते. मात्र, संबंधित प्रशासनाकडून कोणतीच दखल घेतली जात नव्हती. अशा निष्क्रियतेविरोधात महाराष्ट्र नवनिर्माण सेनेने पुढाकार घेत भारतीय राष्ट्रीय राजमार्ग प्राधिकरण (न्हाई) यांना निवेदन देत तातडीने साफसफाई करण्याची मागणी केली. निवेदनात मनसेने स्पष्ट इशारा दिला होता की, आकाशवाणी चौक हा शहराचा चेहरा आहे. जर तीन दिवसात परिसर स्वच्छ केला नाही तर मनसे सर्कलमध्ये प्रतीकात्मक निषेध म्हणून बकऱ्या चारु, अशा कठोर इशाऱ्याची शहरभर चर्चा झाली.…

राज्यातील प्रत्येक सरकारी कार्यालयासह शाळांसमोर भोजन सुट्टीत मंगळवारी एक तास उग्र निदर्शने साईमत/जळगाव/प्रतिनिधी :  जुनी पेन्शन योजना लागू करावी, या मागणीसह अन्य प्रलंबित मागण्यांसाठी राज्य कर्मचारी मध्यवर्ती संघटनेच्यावतीने मंगळवारी, ११ नोव्हेंबर २०२५ रोजी पुकारण्यात आलेला लाक्षणिक संप स्थगित केला आहे. त्याऐवजी त्या दिवशी दुपारच्या भोजन सुट्टीत तीव्र निदर्शने करण्यात येणार आहे. राज्य समन्वय समितीच्या माध्यमातून अनेक आंदोलनाच्या पार्श्वभूमीवर सरकारने सरकारी कर्मचाऱ्यांना जुनी पेन्शन लागू करण्याबाबत विधानसभेत आश्वासन देऊनही अद्याप आश्वासनाची पूर्ती केलेली नाही तसे सरकारची मानसिकता दिसून येत नसल्याने संघटनेच्यावतीने मंगळवारी, ११ नोव्हेंबर रोजी एक दिवसाचा लाक्षणिक संप पुकारण्याचा निर्णय घेण्यात आला होता. राज्यातील सरकारी- निमसरकारी, शिक्षक-शिक्षकेत्तर कर्मचारी संपात सहभागी…

ग्वाल्हेरला जैन इरिगेशनची खेळाडू चमकली, युवा मुलींच्या एकेरी गटात दुसरे राष्ट्रीय विजेतेपद साईमत/जळगाव/प्रतिनिधी :   ग्वाल्हेर येथे नुकत्याच पार पडलेल्या ज्युनिअर राष्ट्रीय अजिंक्यपद कॅरम स्पर्धेत जळगावच्या जैन इरिगेशनच्या समृद्धी घडीगावकरने उत्कृष्ट खेळ करत युवा मुलींच्या एकेरी गटात विजेतेपद पटकावले. अंतिम सामन्यात समृद्धीने महाराष्ट्राच्या केशर निर्गुण हिचा २-० सेटने पराभव करून सलग दुसरे राष्ट्रीय विजेतेपद आपल्या नावे केले. उपांत्य फेरीत तिने तमिळनाडूच्या बरकत निसा हिचा २-१ सेटने पराभव करून अंतिम फेरीत प्रवेश मिळवला होता. दुसऱ्या उपांत्य सामन्यात केशर निर्गुण हिने पेट्रोलियम स्पोर्ट्सच्या व्ही. मित्रा हिच्यावर विजय मिळवला होता. उपउपांत्य फेरीत समृद्धीने बिहारच्या शालू कुमारी हिचा २-० सेटने पराभव करून उपांत्य फेरीत मजल…

शेकडो कार्यकर्त्यांचा पक्षप्रवेश, आगामी निवडणुकीत भगवा फडकवण्याचा निर्धार साईमत/जळगाव/प्रतिनिधी :  जळगाव जिल्हा कार्यालयात शिवसेना उबाठा गटाच्यावतीने आयोजित महत्वपूर्ण निर्धार मेळावा बुधवारी, ५ नोव्हेंबर रोजी उत्साहात पार पडला. मेळाव्यात शेकडो महिलांसह पुरुष कार्यकर्त्यांनी शिवसेनेत प्रवेश करून पक्षाच्या झेंड्याखाली काम करण्याची शपथ घेतली. मेळाव्यात शिवसैनिकांनी आगामी स्थानिक स्वराज्य संस्थांच्या निवडणुकीत शिवसेनेचा भगवा फडकवल्याशिवाय स्वस्थ बसणार नाही, अशी ग्वाही दिली. तसेच महाविकास आघाडीच्या माध्यमातून सक्षम पर्याय जनतेसमोर उभा केला जाईल, असा निर्धार केला. मेळाव्यास शिवसेनेचे उपनेते गुलाबराव वाघ, युवासेना जिल्हा प्रमुख निलेश चौधरी, विधानसभा क्षेत्र प्रमुख रमेश पाटील, उपजिल्हाप्रमुख भाऊसाहेब सोनवणे, तालुका प्रमुख प्रमोद घुगे उपस्थित होते. मेळाव्यात विविध पंचायत समिती आणि जिल्हा…

शासनाच्या हमीभावाने ज्वारी, मका, बाजरीची खरेदी : शेतकऱ्यांना नोंदणीचे आवाहन साईमत/जळगाव/प्रतिनिधी :  खरीप पणन हंगाम २०२५-२६ अंतर्गत भरडधान्य खरेदीसाठी शासनाच्या किमान आधारभूत किंमत (हमीभाव) योजनेअंतर्गत जिल्ह्यातील शेतकऱ्यांची ऑनलाईन नोंदणी प्रक्रिया सुरू करण्यात येत आहे. शासन निर्णयानुसार हमीभाव ज्वारी तीन हजार ६९९, मका दोन हजार ४००, बाजरी दोन हजार ७७५ रूपये निश्चित केल्याचे पणन महासंघाचे संचालक तथा मंत्री संजय सावकारे, उपाध्यक्ष रोहित निकम, संचालक संजय पवार यांनी सांगितले. अन्न, नागरी पुरवठा व ग्राहक संरक्षण विभागाचे मंत्री यांच्या अध्यक्षतेखाली नुकत्याच झालेल्या बैठकीत खरीप हंगामातील खरेदीसाठी आवश्यक पूर्वतयारी करण्याचे निर्देश दिले आहे. त्यास अनुसरून जिल्हा व्यवस्थापन अधिकाऱ्यांनी भरडधान्य खरेदी केंद्र प्रस्ताव सादर केले…

२६ विद्यापीठांच्या १४०० विद्यार्थ्यांचा सहभाग ; पालकमंत्र्यांच्या हस्ते उद्घाटन साईमत/जळगाव/प्रतिनिधी :   कवयित्री बहिणाबाई चौधरी उत्तर महाराष्ट्र विद्यापीठात आयोजित एकविसाव्या महाराष्ट्र राज्य आंतरविद्यापीठ ‘इंद्रधनुष्य युवक महोत्सव’ २०२५ स्पर्धेचे उद्घाटन ‍बुधवारी, ५ नोव्हेंबर रोजी सकाळी ११ वाजता राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री ना. गुलाबराव पाटील यांच्या हस्ते होणार आहे. यावेळी प्रमुख पाहुणे म्हणून राज्याचे जलसंपदा तथा आपत्ती व्यवस्थापन मंत्री ना. ‍गिरीष महाजन, सिनेअभिनेत्री तथा ‘चला हवा येऊ द्या’ फेम श्रेया बुगडे उपस्थित राहतील. अध्यक्षस्थानी कुलगुरू प्रा. व्ही.एल. माहेश्वरी असतील. यावेळी प्र-कुलगुरू प्रा. एस.टी. इंगळे, कुलसचिव डॉ.विनोद पाटील उपस्थित राहतील. यावेळी मान्यवरांसह विद्यापीठाच्या विविध प्राधिकरणाचे सदस्य, विविध समितीचे…

संमेलनात रमेश कदम ‘जीवनगौरव’ पुरस्काराने सन्मानित साईमत/जळगाव/प्रतिनिधी :  शाहिरी क्षेत्र संघटन, सार्वजनिक कार्य व पत्रकारिता अशा माध्यमातून ज्यांनी आपले आयुष्य ६० वर्षांहून अधिक काळ निरलस वृत्तीने समर्पित केले. अशा अखिल भारतीय मराठी शाहीर परिषदेचे संस्थापक तथा मुख्य विश्वस्त रमेश कदम यांना ‘पहिला खान्देशरत्न राष्ट्रशाहीर सिद्राम बसाप्पा मुचाटे जीवन गौरव पुरस्कार’ महाराष्ट्राच्या पारंपारिक लोकवाद्याच्या गजरात मान्यवरांच्या हस्ते प्रदान करुन सन्मानित करण्यात आले. त्यांना हा पुरस्कार जळगाव खान्देश लोककलावंत विकास प्रतिष्ठान ह्या संस्थेच्यावतीने देण्यात आला. त्याचे स्वरूप ५१ हजार रुपयांसह शाल, श्रीफळ, मानपत्र व सन्मानचिन्ह असे आहे. जळगावातील माजी सैनिक सभागृहात अखिल भारतीय मराठी शाहीर परिषद आणि खान्देश लोककलावंत प्रतिष्ठान यांच्या संयुक्त…

तीन हजार ३१३ हरकतींपैकी दोन हजार ५१ मान्य ; एक हजार २६२ हरकती फेटाळल्या साईमत/पारोळा/प्रतिनिधी :  नगरपालिकेच्या आगामी पंचवार्षिक निवडणुकीसाठी अंतिम मतदार यादी प्रसिद्ध केली आहे. त्यात दाखल झालेल्या तीन हजार ३१३ हरकतींपैकी दोन हजार ५१ हरकती मान्य केल्या असून एक हजार २६२ हरकती फेटाळल्या आहेत. तसेच यंदा पाच हजार ४६९ नव्या मतदारांची भर पडली आहे. गेल्या चार वर्षांपासून पारोळा नगरपरिषद प्रशासकांकडे आहे. मुदत संपलेली निवडणूक कधी लागणार, याकडे शहरातील नागरिकांसह इच्छुक उमेदवारांचे लक्ष लागून होते. आगामी निवडणुकीसाठी जुलै २०२५ अखेर निवडणूक आयोगाच्या सूचनेनुसार प्रारूप मतदार यादी प्रसिद्ध केली होती. यादीवर शहरातील तीन हजार ३१३ नागरिकांनी हरकती दाखल केल्या होत्या.…