Author: Saimat
जळगाव ः प्रतिनिधी कवयित्री बहिणाबाई चौधरी उत्तर महाराष्ट्र विद्यापीठात कंत्राटी पद्धतीने 189 कर्मचारी कार्यरत असून गेल्या दोन महिन्यापासून वेतन रखडल्याने शुक्रवारी कर्मचाऱ्यांनी विद्यापीठाच्या प्रशासकीय इमारतीसमोर ठिय्या आंदोलन केले. विद्यापीठात कंत्राटी कर्मचाऱ्यांमध्ये शिपाई व क्लार्क यांचा समावेश असून सुमारे 189 कर्मचारी कार्यरत आहे. दोन महिन्यापासून वेतन न झाल्याने कर्मचाऱ्यांनी शुक्रवारी कर्मचाऱ्यांनी सकाळी 10 वाजता प्रशासकिय इमारती समोर ठिय्या आंदोलन केले. तसेच कुलगुरू प्रा. डॉ. व्ही. एल. माहेश्वरी यांची भेट घेत आपल्या समस्या मांडल्या. यावेळी येत्या दोन दिवसात वेतन देण्यात येईल असे आश्वासन कुलगुरूंनी दिल्यानंतर कर्मचाऱ्यांनी आंदोलन मागे घेतले व कामावर रुजू झाले.
जळगाव ः प्रतिनिधी जिल्ह्यातील वाळूगटांच्या लिलावाची मुदत 9 जून रोजी संपुष्टात आलेली आहे. त्यामुळे सर्व वाळू गटांतून वाळू उत्खनन व वाहतूक करण्यास बंदी आलेली आहे. त्यामुळे आता रस्त्यावर धावणारे सर्व वाळूचे ट्रॅक्टर्स नदीपात्रातून चोरी करुन अवैधरित्या वाहतूक करणारेच असतील. त्यासाठी महसूल, पोलिस व उपप्रादेशिक परिवहन अधिकारी कार्यालयांची संयुक्त पथकांकडून सक्रीय कारवाई करण्याचे आदेश जिल्हा प्रशासनाकडून देण्यात आलेले आहेत. जिल्ह्यात वडदे (ता. भडगाव), परधाडे (ता. पाचोरा), कोळंबा (ता. चोपडा), थोरगव्हाण (ता. यावल), रुंधाटी व हिंगोणेसीम (ता. अमळनेर) या सहा वाळूगटांचा लिलाव जिल्हा प्रशासनातर्फे करण्यात आलेला होता. या वाळू गटांच्या लिलावाची मुदत 9 जून रोजी संपुष्टात आलेली आहे. लिलावाची मुदत संपुष्टात आल्याने…
जळगाव ः प्रतिनिधी शहरातील कॅरीबॅग विक्रेते,व्यावसायिक, उत्पादक यांना महाराष्ट्र शासनाच्या बऱ्याचशा अधिनियमाची माहिती नसल्याकारणाने महानगरपालिकेकडून होणाऱ्या प्लास्टिक निर्मूलनाबाबतच्या कारवाईस बऱ्याचशा व्यावसायिकांकडून प्लास्टिक निर्मूलनाच्या कारवाईस विरोध होत असतो. त्यामुळे प्लास्टिकच्या कोणकोणत्या वस्तुंचे उत्पादनांवर निर्बंध आहे याचे विक्रेत्यांना अधिनियम ज्ञात नसल्याने दुकानदार व मनपा प्रशासन, कर्मचारी यांचे वाद होऊ नये यासाठी प्लास्टिक विक्री करणारे व्यावसायिक विक्रेत्यांनी 9 जून रोजी आयुक्त डॉ. विद्या गायकवाड यांची त्यांचे कार्यालयात भेट घेऊन प्लास्टिक अधिनियमांतर्गत निर्बंधाची माहिती व कायद्याची माहिती होणेसाठी सर्व प्लास्टिक विक्रेते,व्यापारी वर्गाची काल रोजी मनपा सभागृहात दुपारी बैठक बोलावणेसंदर्भात मागणी करण्यात आली होती. त्यानुसार सदर बैठकीचे मनपा सभागृहात आयोजन करण्यात आले. या बैठकीमध्ये आयुक्त…
जळगाव ः प्रतिनिधी राज्यात व महापालिकेत एकाच पक्षाची सत्ता, त्यात निधी उपलब्ध असतानाही विकासाबाबतची अपेक्षा फोल ठरली आहेे. प्रशासकीय मान्यता मिळालेली 47 कोटींची कामे एक वर्ष उलटूनही पूर्ण करण्यात प्रशासनाला यश आलेले नाही. त्यामुळे मार्च 2023 पर्यंत मुदतवाढ मिळावी यासाठी पालिका प्रशासनाने जिल्हाधिकाऱ्यांना पत्र पाठवले आहे. मुदत संपायला दोन महिने उलटल्यानंतर प्रशासनाला आता जाग आल्याचे स्पष्ट झाले आहे. शहरात विकासकामांचा मोठा अनुशेष निर्माण झाला आहे. रस्ते सुस्थितीत नसल्याची स्थिती आहे. पावसाळा सुरू होणार असल्याने येणारे चार महिने कसे राहतील या विचाराने नागरीक हैराण झाले आहेत. सन 2018 नंतर पहिल्या टर्ममध्ये अडीच वर्षात जी परिस्थिती होती. त्यापेक्षा वेगळी परिस्थिती सत्तांतर होऊनही…
चेन्नई : वृत्तसंस्था दाक्षिणात्य सुपरस्टार प्रभास त्याच्या खासगी आयुष्यामुळे नेहमीच चर्चेत असतो. मध्यंतरी प्रभासच्या लग्नाबाबत अनेक चर्चा रंगल्या होत्या. आता पुन्हा एकदा तो लवकरच विवाहबंधनात अडकणार असल्याचं बोललं जात आहे. लग्नासाठी प्रभास तयार आहे आणि लवकरच तो लग्न करणार असल्याच्या चर्चा आहेत. त्याचे चाहते देखील प्रभास आनंदाची बातमी कधी येणार याची वाट पाहत आहेत. पिंकविलाच्या रिपोर्टनुसार, प्रभासचे काका कृष्णम राजू लवकरच प्रभासच्या लग्नाची घोषणा करु शकतात. तसेच सोशल मीडियावर प्रभासच्या लग्नासंदर्भातील एक जूना व्हिडीओ व्हायरल देखील होत आहे. या व्हिडीओमध्ये प्रभासच्या लग्नाबाबत चर्चा होताना दिसत आहे. हा व्हायरल व्हिडीओ पाहून चाहते देखील खूश झाले आहेत. लग्नासाठी प्रभासने मुलगी देखील पसंत…
मुंबई : प्रतिनिधी मध्यरात्रीनंतर उशीरा सुरू झालेल्या राज्यसभा निवडणुकीच्या मतमोजणीमध्ये महाविकास आघाडीला मोठा धक्का बसला आहे. बऱ्याच राजकीय घडामोडी आणि चर्चांनंतर शिवसेनेने सहाव्या जागेसाठी निश्चित केलेले कोल्हापूरचे संजय पवार यांचा पराभव झाला असून भाजपाचे धनंजय महाडिक यांचा विजय झाला आहे. त्यामुळे भाजपाचे तीन सदस्य राज्यसभेवर निवडून गेले असून शिवसेना, राष्ट्रवादी काँग्रेस आणि काँग्रेस यांचे प्रत्येकी एक सदस्य राज्यसभेवर निवडून गेले आहेत. या विजयामुळे देवेंद्र फडणवीसांची चाणक्यनीती यशस्वी ठरल्याची प्रतिक्रिया व्यक्त करण्यात येत आहे. राज्यसभेच्या 6 जागांसाठी झालेल्या चुरशीच्या निवडणुकीत भाजपाचे पियूष गोयल (48), अनिल बोंडे (48), काँग्रेसचे इम्रान प्रतापगडी (44), राष्ट्रवादीचे प्रफुल्ल पटेल (43) व शिवसेनेचे संजय राऊत (41) हे…
जळगाव : प्रतिनिधी शहरातील सागर पार्कजवळील घरात युवकाने एका नऊ वर्षीय अल्पवयीन मुलीचा विनयभंग केला. या प्रकरणी त्याच्याविरुध्द रामानंद नगर पोलिस ठाण्यात गुन्हा दाखल करण्यात आला. शाहरुख खान करीम खान (वय २५ रा. दूध फेडरेशनजवळ) असे संशयिताचे नाव आहे. शाहरुख या मुलीच्या घरात गेला होता. त्याने त्या मुलीचे नाव विचारले. तिच्याजवळ जावून शरीराला स्पर्श करुन विनयभंग केला. याप्रकरणी मुलीने रामानंद नगर पोलिस ठाण्यात फिर्याद दिली आहे.
मेष राशी: चांगल्या संधी तुमच्या वाट्याला येऊ शकतात. मालमत्ता किंवा आर्थिक व्यवहाराशी संबंधित निर्णय काळजीपूर्वक घ्या. कामाच्या ठिकाणी दिवस चांगला जाईल. तुमच्या कामात आई-वडील तुम्हाला मदत करण्याचा सर्वतोपरी प्रयत्न करतील. प्रेमीयुगुलांमध्ये काही मतभेद होऊ शकतात. तुमच्यापैकी काही भौतिक गोष्टींच्या संपादनावर खर्च करतील. कौटुंबिक जीवन अधिक आनंदी आणि आनंददायक असेल. आज ७९% नशिबाची साथ आहे. भगवान विष्णूची पूजा करा. वृषभ राशी: वृषभ राशीच्या लोकांसाठी आज सकाळची सुरुवात खूप चांगली होईल. कामाशी संबंधित गोष्टींमध्ये हळूहळू प्रगती दिसून येईल. व्यवसायाशी संबंधित कोणतीही मोठी समस्या आज सुटू शकते. कामाच्या ठिकाणी इतरांच्या आकांक्षा पुढे ढकलणे टाळा. तुमच्या ध्येयांना प्राधान्य द्या. इतरांकडून भेटवस्तू मिळविण्यासाठी ही चांगली…
मुंबई प्रतिनिधी यास्मिन शेख मतांच्या जुळवाजुळवीनंतर ‘वजाबाकी’ होणार नाही, याची दक्षता घेत, महाविकास आघाडी आणि भाजपच्या आमदारांनी शुक्रवारी राज्यसभेसाठी मतदान केले. विशेष म्हणजे रणनीतीप्रमाणे वेळेत आणि चुका टाळून मतदानाला साऱ्याच पक्षांचे प्राधान्य राहिले. आघाडीच्या दोघा मतदारांनी मतपत्रिका दाखविण्याऐवजी इतर नेत्यांच्या हातात दिल्याने भाजपने त्यावर आक्षेप घेतला. तर पर्यटन मंत्री आदित्य ठाकरे यांच्याकडे दोन मतपत्रिका आल्याकडेही भाजप नेत्यांनी लक्ष वेधले. तर भाजपच्या एका मतदानावरही काँग्रेसने बोट ठेवले. आजारी असतानाही भाजप आमदार लक्ष्मण जगताप आणि मुक्ता टिळक या रुग्णवाहिकेतून येत मतदानाचा हक्क बजाविला. दरम्यान, या निवडणुकीसाठी सर्वपक्षीय आणि अपक्ष २८५ आमदारांनी मतदान केले. छोट्या पक्षांनी मतदान करेपर्यंत प्रमुख पक्षांजी धाकधूक वाढवली होती. परंतु,…