Author: saimat

पर्यावरण रक्षणासाठी पुढाकार  महापौर दिपमाला काळे यांची प्लास्टिकविरोधी मोहीम वेगात साईमत/जळगाव/प्रतिनिधी शहरात वाढत्या प्रमाणात वापरल्या जाणाऱ्या एकेरी (सिंगल यूज) प्लास्टिकमुळे निर्माण होत असलेल्या पर्यावरणीय व आरोग्याच्या गंभीर समस्यांच्या पार्श्वभूमीवर जळगावच्या महापौर सौ. दिपमाला काळे यांनी पुढाकार घेत निर्णायक पाऊल उचलले आहे. प्लास्टिक विक्रेते आणि महानगरपालिका प्रशासन यांच्यात समन्वय साधण्यासाठी १६ फेब्रुवारी २०२६ रोजी विशेष बैठकीचे आयोजन करण्यात आले असून, या बैठकीत सिंगल यूज प्लास्टिकवरील बंदीची प्रभावी अंमलबजावणी कशी करावी, यावर सविस्तर चर्चा होणार आहे. महापौरांनी महानगरपालिका प्रशासनाला पाठविलेल्या पत्रात शहरातील सध्याची परिस्थिती अधोरेखित केली आहे. एकेरी वापराचे प्लास्टिक मोकाट जनावरांकडून खाल्ले जात असल्यामुळे त्यांच्या आरोग्यावर गंभीर परिणाम होत आहेत. अनेक…

अग्निशमन दलाच्या धाडसाने मोठा अनर्थ टळला साईमत/जळगाव/प्रतिनिधी शहरातील महाबळ कॉलनी परिसरात शनिवारी (दि. १४ फेब्रुवारी) रात्री उशिरा एका भाजीपाल्याच्या दुकानाला अचानक लागलेल्या भीषण आगीत संपूर्ण माल जळून खाक झाला. मात्र, अग्निशमन दलाच्या तत्परतेमुळे शेजारील दुकाने आणि परिसर मोठ्या अनर्थापासून वाचला. सुदैवाने या घटनेत कोणतीही जीवितहानी झाली नाही. महाबळ कॉलनीतील नवजीवन दुकानासमोर किरण महाजन यांचे भाजीपाल्याचे दुकान असून, शनिवारी रात्री सुमारे १०.५० वाजेच्या सुमारास दुकानातून धूर आणि आगीच्या ज्वाळा बाहेर येताना स्थानिकांना दिसल्या. घटनेचे गांभीर्य ओळखून किशोर चावरे यांनी तातडीने अग्निशमन दलाला माहिती दिली. दरम्यान, काही क्षणांतच आगीने भीषण रूप धारण करत दुकानातील सर्व साहित्य पेट घेतले. या आगीत बटाटे, पालेभाज्या…

दोन दिवसांपासून बेपत्ता असलेल्या व्यक्तीचा मृतदेह रेल्वेखाली आढळला  पोलिसांकडून सखोल तपास सुरू साईमत/जळगाव/प्रतिनिधी जळगाव शहरातील खंडेराव नगर परिसरात रविवारी (दि. १५ फेब्रुवारी) सकाळी रेल्वे पुलाजवळ एका प्रौढाचा मृतदेह आढळून आल्याने परिसरात एकच खळबळ उडाली आहे. दोन दिवसांपासून बाहेरगावी असल्याची माहिती असलेल्या या व्यक्तीचा मृतदेह रेल्वेखाली सापडल्याने हा अपघात नसून घातपात असू शकतो, असा संशय नातेवाईकांनी व्यक्त केला आहे. अमर वसंत सपकाळे (वय ४४, रा. खंडेराव नगर, जळगाव) असे मयत व्यक्तीचे नाव आहे. त्यांच्या पश्चात आई-वडील, पत्नी, एक मुलगा व एक मुलगी असा परिवार आहे. इस्त्री काम करून ते आपल्या कुटुंबाचा उदरनिर्वाह करीत होते. साधी राहणी आणि कष्टमय जीवन जगणाऱ्या सपकाळे…

कुढापा चौकात अग्नितांडव; शॉर्टसर्किटनंतर सिलिंडर फुटून मोठी दुर्घटना  साईमत/जळगाव/प्रतिनिधी जुन्या जळगावातील कुढापा चौक परिसर रविवारी सकाळी भीषण स्फोट आणि आगीच्या तांडवाने अक्षरशः हादरून गेला. सकाळी सुमारे १० वाजेच्या सुमारास एका राहत्या घरात घरगुती गॅस सिलिंडरचा प्रचंड स्फोट होऊन लागलेल्या आगीत तब्बल तीन घरे जळून खाक झाली. काही क्षणांतच धुराचे लोट आणि आगीच्या ज्वाळांनी परिसर व्यापला आणि नागरिकांमध्ये भीतीचे वातावरण निर्माण झाले. शॉर्टसर्किटनंतर भीषण स्फोट प्राथमिक माहितीनुसार, कुढापा चौकात निलेश शंकर शिरसाट आणि बापू शंकर शिरसाट यांच्या घरात अचानक आग लागली. सुरुवातीला शॉर्टसर्किट झाल्याचा अंदाज व्यक्त केला जात असून, त्यानंतर घरातील गॅस सिलिंडरचा मोठा स्फोट झाला. स्फोटाचा आवाज इतका तीव्र होता…

पिंप्राळा परिसरात धक्कादायक घटना साईमत/जळगाव/प्रतिनिधी शहरातील पिंप्राळा येथील कोळीवाडा परिसरात शनिवारी दुपारी ३८ वर्षीय तरुण मजुराने राहत्या घरी गळफास घेऊन आपले जीवन संपवल्याची धक्कादायक घटना घडली. मृतकाचे नाव जगदीश शिवदास सोनवणे असून या घटनेने परिसरात शोककळा पसरली आहे. जगदीश शिवदास सोनवणे (वय ३८, रा. कोळीवाडा, पिंप्राळा) हे शनिवारी (दि. १४ फेब्रुवारी) दुपारी सुमारे १२:३० वाजता आपल्या घरात होते. या वेळेस अज्ञात कारणांमुळे त्यांनी जीवन संपवण्याचा निर्णय घेतला. घटनास्थळी माहिती मिळताच परिसरातील रहिवाशांनी गर्दी केली होती. जगदीश हे हातमजुरी करून आपल्या कुटुंबाचा उदरनिर्वाह करत होते. कष्टकरी स्वभावाचे असूनही त्यांनी अचानक हे टोकाचे पाऊल का उचलले, याचे कारण अद्याप स्पष्ट झालेले नाही.…

शेतातच विषारी औषध घेऊन आत्महत्या केली. तरसोद गाव हादरले साईमत/जळगाव/प्रतिनिधी कर्जाचा ओझा आणि आर्थिक तणावामुळे विवंचनेतून एक शेतकऱ्याने आपले जीवन संपवले. जळगाव तालुक्यातील तरसोद येथील ५५ वर्षीय अशोक रुपसिंग राजपूत यांनी शनिवारी दि. १४ फेब्रुवारी रोजी आपल्या शेतातच विषारी औषध घेऊन आत्महत्या केली. मिळालेल्या माहितीनुसार, अशोक राजपूत पहाटे आपल्या शेतात गेले होते आणि तिथेच नैराश्यातून विष प्राशन केले. कुटुंबीयांनी सकाळी ही घटना लक्षात घेतली आणि तातडीने त्यांना दुपारी सुमारे १ वाजता जळगाव शासकीय वैद्यकीय महाविद्यालय व रुग्णालय (जीएमसी) मध्ये दाखल केले. डॉक्टरांनी जीवन वाचविण्याचे प्रयत्न केले, पण विषाचे परिणाम संपूर्ण शरीरात पसरल्यामुळे त्यांची प्रकृती अत्यंत गंभीर होती. उपचारादरम्यान त्यांचा मृत्यू…

सिमेंट स्लॅब अचानक कोसळून रिक्षा आणि कारवर आदळ साईमत/मुंबई /प्रतिनिधी मुलुंड (पश्चिम) परिसरातील मेट्रो बांधकामातील भीषण अपघाताने मुंबईत एकच खळबळ उडवली आहे. एलबीएस रोडवरील जॉन्सन अँड जॉन्सन कंपनीजवळील मेट्रो प्रकल्पातील सिमेंटचा स्लॅब अचानक कोसळला आणि रस्त्यावरून जात असलेल्या रिक्षा व कारवर आदळल्याने उत्तर प्रदेशातील जौनपूर जिल्ह्यातील सरपंच रामधन यादव यांचा दुर्दैवी मृत्यू झाला. या घटनेत आणखी तिघेजण गंभीर जखमी झाले आहेत. अपघाताची घटना शनिवारी दुपारी सुमारे १२.२० वाजता मेट्रो पिलरवरील सिमेंटचा मोठा तुकडा तुटून खाली पडला. त्या वेळी रस्त्यावरून रिक्षा आणि कार जात होत्या. स्लॅबच्या धक्क्यामुळे रिक्षा आणि कारची बाजू सडली, ज्यामुळे प्रवासी गंभीर जखमी झाले. स्थानिक नागरिक आणि आपत्कालीन पथकांनी…

मध्यरात्री उसळल्या ज्वाळा; अग्निशमन दलाच्या तत्परतेने आग आटोक्यात साईमत/जळगाव/प्रतिनिधी जळगाव शहरातील मेहरूण परिसरात असलेल्या रामेश्वर कॉलनी येथील साई गजानन रेसिडेन्सी अपार्टमेंटमध्ये पहाटेच्या सुमारास लागलेल्या भीषण आगीत तब्बल १८ दुचाकी वाहने जळून खाक झाल्याची धक्कादायक घटना शनिवारी उघडकीस आली. या घटनेमुळे परिसरात एकच खळबळ उडाली असून एखाद्या माथेफिरूने जाणीवपूर्वक हे कृत्य केल्याचा संशय नागरिकांनी व्यक्त केला आहे. याप्रकरणी एमआयडीसी पोलीस स्टेशन येथे नोंद करण्याची प्रक्रिया सुरू होती. रामेश्वर कॉलनीतील साई गजानन रेसिडेन्सी ही बहुमजली निवासी इमारत असून येथे मोठ्या संख्येने कुटुंबे वास्तव्यास आहेत. रहिवाशांनी त्यांच्या दुचाकी नेहमीप्रमाणे अपार्टमेंटच्या आवारात उभ्या केल्या होत्या. मात्र शनिवारी मध्यरात्री सुमारे २ वाजेच्या सुमारास अचानक या…

भारतातील बारा ज्योतिर्लिंगांचे दर्शन घडविणारी विशेष प्रदर्शनी उभारण्यात आली आहे. साईमत/जळगाव/प्रतिनिधी महाशिवरात्रीच्या पावन पर्वाच्या पार्श्वभूमीवर शहरात भक्ती, श्रद्धा आणि अध्यात्मिक ऊर्जेचा विलक्षण संगम अनुभवायला मिळत आहे. ब्रह्माकुमारीज संस्थेतर्फे प्रथमच भगवान महाकालेश्वर ज्योतिर्लिंग यांच्या स्मरणार्थ भव्य आणि प्रेरणादायी शिवलिंगाची प्रतिकृती उभारण्यात आली असून, या दिव्य दर्शन सोहळ्यामुळे जळगावकरांना आध्यात्मिक अनुभूतीची अनोखी संधी उपलब्ध झाली आहे. रायसोनी स्कूलसमोरील बेंडाळे ग्राऊंड, पिंप्राळा रोड येथे सुमारे वीस हजार चौरस फुटांच्या विस्तीर्ण परिसरात ही भव्य ज्योतिर्लिंग प्रतिकृती साकारण्यात आली आहे. प्रवेशद्वारातून आत पाऊल टाकताच भाविकांना शिवभक्तीने भारलेले वातावरण अनुभवायला मिळते. मंत्रोच्चार, शिवनामस्मरण आणि प्रसन्न सजावटीमुळे संपूर्ण परिसर शिवमय झाल्याची अनुभूती येते. जागृत शिवलिंगाची ही प्रतिकृती…

जामनेरमध्ये दारू दुकानावर मस्करी साईमत/जामनेर /प्रतिनिधी शहरातील जिजाऊ नगरात गुरूवारी, १२ फेब्रुवारी रोजी सकाळी ११ वाजता देशीदारूच्या दुकानाजवळ मस्करी करणाऱ्या एका प्रौढावर चार जणांनी दगावलेली मारहाण घडली. या घटनेत गजानन शेनफळू बोंढरे (वय ५४) गंभीर दुखापत झाली आहे. गजानन बोंढरे हे आपल्या कुटुंबासह जिजाऊ नगरात वास्तव्य करतात. देशीदारूच्या दुकानाजवळ काही वादग्रस्त परिस्थितीत मस्करी झाल्याने भिका मराठे, बाळू चव्हाण, मदन चव्हाण आणि राहूल चव्हाण (सर्व रा. आंबिलहोळ, ता. जामनेर) यांनी त्यांना शिवीगाळ करून मारहाण केली. गजानन बोंढरे यांनी जखमी अवस्थेत जामनेर पोलीस ठाण्यात धाव घेऊन तक्रार नोंदवली. रात्री ११ वाजता पोलिसांनी आरोपींविरुद्ध गुन्हा दाखल केला असून, सहाय्यक फौजदार विलास महाजन या प्रकरणाचा…