Author: saimat

हरताळा फाट्यावर लोखंडी साहित्याची चोरी; मुक्ताईनगरात दीड लाखांचा माल लंपास साईमत/मुक्ताईनगर /प्रतिनिधी शहरालगतच्या हरताळा फाटा परिसरात उड्डाणपुलाच्या कामासाठी साठवून ठेवलेल्या लोखंडी साहित्यावर चोरट्यांनी डल्ला मारल्याची धक्कादायक घटना उघडकीस आली आहे. अज्ञात चोरट्यांनी रात्रीच्या अंधाराचा फायदा घेत लोखंडी ट्रसल, अँगल आणि चॅनल असा सुमारे दीड लाख रुपयांचा माल लंपास केल्याने व्यापारी व बांधकाम व्यावसायिकांमध्ये भीतीचे वातावरण निर्माण झाले आहे. हरताळा फाटा येथे उड्डाणपुलालगत सुरू असलेल्या बांधकामासाठी मोठ्या प्रमाणात लोखंडी चॅनल, अँगल व ट्रसल साहित्य साठवून ठेवण्यात आले होते. हे साहित्य बांधकाम प्रक्रियेसाठी अत्यंत महत्त्वाचे असल्याने त्याची सुरक्षितता राखण्याची जबाबदारी संबंधित ठेकेदारांकडे होती. मात्र, चोरट्यांनी नियोजनबद्ध पद्धतीने रात्रीच्या सुमारास साहित्य चोरून नेल्याचे दिसून…

आदिवासी शाळांमध्ये 100% सीसीटीव्ही, सोलर व व्यायामशाळा ‘सुंदर शाळा’ अभियान यशस्वी साईमत/जळगाव/प्रतिनिधी जळगाव जिल्ह्यातील आदिवासी बांधवांसाठी मोठा दिलासा; आदिवासी विकास प्रकल्पाचे उपकार्यालय एरंडोल येथे सुरू करण्यास मान्यता देण्यात आली आहे. आदिवासी विकास मंत्री डॉ. अशोक उईके यांनी पालकमंत्री गुलाबराव पाटील यांच्या मागणीनुसार राज्यस्तरीय बैठकीत ही घोषणा केली. या ऐतिहासिक निर्णयामुळे चाळीसगाव, एरंडोल, पाचोरा, भडगाव आणि धरणगाव तालुक्यातील आदिवासी नागरिकांना सुविधा त्वरित मिळणार आहेत. जिल्हा वार्षिक आदिवासी घटक कार्यक्रम 2026–27 अंतर्गत आयोजित बैठकीत जिल्हाधिकारी रोहन घुगे यांनी जिल्ह्याचा विकास आराखडा सादर केला. शासनाने जळगाव जिल्ह्यासाठी 62.28 कोटी रुपयांची निधी मर्यादा निश्चित केली असली, तरी विविध विभागांकडून 125.87 कोटी रुपयांच्या मागण्या आल्या.…

विषप्राशनाने ३३ वर्षीय तरुणाचा जीव घेतला कुटुंबीय शोकात साईमत/जळगाव/प्रतिनिधी शहरातल्या रामेश्वर कॉलनीत राहणाऱ्या ३३ वर्षीय ज्ञानेश्वर गहिनीनाथ नालकोट यांनी १४ फेब्रुवारी २०२६ रोजी घरात विषारी औषध प्राशन करून आपली जीवनयात्रा संपवली. उपचारादरम्यान जिल्हा रुग्णालयात पाच दिवस झुंज दिल्यानंतर, अखेर १९ फेब्रुवारी रोजी गुरुवारी सकाळी १०:२४ वाजता त्यांचा मृत्यू झाला. घटनेची माहिती मिळताच नातेवाईकांनी ज्ञानेश्वर यांना तातडीने जळगाव येथील शासकीय वैद्यकीय महाविद्यालय व रुग्णालयात दाखल केले. पाच दिवसांच्या कठीण उपचारानंतरही त्यांच्या प्रकृतीत सुधारणा झाली नाही आणि वैद्यकीय अधिकाऱ्यांनी त्यांना मृत घोषित केले. जिल्हा रुग्णालयाकडून मिळालेल्या माहितीनुसार, आत्महत्येचे नेमके कारण अद्याप स्पष्ट झालेली नाही. घटनेबाबत एमआयडीसी पोलीस ठाण्यात अकस्मात मृत्यूची नोंद करण्यात…

किरकोळ कारणावरून तुंबळ हाणामारी तिघांविरोधात गुन्हा दाखल साईमत/चोपडा/प्रतिनिधी घरासमोर वाहन उभे करण्याच्या किरकोळ कारणावरून तुंबळ हाणामारीची घटना गुरूवारी १९ फेब्रुवारी रोजी सकाळी ८ वाजताच्या सुमारास चोपडा शहरातील रामपुरा पारधी वाडा परिसरात घडली. या घटनेत एका व्यक्तीला गंभीर दुखापत झाली असून, पोलिसांनी दुपारी २ वाजता तिघांविरुद्ध गुन्हा नोंदवला आहे. मिळालेल्या माहितीनुसार, ४९ वर्षीय नामदेव भिका पारधी (रा. रामपुरा पारधीवाडा) हे व्यावसायिक ड्रायव्हर आहेत. त्यांचे घरासमोर जगदीश राजेंद्र पारधी यांनी आपली गाडी उभी केली होती. नामदेव पारधी यांनी गाडी बाजूला करण्याची विनंती केली, मात्र आरोपींनी राग धरत वाद वाढवला. वाद लवकरच हाणामारीत रूपांतरित झाला. संशयित आरोपी जगदीश राजेंद्र पारधी, राजेंद्र गबा पारधी…

 मनपाने अतिक्रमणावर केली कारवाई साईमत/जळगाव/प्रतिनिधी शहरातील नवीन जिल्हा न्यायालयाच्या उभारणीसाठी शाहू नगरातील ट्राफिक गार्डन परिसरातील सुमारे सात एकर जागा मनपा अतिक्रमण निर्मूलन पथकाने शुक्रवारी (२० फेब्रुवारी) मोकळी केली. कारवाईदरम्यान काही काळ तणावाचे वातावरण निर्माण झाले, परंतु पोलीस बंदोबस्त आणि मनपा प्रशासनाच्या समन्वयामुळे परिस्थिती नियंत्रणात राहिली. जिल्हा न्यायालयाची सध्याची जागा अपुरी पडत असल्याने प्रशासनाने नव्या न्यायालयासाठी ट्राफिक गार्डन परिसरातील ही जागा निश्चित केली होती. या जागेवर अनेक अतिक्रमक – खाद्यपदार्थ विक्रेते, हातगाडी चालक आणि गॅरेज व्यवसायिक – आपला व्यवसाय सुरू ठेवत होते. न्यायालय प्रशासनाने यापूर्वीच जागा अधिकृतपणे ताब्यात घेतली होती आणि “अतिक्रमण निषिद्ध” अशा सूचना फलकावर लावण्यात आल्या होत्या, परंतु काही…

 अमळनेरमध्ये धक्कादायक घटना साईमत/अमळनेर /प्रतिनिधी वाहन चालवताना साईड न दिल्याच्या सामान्य वादातून एक व्यापारी गंभीर तोडफोडीचा बळी ठरला. गुरूवारी, १९ फेब्रुवारी रोजी दुपारी सुमारे ४ वाजता, अमळनेर तालुक्यातील डांगर गावातील बसस्थानकासमोर ही धक्कादायक घटना घडली. चार संशयितांनी मिळून तुषार लालचंद पवार (वय २४, रा. शारदा कॉलनी, अमळनेर) यांच्या कारला अडवून तिची तोडफोड केली. या घटनेत संशयित आरोपी शुभम सुनील पाटील, मुकेश प्रकाश सोनवणे, सुनील धुडकू पाटील आणि धिरज सुनील पाटील (सर्व रा. डोंगर, ता. अमळनेर) यांनी ट्रॅक्टर ट्रॉलीसह तुषारची कार रस्त्यात आडवी लावली. साईड का दिली नाही या कारणावरून त्यांनी तुषारला अश्लील शब्दांनी त्रास दिला, कारच्या बोनेटवर दगड फेकून आणि ट्रॅक्टरने…

लग्नमंडपात रक्तरंजित संघर्ष व्हॉट्सअ‍ॅप वादातून तिघांचा मृत्यू, धुळे जिल्हा हादरला साईमत/धुळे/प्रतिनिधी आनंद, उत्साह आणि मंगलमय वातावरणाने भरलेला लग्नसोहळा क्षणात शोकसभेत परिवर्तित झाल्याची हृदयद्रावक घटना धुळे जिल्ह्यात घडली आहे. धुळे जिल्ह्यातील साक्री तालुक्यातील पिंपळनेर येथील नीलकंठ नगर परिसरात गोसावी समाजाच्या लग्नकार्यादरम्यान झालेल्या भीषण हल्ल्यात तिघांचा मृत्यू झाला असून तीन जण गंभीर जखमी झाले आहेत. दुपारी सुमारे एक वाजेच्या सुमारास घडलेल्या या घटनेमुळे संपूर्ण परिसरात भीती आणि संतापाचे वातावरण निर्माण झाले आहे. नीलकंठ नगर येथे विजय गोसावी यांच्या मुलीचा विवाह सोहळा सुरू होता. हळदीच्या कार्यक्रमाची लगबग सुरू असताना साखरपुड्याची तयारीही सुरू होती. साक्री व सोनगड येथून आलेल्या नातेवाईकांमध्ये अचानक वादाची ठिणगी पडली.…

महिला बचत गटांना हक्काची बाजारपेठ; सागर पार्कमध्ये सहावा खान्देश महोत्सव साईमत/जळगाव/प्रतिनिधी स्थानिक महिला बचत गट, उद्योजक आणि स्वयंसहाय्यता गटांना हक्काची बाजारपेठ उपलब्ध करून देण्याच्या उद्देशाने जळगाव शहरात ‘खान्देश महोत्सव २०२६’चे भव्य आयोजन करण्यात आले आहे. येत्या २६ फेब्रुवारीपासून सागर पार्क येथे हा महोत्सव रंगणार असून ‘व्होकल फॉर लोकल’ या संकल्पनेवर आधारित या उपक्रमातून स्थानिक उत्पादनांना नवे व्यासपीठ मिळणार आहे. नागरिकांना खान्देशच्या समृद्ध संस्कृतीचा आणि परंपरेचा अनोखा अनुभव या निमित्ताने घेता येणार आहे. जळगाव महानगरपालिका आणि महिला व बालकल्याण विभाग यांच्या संयुक्त विद्यमाने आयोजित करण्यात आलेला हा सहावा महोत्सव २६ फेब्रुवारी ते २ मार्च २०२६ या कालावधीत पार पडणार आहे. महापौर…

तलवार आणि दुचाकी जप्त व ११,५०० रुपयांचा मुद्देमाल हस्तगत साईमत/पाचोरा/प्रतिनिधी पाचोरा पोलीस स्टेशनच्या हद्दीत बेकायदेशीरपणे शस्त्र बाळगणाऱ्या तरुणाला पोलीसांनी बुधवारी सायंकाळी रंगेहात पकडले. भडगाव रोडवरील अंतुर्ली फाट्याजवळ झालेल्या कारवाईत आरोपीकडून एक धारदार तलवार आणि एक दुचाकी जप्त करण्यात आली आहे. या कारवाईत एकूण ११,५०० रुपयांचा मुद्देमाल पोलिसांच्या ताब्यात आला. मिळालेल्या माहितीनुसार, भडगाव रोडवरील अंतुर्ली फाटा परिसरात सायंकाळी सुमारे ५ वाजता एक तरुण संशयास्पदरीत्या वावरत असल्याची माहिती पाचोरा पोलीसांना मिळाली. या तक्रारीच्या आधारे पोलीस कॉन्स्टेबल संदीप बजरंग राजपूत आणि त्यांच्या पथकाने सापळा रचून कारवाई केली. पोलिसांच्या झडतीत संशयित आरोपी ललीत गोपाळ चौधरी (वय २८, रा. न्हावी गल्ली, पारोळा) यांच्या ताब्यातून एक…

आरोग्य, पाणी व पथदिव्यांवरून प्रशासनाला धारेवर; अधिकाऱ्यांची झाडाझडती साईमत/जळगाव/प्रतिनिधी जळगाव शहर महानगरपालिकेच्या महापौर दालनात बुधवारी (दि. १८) प्रभाग क्रमांक १३ मधील प्रलंबित प्रश्न आणि तक्रारींवर विशेष बैठक पार पडली. या बैठकीत नगरसेवकांनी आरोग्य, पाणीपुरवठा आणि पथदिवे या मूलभूत सुविधांबाबत प्रशासनाला जाब विचारत समस्यांचा पाढाच वाचला. नागरिकांच्या तक्रारींना गांभीर्याने घेत महापौर दीपमाला काळे यांनी अधिकाऱ्यांची झाडाझडती घेत पुढील आठ दिवसांत सर्व प्रश्न मार्गी लावण्याचे आदेश दिले. “यापुढे तक्रारी येता कामा नयेत; अन्यथा कारवाईचा विचार केला जाईल,” असा सज्जड इशाराही त्यांनी दिला. बैठकीच्या सुरुवातीलाच आरोग्य विभागाच्या कामकाजावर तीव्र नाराजी व्यक्त करण्यात आली. नगरसेविका सुरेखा तायडे यांनी घंटागाडीच्या नियोजनावर प्रश्न उपस्थित करत “घंटागाडीचे…