Author: saimat team

जळगाव, प्रतिनिधी । मराठा सेवा संघाची बैठक नुकतीच अशोकराव महल्ले यांचे अध्यक्षतेखाली संपन्न झाली. यावेळी समाजातील सर्व घटकांसाठी मराठा सेवा संघाचे विधायक कार्य प्रत्यक्ष पोहचवा असे आवाहन करण्यात आले. आपण मराठा सेवा संघासाठी आतापर्यंत काय केले याचेही लिखाण करावे व समाज प्रबोधनाचे मुद्दे मांडून ते प्रकाशित करावेत यामुळे समाज नक्कीच आकर्षित होईल असे महत्त्वपुर्ण शिवविचार मांडले.यावेळी मा.विभागिय अध्यक्ष भाऊसो सुरेश पाटील यांनी आतापर्यंत जळगांव मराठा सेवासंघाने केलेल्या सर्वसमावेशक कार्याबाबत व कार्याचा ठसा कसा उमटविला याबाबत सविस्तर माहिती दिली.यावेळी मा.विभागिय अध्यक्ष सुरेन्द्र पाटील, विभागिय कार्याध्यक्ष राम पवार, जिल्हाध्यक्ष अनिल पाटील,जिल्हा कार्याध्यक्ष सुमित पाटील ,महानगर अध्यक्ष हिरामण चव्हाण ,महानगर सचिव चंद्रकांत देसले…

यावल, प्रतिनिधी । तालुक्यात विविध विकास योजना कामांमध्ये मंजूर,प्लॅन,इस्टिमेट प्रमाणे बांधकामे न होता निकृष्ट प्रतीची बांधकामे कामे होत आहेत तसेच अनेक कामांची टेंडर ठराविक ठेकेदारांना मिळत असून प्रत्यक्षात काम करणारे ठेकेदार हे मात्र वेगळेच असतात बांधकाम सुरू असताना संबंधित विभागाचा निरीक्षण अधिकारी कामाच्या ठिकाणी उपस्थित राहत नसल्याने अत्यंत निकृष्ट प्रतीची कामे होत आहेत याकडे संबंधित विभागाचे म्हणजे यावल पंचायत समिती, जिल्हा परिषद जळगाव, सार्वजनिक बांधकाम विभाग यावल व जळगाव,नगरपरिषद, ग्रामपंचायत यांच्यासह खासदार, आमदार यांचे जाणीवपूर्वक दुर्लक्ष होत असल्याचा आरोप खुद्द ठेकेदारकडून लावला जात आहे. यावल तालुक्यात खासदार व आमदार निधीतून तसेच इतर विविध शासकीय योजनांच्या माध्यमातून शेती अंतर्गत रस्ते, इतर…

जळगाव, प्रतिनिधी । अनेक अडचणींवर मात करून जिल्हा परिषदेच्या शाळा आगेकूच करत असून दर्जेदार ज्ञानदानाचे काम करत आहेत. जिल्हा परिषदेच्या शाळांमुळेच मराठी भाषा टिकून असल्याचे प्रतिपादन पालकमंत्री ना. गुलाबराव पाटील यांनी केले. पालकमंत्र्यांच्या हस्ते तालुक्यातील नांद्रा येथील जि.प. शाळेला संगणक प्रदान करण्यात आला याप्रसंगी ते बोलत होते. दरम्यान, यासोबतच आज नांद्रा येथे मोतीबिंदू तपासणी शिबिराचे आयोजन करण्यात आले. यात १७२ जणांची तपासणी करण्यात आली असून ४४ स्त्री-पुरूषांवर शस्त्रक्रिया करण्यात येणार आहे. कुमारी क्रिशा हेमंत आगीवाल या बालिकेच्या वाढदिवसानिमित्त नांद्रा जिल्हा परिषद शाळेला संगणक भेट देण्यात आला. याप्रसंगी बोलतांना ना. गुलाबराव पाटील यांनी क्रिशाचे व तिच्या आई वडिलांचे मन:पूर्वक कौतुक केले.…

अमळनेर, प्रतिनिधी । शहरातील एका भागात राहणारी १७ वर्षीय अल्पवयीन मुलीला अमळनेर शहरातून पळवून नेल्याची घटना ६ रोजी घडली. याप्रकरणी अमळनेर पोलीस स्थानकात संशयिताविरुद्ध गुन्हा दाखल करण्यात आला आहे. १७ वर्षीय मुलगी पुणे जिल्ह्यात एका गावात आपल्या कुटुंबियांसह वास्तव्याला आहे. अमळनेर येथे तिचे बारावीची परिक्षा असल्याने मुलगी ही आई भाऊसह अमळनेर येथे मामाच्या घरी आले होते. ६ फेब्रुवारी रोजी मध्यरात्री पुणे येथील राहणारा रावसोहब पांडूरंग साळुंखे याने अल्पवयीन मुलीला फूस लावून पळवून नेले. याबाबत पीडीत मुलीच्या आईने अमळनेर पोलीसात धाव घेवून तक्रार दिली. त्यांच्या तक्रारीवरून अमळनेर पोलीस ठाण्यात संशयित आरोपी रावसाहेब पांडूरंग साळुंखे याच्या विरोधात गुन्हा दाखल केला आहे. पुढील…

मुंबई, वृत्तसंस्था । वाढतं शहरीकरण आणि मोठ्या शहरांत शेतजमीनच शिल्लक राहिली नसल्यानं सातबारा बंद करण्याचा निर्णय राज्य शासनानं घेतला आहे. राज्यातील ज्या शहरांमध्ये सिटी सर्व्हे झाले आहेत आणि सातबारा उतारादेखील सुरू आहे, अशा शहरांमध्ये सातबारा उतारा बंद करून त्याठिकाणी केवळ प्रॉपर्टी कार्ड सुरू ठेवण्याचा निर्णय घेण्यात आला आहे. भूमी अभिलेख विभागानं हा निर्णय घेतला आहे. वाढत्या शहरीकरणामुळे अनेक ठिकाणी शेतजमीनच उरलेली नाही. अनेक शहरांतील शेतजमीन जवळपास संपली आहे. त्यामुळे या शहरांमधील सातबारा बंद करण्याचा निर्णय घेण्यात आला आहे. सातबाऱ्यांचं प्रॉपर्टी कार्डमध्ये रुपांतर झालं असतानाही कर आणि इतर लाभ घेण्यासाठी सात बारा कायम ठेवला जातो. त्यामुळे फसवणुकीसारखे प्रकार घडतात. त्यामुळे सर्व…

बुलढाणा, वृत्तसंस्था । बुलढाण्यात कायदा सुव्यवस्थेची जबाबदारी राखण्याची जबाबदारी असणाऱ्या पोलीस स्थानकावरच हल्ला केल्याची घटना घडली. याप्रकरणी शेगाव पोलीस स्थानकात गुन्हा दाखल करण्यात आला आहे. कायदा सुव्यवस्थेची जबाबदारी राखण्याची जबाबदारी असणाऱ्या पोलीस स्थानकावरच हल्ला करण्यात आला आहे. जमावाने शेगाव पोलीस ठाण्यात घुसून तोडफोड केली आहे. मध्यरात्री जमावाने थेट पोलीस स्थानकात घुसून तोडफोड करण्यात आल्याने शहरात एकच खळबळ उडाली आहे. शेगाव पोलिसांना मध्यरात्री एकच्या सुमारास एका वाढदिवसाच्या पार्टीत डीजे सुरु असल्याची तक्रार प्राप्त झाली होती. यानंतर पोलीस घटनास्थळी दाखल झाले आणि डीजे बंद करायला लावला. यानंतर काही वेळातच पोलीस ठाण्यावर ३० जणांचा जमाव धावून गेला. अज्ञातांनी केलेल्या या हल्ल्यात पोलीस ठाण्यातील…

जळगाव, प्रतिनिधी । युवाशक्ती फाऊंडेशन व भंवरलाल अँड कांताबाई जैन फाऊंडेशन यांच्या संयुक्त विद्यमाने काव्यरत्नावली चौक येथे रविवारी सायंकाळी भारतरत्न, गानसम्राज्ञी लता दीदी मंगेशकर यांना मेणबत्ती लावून तसेच पुष्प अर्पण करून जळगावकर नागरिकांनी आदरांजली वाहिली. यावेळी मनजीत जांगीड, सौरभ कुलकर्णी, पियुष तिवारी, सागर सोनवणे, शशी महानोर, गायक नयन मोरे, संगीतकार नवल जाधव, प्रा.संजय पत्की, गिरीश कुलकर्णी, मंगला बारी, शरद भालेराव, मिलिंद थत्ते, महेश चिरमाडे, दर्शन पारीख, अविनाश मोघे, प्रकाश जैन, फारूक शेख, अर्जुन भारुडे, एम.पी.पाटील, मोहन गांधी, सागर बागुल, राजू पाटील, प्रीतम शिंदे, मयूर जाधव, भटू अग्रवाल, राम मोरे, आकाश येवले, अक्षय जैन, संदीप सूर्यवंशी, प्रशांत वाणी, जड्डू पाटील, लक्ष्मण…

मुंबई, वृत्तसंस्था । भारतरत्न गानसम्राज्ञी लता मंगेशकर यांच्या निधनामुळे दुखवटा म्हणून राज्य सरकारने सोमवार ७ फेब्रुवारी २०२२ रोजी राज्यात सार्वजनिक सुट्टी जाहीर केली आहे. यासंदर्भात काढण्यात आलेल्या अधिसूचनेत म्हटले आहे की, आज रविवार दि ६ फेब्रुवारी २०२२ रोजी भारतरत्न लता मंगेशकर यांचे दुःखद निधन झाले असून त्यांच्या निधनामुळे संगीत आणि कला विश्वाची अपरिमित हानी झाली आहे. या महान गायिकेला श्रद्धांजली वाहण्यासाठी, परक्राम्य संलेख अधिनियम, १८८१( सन १९८१चाअधिनियम २६ ) च्या कलम २५ खाली महाराष्ट्र शासनास सोपविण्यात आलेल्या अधिकाराचा वापर करून सोमवार दिनांक ७ फेब्रुवारी रोजी राज्यात दुखवटा म्हणून सार्वजनिक सुट्टी जाहीर करण्यात येत आहे.

जळगाव, प्रतिनिधी । अज्ञात वाहनांच्या धडकेत दुचाकीस्वार जागीच ठार तर एक जण गंभीर जखमी झाल्याची घटना घडली. याप्रकरणी नशिराबाद पोलीस स्थानकात अज्ञात वाहन चालकांवर गुन्हा दाखल करण्यात आला आहे. भुसावळकडून जळगावकडे येत असलेल्या दुचाकीला अज्ञात वाहनाने जोरदार धडक दिल्याने दुचाकीस्वार जागीच ठार झाला तर सोबत असलेला एकजण गंभीर जखमी झाल्याची घटना नशिराबाद जवळील पाटील नर्सरीजवळ घडली. याप्रकरणी शनिवार ५ फेब्रुवारी रोजी रात्री नशिराबाद पोलीस ठाण्यात अज्ञात वाहनचालकावर गुन्हा दाखल करण्यात आला आहे. किशोर भास्कर झाल्टे (वय-२४) रा. पातोंडा ता. नांदूरा जि. बुलढाणा असे मयताचे नाव आहे. किशोर झाल्टे हा तरूण आपल्या कुटुंबियांसह वास्तव्याला आहे. खासगी काम करून उदरनिर्वाह करत होते.…

मुंबई, वृत्तसंस्था । ज्येष्ठ गायिका लता मंगेशकर यांचे आज वयाच्या ९२ वर्षी निधन झाले आहे. याप्रकरणी त्यांना न्यूमोनिया झाल्याची लागण झाली होती. लता मंगेशकर यांच्या निधनानंतर संपूर्ण कलाविश्वावर शोककळा पसरली आहे. गानकोकिळा म्हणून प्रसिद्ध असलेल्या लता मंगेशकर यांचं आज निधन झालं. वयाच्या ९२ वर्षी त्यांनी अखेरचा श्वास घेतला. लता मंगेशकर यांना काही दिवसांपूर्वीच करोनाची लागण झाली होती. मुंबईच्या ब्रीच कँडी रुग्णालयात त्यांच्यावर उपचार सुरु होते. दरम्यान त्यांना न्यूमोनियाचीही लागण झाल्याचं समोर आलं होतं. त्यांच्यावर उपचार सुरू असतानाच त्यांची प्राणज्योत मालवली. लता मंगेशकर यांना त्यांच्या वडिलांकडून म्हणजेच पंडित दिनानाथ मंगेशकर यांच्याकडून गाण्याचा वारसा मिळाला होता. लता, आशा, उषा, मीना, आणि हृदयनाथ…