Author: saimat team

चाळीसगाव ः प्रतिनिधी येथील शहर पोलीस स्टेशनमध्ये सायंदैनिक ‘साईमत’ दिनदर्शिकाचे प्रकाशन शहर पोलीस निरीक्षक विजयकुमार ठाकूरवाड यांच्या प्रमुख उपस्थितीत करण्यात आले. यावेळी सहायक पोलीस निरीक्षक निसार सैय्यद, सपोनि विशाल टकले, गव्हर्मेंट कॉन्ट्रॅक्टर प्रतिक पाटील, चाळीसगाव न्यायालयाचे कर्मचारी किशोर पाटील, ‘दैनिक साईमत’चे उपसंपादक मुराद पटेल, योगेश बैरागी उपस्थित होते.

धरणगाव : प्रतिनिधी माजी पालकमंत्री गुलाबराव देवकर यांच्या वाढदिवसानिमित्त धरणगाव ग्रामीण रुग्णालयात राष्ट्रवादी काँग्रेस पक्षातर्फे फळ वाटप करण्यात आले. तसेच पी.आर. हायस्कूल येथील गरजू विद्यार्थ्यांना शालेय साहित्याचे वाटप करण्यात आले. प्रसंगी माजी नगराध्यक्ष ज्ञानेश्वर महाजन, जिल्हा उपाध्यक्ष दिपक वाघमारे, राष्ट्रवादी काँग्रेस पक्षाचे ग्रंथालय सेलचे जळगाव जिल्हाध्यक्ष मोहन पाटील, डॉ. मिलींद डहाळे, तालुकध्यक्ष धनराज माळी, युवक तालुकाध्यक्ष नाटेश्वर पवार, सिताराम मराठे, गोपाल पाटील, भुषण पाटील, आनंदा पाटील, सागर वाजपाई, पी.आर. हायस्कूलचे मुख्याध्यापक डॉ. संजीव कुमार सोनवणे, विद्यालयाचे सर्व शिक्षक यांच्यासह राष्ट्रवादीचे पदाधिकारी व कार्यकर्ते उपस्थित होते.

यावल ः प्रतिनिधी यंदा २०२०-२०२१ या वर्षाच्या खरीप हंगामात केंद्र शासनाकडून किमान आधारभूत किंमत खरेदी योजने अंतर्गत नाफेडचे तूर खरेदी केंद्र यावल, उपअभिकर्ता संस्था म्हणून यावल तालुक्यातील कोरपावली विविध कार्यकारी सेवा सहकारी सोसायटी मार्फत तूर खरेदीसाठी नावनोंदणीला आज २१ जानेवारी पासून शुभारंभ करण्यात आला आहे. हेक्टरी खरेदी१२ क्वींटल ३४ किलो व हमीभाव ६ हजार रुपये प्रतिक्विंटल प्रमाणे राहणार आहे. तरी शेतकरी बांधवांनी आपले नाव नोंदणीसाठी आधार कार्ड झेरॉक्स, बॅक पासबुक झेरॉक्स, तुर पिकाचा ऑनलाईन चालू खरीप हंगामाचा पिक पेरा नोंदविलेला ७/१२उतारा घेऊन संस्थेशी संपर्क करावा. शेतमालाची रक्कम आपण दिलेल्या बँक खाती ऑनलाइन पद्धतीने जमा होणार आहे,त्यामुळे बँक खात्याची माहिती बिनचूक…

जळगाव ः प्रतिनिधी जळगाव जिल्हा मेडिसीन डिलर्स असोसिएशनची वार्षिक सर्वसाधारण सभा नुकतीच पार पडली. बैठकीत संघटनेची निवडणूक न करता अध्यक्षपदी सुनील भंगाळे यांची सहाव्यांदा निवड करण्यात आली. तर सचिवपदी अनिल झंवर व कोषाध्यक्षपदी शामकांत वाणी यांची एकमताने बिनविरोध निवड करण्यात आली. बैठकीत केमिस्ट संघटनेच्या २०२०-२०२३ या पुढील तीन वर्षासाठी नवीन कार्यकारिणीची निवड करण्याच्या विषयावर चर्चा करण्यात आली. संघटनेचे ज्येष्ठ सभासद राजाभाऊ काबरा, मोहसिनभाई करमपूरवाला यांच्या शिष्टाईच्या माध्यमातून आणि संकल्पनेतून यावर्षी निवडणूक न घेता एकमताने निवड करण्याचा निर्णय घेण्यात आला. भंगाळे हे गेल्या पंधरा ते सोळा वर्षांपासून अध्यक्षपदावर विराजमान आहेत. सभेत १४ विषयांना एकमताने मंजुरी दिली. सभेला जिल्हाभरातील ९०० सभासद उपस्थित…

धानोरा, ता. चोपडा ः प्रशांत चौधरी सध्या कोरोनाच्या महामारीमुळे सर्वसामान्यांची परिस्थिती खालावली असलेल्यामुळे यंदा दिवाळीच्या पणत्या प्रत्येकाच्या घरी उजळतांना अडचणींचा अंधकार आल्याने खरतर ज्या मुलींचे मातृ-पितृ छत्र हरपले अशा मुलांच्या जीवनातील अंधकार दूर करावा, याची जाणीव ठेवून धानोरा येथील वधू-वराने आपल्या साखरपुड्याच्या मुहूर्ता प्रसंगी गावातील मातृ-पितृ छत्र हरपलेल्या मुलींना शिक्षणासाठी हातभार लागावा या हेतूने तीन मुलींचा वर्षभराचा खर्च उमेश उर्फ हिमांशू व डॉ. मयुरी या नवदाम्पत्याने नवीन जीवनाची सुरुवात एका चांगल्या उपक्रमाने करून समाजातील तरुणांसमोर एक आदर्श प्रस्थापित केला आहे. वास्तविक विवाह म्हटला म्हणजे खर्चाची परवनी आलीच. मात्र, याला फाटा देत या नवदाम्पत्यांनी मातृ-पितृ हरवलेल्या मुलींच्या जीवनातील अंधःकार दूर करण्यासाठी…

जळगाव : प्रतिनिधी येथील राष्ट्रीय महामार्ग क्र.६ वर बांभोरी जवळ दुचाकीला अज्ञात वाहनाने दिलेल्या धडकेत दुचाकीवरील पोलीस विभागातील विधी अधिकारी जागीच ठार झाले तर त्यांच्यासोबत असलेला एक पोलीस कर्मचारी गंभीर जखमी झाला आहे. हे दोन्ही जण आज सकाळी पारोळा येथे कामानिमित्त जात असल्याचे समजते. या घटनेमुळे पोलीस दलावर शोककळा पसरली असून हळहळ व्यक्त केली जात आहे. याबाबत माहिती अशी की, जिल्हा पोलीस दलात विधी अधिकारी म्हणून कार्यरत असलेले दुर्गादासगिरी गोसावी (रा.पाचोरा) आणि शनीपेठ पोलीस स्थानकात कार्यरत संदीप भिकन पाटील (रा. पोलीस वसाहत, जळगाव) हे आज सकाळी दुचाकीने जळगावहून पारोळ्याकडे कामामित्त जात होते. राष्ट्रीय महामार्ग क्र.६ वर बांभोरीजवळ त्यांना एका अज्ञात…

पाचोरा ः प्रतिनिधी तालुक्यातील लोकसत्ताचे प्रतिनिधी प्रवीण ब्राह्मणे यांनी आज मुंबई येथे सह्याद्री अतिथीगृहात झालेल्या दिमाखदार सोहळ्यात महाराष्ट्र राज्याचे मुख्यमंत्री उद्धव ठाकरे यांच्या उपस्थितीत शिवसेना पक्षात जाहीर प्रवेश केला.यावेळी पालकमंत्री गुलाबराव पाटील ,पाचोरा विधानसभेचे आ. किशोर पाटील यांची प्रमुख उपस्थिती होती. प्रविण ब्राह्मणे हे अनेक वर्षापासून सामाजिक व राजकीय क्षेत्रात कार्यरत असून त्यांनी गेल्या वेळी २०१६ मध्ये झालेल्या नगरपालिका निवडणूक लढवली होती तसेच पाचोरा पिपल्स बँकेची देखील निवडणूक लढवली होती.सडेतोड,प्रामाणिक, स्पष्ट वक्ते, सामाजिक कार्यकर्ते, अन्यायाला वाचा फोडणारे, बेधडक पत्रकार म्हणून ओळख असणारे प्रविण ब्राह्मणे यांनी लोकमत, सकाळ आदी प्रमुख वृत्तपत्रांसाठी काम केले असून आता ते लोकसत्ता वृत्तपत्राचे प्रतिनिधी आहेत तसेच…

अमळनेर ः प्रतिनिधी महाविकास आघाडीतर्फे मतदारसंघातील ८९ नवनियुक्त ग्रामपंचायत सदस्यांचा गौरव सोहळा उद्या दि.२१ रोजी दुारी ३ वाजता छत्रपती शिवाजी महाराज नाट्यगृहात आ.अनिल भाईदास पाटील व महाविकास आघाडीच्या नेत्यांच्याहस्ते प्रमाणपत्र देऊन गौरवांकित करण्यात येणार आहे. या समारंभात मतदारसंघातील सर्व सदस्यांनी उपस्थित राहावे, असे आवाहन आ.अनिल भाईदास पाटील यांनी केले आहे. ग्रामीण भागात ग्रामपंचायत हा विकासाचा महत्वाचा कणा आहे. ग्रामपंचायतीत विजयी झालेल्या नवनियुक्त सदस्यांना गावाचे विकासकामे मिळण्यासाठी प्रेरणा मिळावी या हेतूने आ.अनिल भाईदास पाटील यांनी या कार्यक्रमाचे आयोजन केले आहे. तरी मतदारसंघातील सर्व सदस्यांनी भेदाभेद न करता या कार्यक्रमाला उपस्थित राहावे व आपल्या गौरवाची संधी द्यावी, असे आवाहन आ.अनिल पाटील व…

जळगाव ः प्रतिनिधी मविप्र संस्थेचे मानद सचिव निलेश भोईटे यांनी सन २०१८ पासून पदोन्नतीचे दिलेले प्रस्तावास आपल्या कार्यालयाने मान्यता आजतागायत दिलेली आहे. आम्ही मुख्याध्यापक देखील याचं संचालक मंडळाचे आदेश मानत आलोय… आमच्या संस्थेत कार्यालय देखील एकच आहे, तिथून निलेश भोईटे यांचे संचालक मंडळ कारभार सुरळीत सुरु असून संस्थेने केलेल्या बदल्या व पदोन्नती प्रस्तावास तात्काळ मान्यता प्रदान करण्यात यावे या मागणीसाठी मविप्र संस्थेच्या सर्व २८ मुख्याध्यापकांनी शिक्षणाधिकारी यांना काल रोजी निवेदन दिले. मुख्याध्यापकांनी दिलेल्या निवेदनात म्हटले आहे की, संस्थेने शाखेवार कर्मचार्‍यांच्या विनंतीवरून तसेच प्रशासकीय कारणास्तव केलेल्या बदल्या व पदोन्नती यांना मान्यता मिळू नये, कर्मचार्यांना वेठीस धरणे तसेच बदली झालेल्या जवळच्या लोकांना…

जळगाव ः प्रतिनिधी येथील भवरलाल अ‍ॅण्ड कांताबाई जैन फाऊंडेशन आणि पुणे अंधजन मंडळ यांच्या संयुक्त सहकार्यातून सुरू असलेल्या ’कांताई नेत्रालयाने’ पाच वर्षांत १५ हजार नेत्रशस्त्रक्रियांचा टप्पा पार केला आहे. अलीकडेच काळात नवजात अर्भकांचे दृष्टीदोष दूर करण्यासाठी आधुनिक पद्धतीने निदान व उपचार सेवेची सुरुवात करण्यात आली आहे अशी माहिती नेत्रालयाच्या मेडिकल डायरेक्टर व नेत्रविशारद डॉ. भावना अतुल जैन यांनी दिली. कांताई नेत्रालयाचा पाचवा वर्धापनदिन दि.१९ रोजी साजरा झाला. जैन उद्योग समुहाचे संस्थापक अध्यक्ष भवरलालजी जैन यांनी पत्नी कांताबाई यांच्या स्मरणार्थ दि. १९ जानेवारी २०१६ रोजी नेत्रालयाचा प्रारंभ केला होता. डॉ. भावना जैन यांनी नेत्रालयातर्फे गेल्या पाच वर्षांत दिलेल्या नेत्र उपचार व…