ट्रक व पीकअपची धडक ; चार ठार

0
1

जळगाव : प्रतिनिधी

बुधवारी पहाटेच्या सुमारास नशिराबाद ते साकेगाव दरम्यान सिमेंट फॅक्टरीजवळ रेल्वे उड्डाणपुलावर भयंकर अपघात झाला. जळगावकडून बुधवारी सकाळी बकऱ्या घेऊन मालवाहू पीकअप क्रमांक एमएच.४३.एडी.१०५१ व एमएच.४३.बीबी.००५० हे भुसावळच्या दिशेने जात होता. सिमेंट फॅक्टरी ते डॉ.पाटील वैद्यकीय महाविद्यालयजवळ रेल्वे उड्डाणपुलावर वळणावर समोरून येत असलेल्या ट्रक क्रमांक एमपी.०९.एजी.९५२१ ने त्यांना जोरदार धडक दिली.

जिल्ह्यातील नशिराबाद येथील नशिराबादजवळ एक तिहेरी अपघात घडला असून आहे. सिमेंट फॅक्टरीच्या समोर रेल्वे पुलावर दोन मालवाहू वाहनांवर भुसावळ करून येणारा भरधाव ट्रक धडकल्याने चौघे जागीच ठार झाले मालवाहू वाहनातील नागरिक उड्डाण पुलावरून खाली कोसळले तर ट्रक उड्डाणपुलाच्या सुरक्षा भिंतीवर चढलेला होता. ट्रकच्या धडकेत तीन जण उड्डाणपुलावरून थेट खाली कोसळले. दोन्ही मालवाहू चक्काचूर झाल्या असून एक मालवाहूची ट्रॉली ट्रकला चिकटली होती. तसेच क्रेनच्या साहाय्याने वाहतूक सुरळीत करण्याचा प्रयत्न केला. मयत आणि दोन्ही जखमींना तात्काळ डॉ.उल्हास पाटील वैद्यकीय महाविद्यालयात हलविण्यात आले. उपचार सुरू असताना एकाचा मृत्यू झाल्याचे समजते. घटनेची माहिती मिळताच नशिराबादचे सहाय्यक निरीक्षक किरण मोरे, उपनिरीक्षक राजू साळुंखे, महामार्ग वाहतूक पोलीस विभागाचे सहाय्यक निरीक्षक सुनील मेढे, पवन देशमुख आदींनी घटनास्थळी धाव घेत जखमींना रुग्णालयात हलविले.

LEAVE A REPLY

Please enter your comment!
Please enter your name here