रामानंद नगर पोलीस ठाण्यात अज्ञात चोरट्याविरुध्द गुन्हा दाखल
साईमत/जळगाव/प्रतिनिधी :
शहरातील पिंप्राळा हुडको शिवारात सुरू असणाऱ्या बांधकामाच्या ठिकाणाहून बांधकाम व्यावसायिकाचे लोखंडी पत्रे व साहित्य अज्ञात चोरट्यांनी चोरून नेल्याची घटना ७ मे रोजी सकाळी घडली होती. त्यानंतर याप्रकरणी गुरूवारी, ८ मे रोजी अज्ञात चोरट्यांविरुध्द रामानंद नगर पोलीस ठाण्यात गुन्हा दाखल केला आहे.
प्रवीण अशोक महाजन (वय ३५, रा. गणेश कॉलनी) हे आपल्या परिवारासह वास्तव्याला आहेत. ते बांधकामाचा व्यवसाय करून आपला उदरनिर्वाह करतात. गेल्या ६ ते ७ मे रोजीच्या कालावधीत त्यांच्या पिंप्राळा येथील बांधकामाच्या ठिकाणाहून अज्ञात चोरट्यांनी लोखंडी पत्रे व इतर साहित्य चोरून नेले आहे. हा प्रकार ७ मे रोजी सकाळी समोर आला. त्यानंतर त्यांनी सर्वत्र शोध घेतला. परंतू त्यांना कोणतीही ठोस माहिती मिळू शकली नाही. त्यानंतर अखेर त्यांनी ८ मे रोजी रामानंद नगर पोलीस ठाण्यात तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल केला आहे.तपास पोलीस नाईक मनोज सुरवाडे करीत आहे.
