भारतीयांना जगण्याचा अधिकार संविधानामुळेच मिळाला: प्रा. मिलिंद बागुल
साईमत/जळगाव/प्रतिनिधी
शहरातील पिंप्राळा भागातील सोनी नगरात महागौतमी महिला संघ व सोनीनगरातील नागरिकांतर्फे संविधान दिनानिमित्त कार्यक्रम आयोजित केला होता. यावेळी भारतीय संविधानाच्या उद्देशिकेचे सामूहिक वाचन केले. यावेळी प्रमुख पाहुणे म्हणून प्रा.मिलिंद बागुल, सत्यजित साळवे यांच्या हस्ते डॉ.बाबासाहेब आंबेकर, गौतम बुद्धाच्या प्रतिमेला माल्यार्पण करून संविधान पुस्तिकेचे पूजन करण्यात आले.
विविध क्षेत्रात महिला अग्रेसर दिसून येत आहे. भारतीयांना जगण्याचा अधिकार संविधानामुळेच मिळाला असल्याचे प्रतिपादन प्रा. मिलिंद बागुल यांनी केले. प्रास्ताविकेचे वाचन बापूराव पानपाटील यांनी केले.
याप्रसंगी विनोद निकम, प्रकाश जाधव, सरदार राजपूत, यशवंत पाटील, संजय भोई, नरेश बागडे, अजय बागडे, आकाश सोनवणे, सागर सुरडकर, दिनेश जाधव, विनोद लोखंडे, संगीता भालेराव, सिंधू जाधव, वंदना बांगर, पुष्पा निकम, प्रियंका सुरडकर, मीना हिवाळे, पूनम जाधव, भारती जाधव, निशा सुरवाडे, संदीप जाधव, सुनिता पाटील, योगिता पाटील, माधुरी येवले, आशा भोई, दीपाली पाटील यांच्यासह महागौतमी महिला संघाच्या महिला उपस्थित होते. प्रास्ताविक विनोद निकम तर सूत्रसंचालन आकाश सोनवणे यांनी केले.
