साईमत, चाळीसगाव : प्रतिनिधी
येथील महाराणा प्रताप गृहनिर्माण सोसायटीच्या निवडणुकीसाठी शनिवारी, १७ फेब्रुवारी रोजी मतदानाची प्रक्रिया पार पडली. त्याच दिवशी सायंकाळी मतमोजणी करण्यात आली. सत्ताधाऱ्यांनी केलेल्या विकास कामांना, पारदर्शकतेला मतदारांनी एकतर्फी भरघोस असा कौल देऊन पसंती दिली. निवडणुकीत विरोधकांनी सत्ताधाऱ्यांवर अनेक आरोप केले. मात्र, सभासदांनी कै. अण्णासाहेब पाटील विकास पॅनलला एकतर्फी भरघोस कौल दिला. निवडणुकीत विरोधकांना साधे खातेही उघडता आले नाही.
विजयी उमेदवार आणि त्यांना मिळालेली मते अशी- संजयसिंग ठाकरे ३५५, देवेंद्रसिंग पाटील ३५३, कोमलसिंग पाटील ३४७, मंगेश पाटील ३४७, अरुण पाटील ३३३, भाऊसाहेब जगताप ३२६, शैलेंद्रसिंग दात्रे ३२६, विनयसिंग पाटील ३२५, मधुकर पाटील ३२२, आबा कच्छवा ३१८, निलेश राजपूत ३१२, विजयसिंग राजपूत ३०६ तसेच भटक्या विमुक्त जमाती गटात संजय पाटील ३४०, महिला गटातील मनीषा राहुलसिंग पाटील ३४७, कविता संग्रामसिंग शिंदे ३४१, अनुसूचित जाती, जमाती गटातून मंगेश साळवे ३३८ तर इतर मागास प्रवर्गातून विकास पाटील हे बिनविरोध निवडून आले आहेत.
