साईमत जळगाव प्रतिनिधी
उज्जैन येथे मध्य प्रदेश सरकारने आयोजित केलेल्या ६७ व्या शालेय राष्ट्रीय मल्लखांब स्पर्धे साठी महाराष्ट्र संघाच्या प्रशिक्षकपदी सेंट टेरेसा शाळेचे क्रीडाशिक्षक नरेंद्र भोई यांची निवड करण्यात आली आहे.
क्रीडा व युवक सेवा संचालनालय पुणे, महाराष्ट्र राज्य व शालेय शिक्षण विभाग महाराष्ट्र राज्य सरकार यांचा आधिपक्त्या खाली महाराष्ट्र शालेय मल्लखांब १७ वर्षा खालील (मुले व मुली) संघ हा उज्जैन येथे मध्य प्रदेश सरकारने आयोजित केलेल्या शालेय राष्ट्रीय स्पर्धे साठी महाराष्ट्र संघ सहभागी होणार आहे. या संघाचे प्रशिक्षक म्हणून जळगाव येथील सेंट टेरेसा शाळेचे क्रीडाशिक्षक नरेंद्र भोई यांची निवड करण्यात आली आहे.
या निवडीबद्दल नरेंद्र भोई यांचे जिल्हा मल्लखांब असोसिएशनचे अध्यक्ष राजेश जाधव, सचिव किशोर पाटील, प्रशांत कोल्हे, हरीश शेळके, विजय विसपुते, यांनी अभिनंदन करत पुढील वाटचालीस शुभेच्छा दिल्या.
