साईमत, धरणगाव : प्रतिनिधी
शहरातील भावसार समाज पंच भवनात अखिल महाराष्ट्र भावसार समाजाच्यावतीने समाजातील गुणवंत विद्यार्थ्यांचा सन्मानचिन्हासह रोख पारितोषिक देऊन सन्मान केला. अध्यक्षस्थानी समाजाचे अध्यक्ष सुभाष भावसार होते. यावेळी प्रमुख पाहुणे म्हणून अखिल महाराष्ट्र भावसार समाजाचे अध्यक्ष अरुण भावसार, सचिव चंद्रशेखर भावसार, मनोहर भावसार उपस्थित होते. सत्कारमूर्ती कु.कोमल लक्ष्मीकांत भावसार, भाग्यश्री दीपक भावसार, वैष्णवी निलेश भावसार, श्रीकांत संजय भावसार, प्रथमेश राजेंद्र भावसार आदी गुणवंतांना अरुण भावसार, चंद्रशेखर भावसार, मनोहर भावसार आदी मान्यवरांच्या हस्ते सन्मानचिन्ह, करंडक व रोख बक्षीस भेट देऊन सन्मान केला. तसेच समाजाच्यावतीने उपस्थित मान्यवरांचा शाल, श्रीफळ व पुष्पगुच्छ देऊन सत्कार केला.
याप्रसंगी सत्कारमूर्ती कोमल भावसार, भाग्यश्री भावसार, वैष्णवी भावसार, श्रीकांत भावसार, प्रथमेश भावसार आदींनी मनोगत व्यक्त केले. अभ्यासाने मन, मेंदू आणि मस्तिष्काची एकाग्रता वाढते. विकासाच्या व अर्थकारणाच्या दिशा बदलण्यासाठी शिक्षण महत्त्वाचे आहे. यासोबत स्पर्धात्मक शिक्षण पद्धतीचा अवलंब करणे काळाची गरज असल्याचे भाग्यश्री भावसार हिने मनोगतात सांगितले.
यशस्वीतेसाठी संजय भावसार, गोपीचंद भावसार, सुधीर भावसार, शाम भावसार, राजेंद्र भावसार, दीपक भावसार, सागर भावसार, सचिन भावसार आदी समाजबांधवांनी परिश्रम घेतले. प्रास्ताविक सुभाष भावसार, सूत्रसंचालन चंद्रकांत भावसार तर आभार राजेंद्र भावसार यांनी मानले.
