चोपडा महाविद्यालयात ‘सामूहिक रक्षाबंधन’ उत्साहात

साईमत, चोपडा : प्रतिनिधी

येथील महात्मा गांधी शिक्षण मंडळ, चोपडा अंतर्गत दादासाहेब डॉ. सुरेश जी. पाटील महाविद्यालयातील, चोपडा येथील रसायनशास्त्र विभागातील एम. एस्सी. द्वितीय वर्षाच्यावतीने ‘सामूहिक रक्षाबंधन’ समारंभ साजरा करण्यात आला. अध्यक्षस्थानी विभागप्रमुख प्रा. एम.जी. पाटील होते. प्रमुख पाहुणे म्हणून प्रा. ले. डॉ. बी. एम. सपकाळ, प्रा. डॉ. पी. के. लभाणे, प्रा. डॉ. एस. आर. पाटील, प्रा. डॉ. के. एस. भावसार, प्रा. मयूर पाटील उपस्थित होते.

याप्रसंगी विद्यार्थिनींनी उपस्थित सर्व मान्यवर आणि विद्यार्थ्यांना राखी बांधून रक्षाबंधन सण उत्साहात साजरा केला. विद्यार्थ्यांनी मुलींना श्रीमद्भगवदगीता व पेन भेट म्हणून दिले. मान्यवरांनी उपस्थित विद्यार्थ्यांना मार्गदर्शन केले. सुत्रसंचालन संदीप भदाणे तर विद्यार्थी प्रतिनिधी सोहन सोनवणे याने आभार मानले.