साईमत चोपडा प्रतिनिधी
येथील शहर भारतीय जनता पार्टीच्या वतीने रात्री ८.३० व १०.३० वाजेची चोपडा ते धरणगावमार्गे जळगाव जाणारी बससेवा पुर्णवत सुरु करण्याची मागणीचे निवेदन आगारप्रमुख महेंद्र पाटील यांना देण्यात आले. यावेळी भाजपा शहराध्यक्ष गजेंद्र जैसवाल व सर्व सहकारी यांनी आगारप्रमुख यांच्या लक्षात आणून दिले की सदर बससेवा बंद झाल्यामुळे प्रवाशांना रात्रभर बसस्थानकावर मुक्काम करावा लागतो, अशाप्रकारे तालुकावासियांचे मोठ्या प्रमाणात हाल होत आहेत. या त्रासापासून प्रवाशांची सुटका व्हावी म्हणून लवकरात लवकर बससेवा पुर्णवत सुरू करावी अशी मागणी निवेदनाद्वारे करण्यात आली. यावर आगारप्रमुख महेंद्र पाटील यांनी येत्या दोन ते तीन दिवसात बससेवा सुरू होईल असे सांगितले.
सदर निवेदन देतेवेळी भाजपा शहराध्यक्ष गजेंद्र जैसवाल, व्यापारी आघाडी जिल्हा उपाध्यक्ष रवींद्र मराठे, युवा मोर्चा जिल्हा सदस्य तुषार पाठक, सरचिटणीस मनोहर बडगुजर, जैन प्रकोष्ट तालुकाध्यक्ष संजय जैन, शहर उपाध्यक्ष गोपाल पाटील, युवा मोर्चा शहर उपाध्यक्ष संदिप चव्हाण, अनुसूचित जाती जिल्हा उपाध्यक्ष प्रेम घोगरे, युवा मोर्चा सरचिटणीस आकाश नेवे, सोशल मिडीया अॕप प्रमुख धर्मदास पाटील तसेच एमआयडीसीचे चेअरमन देविदास (पप्पू) सोनार आदिंची उपस्थिती होती.
