श्री. लालचंद राजाराम बागुल, कला शिक्षक यांची राष्ट्रस्तरीय आदर्श शिक्षक पुरस्कार 2022 !! साठी निवड

साईमत लाईव्ह नाशिक प्रतिनिधी
ज्ञानरंजन शिक्षण प्रसारक मंडळ संचलित..निवासी मतिमंद विद्यालय, नांदगांव, ता.नांदगांव, जि.नाशिक या बौद्धिक अक्षम मुलांच्या शाळेचे “कला शिक्षक” श्री. लालचंद राजाराम बागुल यांची कला क्षेत्रात शैक्षणिक व दिव्यांग कार्याची दखलं घेत, “शिक्षक दिन 2022” साठी “राष्ट्रस्तरीय आदर्श शिक्षक पुरस्कार 2022” साठी कलासाधना सामाजिक संस्था,नवी मुंबई यांचे कडून निवड करण्यात आली असून हा पुरस्कार दि.११/०९/२०२२ रविवार रोजी “हॉटेल थ्री स्टार, खारघर, नवी मुंबई” येथे भव्य कार्यक्रमात प्रदान करण्यात येणार आहे. पुरस्काराचे स्वरूप स्मुर्तिचिन्ह, सन्मानपत्र, गोल्डमॅडल, पुस्तक व पेन देऊन गुरुजनांस सन्मानित करण्यात येणार आहे. सदर पुरस्कार सोहळ्यासाठी प्रमुख पाहुणे म्हणून मा. श्री. संदिप सोमन (सुप्रसिद्ध सिनेअभिनेते), मा. श्री. सतीश देशमुख ( आंतरराष्ट्रीय किर्तीचे जादूगर) व श्री. दिपक नागरगोजे (समाजसेवक) यांच्या हस्ते सन्मानित करण्यात येणार आहे.
सदर पुरस्कार सरांना मिळाल्याने संस्थेचे अध्यक्षा मा.सौ. लता पाटील मॅडम व मा.श्री. रावसाहेब पाटील सर व मुख्याध्यापक श्री.पाटीलसर व सर्व शिक्षकवृंद व इतर कर्मचारी यांनी त्यांचे अभिनंदन व कौतुक केले आहे.