कजगाव: ता.भडगाव प्रतीनिधी
कजगाव: ता.भडगाव येथे चोरट्यांनी चांगलेच डोके वर काढले असुन चोरीचा चा सपाटाच लावला आहे. गेल्या आठवड्यात दोन मंदिरातील वस्तू चोरीला गेल्या , या पाठोपाठ आज नव्वद हजाराचे किमतीचे दोन बैल चोरट्यांनी लांबवले. सदर घटनेमुळे ग्रामस्थासह शेतकऱ्यामध्ये घबराट पसरली आहे.
बाबत वृत्त की गेल्या आठवड्यात कजगाव वाडे रस्त्यावरील मनमाड कंपनी जीन या भागातील महादेव मंदिरातून अज्ञात चोरट्यांनी मंदिरातील काहि साहित्य चोरत पोबारा केला होता. या नंतर कजगाव चाळीसगांव मार्गावरील ऋषीबाबा मंदिरातून देखील साहित्य चोरत पोबारा केला होता. लागोपाठ दोन दिवसात दोन मंदिरात चोऱ्या झाल्याने ग्रामस्थांमध्ये घबराट पसरली होती. मंदिर चोरी ची चर्चा थांबत नाही तोच कजगाव पारोळा मार्गावरील नव्यानेच बनत असलेल्या उड्डाणपुला जवळील विजय कौतिक महाजन यांच्या शेतात शेड मध्ये बांधलेली बैलजोडी अंदाजे नव्वद हजार रुपये किंमतीची अज्ञात चोरट्यांनी चोरून नेली याच शेड मध्ये एक गाय व एक वासरी बांधलेली होती.
मात्र ते तेथेच सोडत बैलजोडी चोरत पोबारा केला सदर घटनेमुळे पशुधन मालका मध्ये व ग्रामस्थां मध्ये घबराट पसरली आहे वारंवार होणाऱ्या चोऱ्यावर आळा घालण्यासाठी रात्रीची गस्त सुरू करावी तसेच कजगाव च्या पोलीस मदत केंद्रावर कायमस्वरूपी पोलीस नियुक्त करण्यात यावे अशी मागणी करण्यात येत आहे