साईमत, जामनेर : प्रतिनिधी
लग्नाचे आमिष दाखवत ३० वर्षीय महिलेवर अत्याचार केल्याचा खळबळजनक प्रकार समोर आला आहे. याप्रकरणी पहूर पोलीस ठाण्यात एकावर गुन्हा दाखल केला आहे.
सविस्तर असे की, जामनेर तालुक्यातील एका गावात ३० वर्षे महिला आपल्या परिवारासह वास्तव्याला आहे. दरम्यान चाळीसगाव तालुक्यातील बेलदारवाडी येथील राहणारा दीपक उर्फ किशोर बाळू बेलदार (वय ३०) या तरुणाने महिलेला लग्नाची आमिष दाखविले. त्यानंतर तिच्यासोबत शारीरिक संबंध करून तिचा विश्वासघात केला. दारू पिऊन तिला शिवीगाळ व मारहाण केल्याचेही समोर आले आहे. हा प्रकार घडल्यानंतर पीडित महिलेने पहूर पोलीस ठाण्यात धाव घेऊन तक्रार दिली. त्यांनी दिलेल्या तक्रारीवरून संशयित आरोपी दीपक उर्फ किशोर बाळू बेलदार यांच्या विरोधात पहूर पोलिसात गुन्हा दाखल केला आहे.
