मुंबई : प्रतिनिधी
बॉलिवूडचे स्टार कपल अशी ओळख असणाऱ्या अभिनेत्री कैटरिना कैफ (Katrina Kaif)आणि विक्की कौशल, (Vicky Kaushal)या जोडीच्या पायाखालची जमीन सरकली आहे. कारण, या लोकप्रिय जोडीला जीवे मारण्याची धमकी देण्यात आली आहे.
सोशल मीडियाच्या माध्यमातून त्यांना ही धमकी देण्यात आल्याची माहिती समोर आली आहे. ज्यामुळे सावधगिरी बाळगत या जोडीने सांताक्रुझ पोलीस स्टेशनमध्ये या प्रकरणीची तक्रारही नोंदवली आहे. माहितीच्या बळावर सध्या या प्रकरणाचा तपास सुरू करण्यात आला आहे. धमकी देणाऱ्याबाबत अजून अद्याप काही माहिती झालेले नाही, अशी माहिती मिळते आहे.
