मनसेतर्फे पोलीस अधीक्षकांना मागणीचे निवेदन सादर
साईमत/जळगाव/प्रतिनिधी :
राज्य महामार्ग क्रमांक ६ वरील कालिका माता परिसरात होणारे अपघात तसेच घातपात, अवैध धंदे सुरू असल्याने त्याठिकाणी लवकर पोलीस प्रशासन पोहचत नाही. त्यासाठी कालिका माता परिसरात एक पोलीस चौकी उभारण्यात यावी. त्यामुळे होणारे अपघात कमी होऊन बेशिस्त ट्रॅफिकला आळा बसण्यास मदत होईल. त्यामुळे लवकरात लवकर याठिकाणी पोलीस चौकी उभी राहील, अशी अपेक्षा महाराष्ट्र नवनिर्माण सेनेतर्फे पोलीस अधीक्षक डॉ.महेश्वर रेड्डी यांना दिलेल्या निवेदनाद्वारे केली आहे.
निवेदन देतेवेळी मनसेचे जळगाव जिल्हाध्यक्ष ॲड.जमील देशपांडे, शहर उपाध्यक्ष श्रीकृष्ण मेंगडे, ललित शर्मा, जिल्हा संघटक राजेंद्र निकम, शेतकरी सेनेचे जिल्हाध्यक्ष अविनाश पाटील, चेतन पवार, खुशाल ठाकूर, प्रकाश जोशी, राहुल चव्हाण, ऐश्वर्या श्रीरामे, विकास पाथरे, संदीप मांडोळे, विलास सोनार, विवेक खांबेत, सतीश सैंदाणे यांच्यासह मनसे सैनिक, कार्यकर्ते उपस्थित होते.
