साईमत जळगाव प्रतिनिधी
आर.आर. विद्यालय, जळगाव येथील सर्व शिक्षक, शिक्षकेतर कर्मचारी आणि जिल्हा शैक्षणिक व्यासपीठ यांचा उपोषणाचा दुसरा दिवस 12 मार्च 2026 रोजी सकाळी 10.30 वाजता सुरू झाला आणि संध्याकाळी 5.30 पर्यंत सुरू राहिला. शिक्षण अधिकारी कार्यालय, जि.प. जळगांव समोर या बेमुदत साखळी उपोषणात शिक्षक आणि शिक्षकेतर कर्मचारी एकत्र आले होते, तर विविध शिक्षक संघटना पदाधिकारी, मुख्याध्यापक, पालक शिक्षक संघाचे सदस्य आणि अधिकारी हजर होते.
उपोषणाच्या कार्यक्रमाला सकाळी 12 वाजता मा. कल्पना चव्हाण (शिक्षणाधिकारी – माध्यमिक, जळगाव), राज्य माध्यमिक शिक्षक संघाचे सचिव श्री. एस. डी. भिरूड, शिक्षक संघ अध्यक्ष श्री. एच. जी. इंगळे, तसेच भाऊसाहेब, श्री. आर. एच. बाविस्कर, श्री. मंगेश भोईटे, श्री. एस. के. पाटील, श्री. बच्छाव सर, जळगाव पतपेढीचे संचालक श्री. डी. ए. पाटील, श्री दिगंबर पाटील, श्री. एन. ओ. चौधरी, कलाध्यापक संघाचे अध्यक्ष अरुण सपकाळे, सचिव श्री. हरीश तळेले, श्री. गिरीश भारंबे, यावल पतपेढी अध्यक्ष श्री. किरण झाम्बरे, श्री. चंपालाल चौधरी, जळगाव माध्यमिकाचे संचालक श्री. किरण पाटील, श्री. एस. के. भंगाळे, श्री. तुळशीराम सोनवणे, भुसावळ पतपेढी संचालक श्री. गोपाळ महाजन, ए.टी. झांबरे विद्यालयाचे शिक्षक व कर्मचारी, जिल्हा शिक्षक भारतीचे जिल्हाध्यक्ष नारायण वाघ, माध्यमिक पतपेढीचे संचालक, शिक्षण विस्तार अधिकारी मा. विजय पवार, थेपडे विद्यालयाचे प्राचार्य गणेश बच्छाव, मा. डी. एस. पाटील, चंद्रकांत कोळी तसेच विविध संघटनांचे पदाधिकारी उपस्थित होते. यावेळी विविध माध्यमांचे प्रतिनिधी देखील उपस्थित होते.
उपोषणाचे मुख्य कारण म्हणजे आर.आर. विद्यालयाच्या शिक्षक आणि कर्मचारी वर्गाच्या मागण्यांसाठी ठोस तोडगा अद्याप न मिळाल्यामुळे. प्रमुख मागणी मान्य न झाल्याने आणि चार्ज मिळाल्याची खात्री न झाल्यामुळे शिक्षक संघाने उपोषण पुढे चालवण्याचा निर्णय घेतला आहे.
सध्या परिस्थिती अशी आहे की, उपोषणाची कारवाई 13 मार्च 2026, शुक्रवार रोजीही सुरू राहणार आहे. शिक्षक व कर्मचार्यांचे म्हणणे आहे की, त्यांच्या समस्या तातडीने सोडवणे आवश्यक आहे, अन्यथा शैक्षणिक कार्यावर परिणाम होऊ शकतो.
