डॉ. उल्हास पाटील वैद्यकीय महाविद्यालयाच्या शरीरशास्त्र विभागातर्फे प्रश्नमंजूषा स्पर्धा
जळगाव (प्रतिनिधी)-
येथील डॉ. उल्हास पाटील वैद्यकीय महाविद्यालयातील शरीरशास्त्र विभागातर्फे आयोजित प्रश्नमंजुषा स्पर्धा पार पडली.
डॉ. उल्हास पाटील वैद्यकीय महाविद्यालयाच्या डॉ. केतकी पाटील सभागृहात आयोजित या स्पर्धेचे उद्घाटन संचालक डॉ. एन.एस. आर्विकर, डीन डॉ. प्रशांत सोळंके, रजीस्ट्रार प्रमोद भिरूड, शरीरशास्त्र विभागाचे प्रमुख डॉ. अमृत महाजन, प्रा. डॉ. शुभांगी घुले यांच्या हस्ते करण्यात आले. या प्रश्नमंजुषा स्पर्धेत तीन टिम सहभागी झाल्या होत्या.
भावेश जाधव आणि निर्झरा टाटीया ग्रे टीम, पुष्पक गभाने आणि पल्लवी मोरे यांची बीडीसी टीम, देवर्षी शर्मा आणि प्रतिमा अंबेश यांची एएम टीम यांनी सहभाग घेतला. या स्पर्धेत एएम टीम विजेता ठरली. यावेळी मान्यवरांच्या हस्ते विजेत्या स्पर्धकांना पारितोषिक देण्यात आले.
