साईमत जळगाव प्रतिनिधी
येथील खुबचंद सागरमल विद्यालयाचे क्रीडा शिक्षक प्रविण पाटील यांना शैक्षणिक क्रीडा व पर्यावरण क्षेत्रातील कार्याबद्ल त्यांना रोटरी क्लब ऑफ जळगांव तर्फे मानपत्र देऊन सन्मानित करण्यात आले.
प्रविण पाटील यांनी मागील १० वर्षात 354 शाळाबाह्य विदयार्थांना शिक्षणाच्या प्रवाहात आणले असुन गुणवत्तापूर्ण शिक्षण दिले बेटी बचाव बेटी पठाव या उपक्रमात हि सहभागी होऊन अनेक उपक्रम यशस्वी केले आहेत. बालगुन्हेगार तयार होऊ नये म्हणुन ते अनेक ठिकाणी जाऊन मुलांना प्रबोधन करतात पर्यावरण क्षेत्रात त्यांनी उत्कृष्ट काम केले आहे. क्रीडा क्षेत्रात हि अनेक राज्य राष्ट्रीय खेळाडु त्यांनी घडविले आहे व अनेक क्रीडा स्पर्धाचे आयोजन हि त्यांनी यशस्वीरित्या केले आहे. त्यांच्या या कार्याची दखल घेऊन त्यांना सन्मानित करण्यात आले.
या प्रसंगी डॉ. रेखा महाजन, छाया पाटील, अॅड किशोर पाटील, सुरेद्र छाबडा, अनिल अग्रवाल आदि उपस्थित होते. त्यांचा या यशाबद्ल त्यांचे जैन इरिगेशनचे अध्यक्ष अशोकभाऊ जैन, खा. उन्मेष पाटील, डॉ. सुदर्शन पाटील, डॉ. रितेश पाटील, पिपल्स बॅक संचालक विकास वाघ, डॉ. प्रदिप तळवेलकर, राजेश जाधव , फारुख शेख, प्रा. इकबाल मिरजा यांनी अभिनंदन केले आहे.
