धनादेश अनादर केल्याप्रकरणी ललित सोनार न्यायालयाकडून दोषी

0
2

साईमत, चाळीसगाव : प्रतिनिधी

सोने-चांदीच्या खरेदीपोटी दिलेला धनादेश बँकेत न वटल्याप्रकरणी येथील न्यायालयाने आरोपीला दोषी ठरवून सहा महिने साध्या कारावासाची शिक्षा सुनावून फिर्यादीस भरपाई म्हणून २० लाख रुपये देण्याचा आदेश दिला. ही रक्कम विहीत मुदतीत न्यायालयात जमा न केल्यास अधिकची सहा महिन्यांच्या कारावासाचीही शिक्षा सुनावली.

सविस्तर असे की, येथील ललित अभय सोनार यांनी शहरातील सोने-चांदीचे व्यापारी मनोज सुभाषचंद जैन यांच्याकडून १७ लाख ५० हजारांच्या सोन्या-चांदीची खरेदी केली होती. त्याबदल्यात ललित सोनार यांनी मनोज जैन यांना धनादेश दिले होते. दिलेल्या तारखेला बँकेत धनादेश वटले गेले नाही. त्यामुळे मनोज जैन यांनी ललित सोनार यांच्या विरोधात येथील न्यायालयात खटला दाखल केला होता. ललित सोनार यांनी मनोज जैन यांना पाच लाख रुपये दिल्याचे न्यायालयाला सांगितले.

ललित सोनार हे मनोज जैन यांना केवळ १२ लाख ५० हजार देण्यासाठी पात्र असल्याचा बचाव ललित सोनार केला होता. मात्र, दोन्ही बाजूंचे म्हणणे ऐकून घेतल्यानंतर येथील न्यायालयाचे न्या.ए. एच. शेख यांनी ललित सोनार यांनी घेतलेला बचाव फेटाळून लावला व धनादेश अनादर प्रकरणी ललित सोनार यांना सहा महिन्यांच्या कैदेची शिक्षा सुनावली. तसेच ललित सोनार यांनी मनोज जैन यांना ३० दिवसांच्या आत २० लाख रुपये नुकसान भरपाई म्हणून अदा करावे, असा निकाल देत ही रक्कम न दिल्यास ललित सोनार यांना आणखी सहा महिन्यांच्या कैदेची शिक्षा सुनावली आहे. खटल्यात फिर्यादी मनोज जैन यांच्यातर्फे ॲड. समीर शेख आणि ॲड. अश्‍विनी चावरे यांनी कामकाज पाहिले.

LEAVE A REPLY

Please enter your comment!
Please enter your name here