साईमत, प्रतिनिधी, जळगाव
शहरातील बळीरामपेठतील भाजप कार्यालयात महानगराध्यक्षा उज्ज्वला बेंडाळे यांच्या उपस्थितीत शहर मतदार चेतना अभियानाच्या प्रमुखासह कार्यकारिणीची निवड जाहीर करण्यात आली.
बळीरामपेठेतील भाजपा कार्यालयात भाजपा महानगराध्यक्षा उज्ज्वला बेंडाळे यांच्या अध्यक्षेखाली शहर मतदार चेतना अभियानाची बैठक घेण्यात आली. या अभियानाच्या प्रमुखपदी जितेंद्र मराठे, सहसंयोजकपदी महेश कापूरे तर युवा मोर्चा अध्यक्षपदी आनंद सपकाळे यांच्या निवडीची घोषणा कण्यात आली. 26 ऑगस्ट ते 5 सप्टेंबर या कालावधीत मतदार चेतना अभियान राबविण्यात येणार आहे.
यात नवमतदार नोंदणी, विदेशात असलेल्या मतदारांची नोंदणी, मतदार यादी आधारकार्ड जोडणे, दुबार किंवा मृत मतदारांची नावे वगळणे, याबाबत अभियान राबविण्यात येणार आहे. हे अभियान शहरातील मंडळनिहाय राबविण्यात येणार आहे. त्यामुळे मतदारांसह नवमतदारांनी या अभियानाचा जास्तीत जास्त फायदा घेवून नाव नोंदवून मतदार यादी सुसूत्री करण्यास सहकार्य करावे, असे आवाहन महानगराध्यक्षा उज्ज्वला बेंडाळे यांनी केले आहे.
