सोयगाव : साईमत लाईव्ह तालुका प्रतिनिधी
जरंडी ता.सोयगाव येथील सोसायटी निवडणुकीच्या तेरा सदस्यांच्या निवडणुकीचा कार्यक्रम मंगळवार ता.५ जाहीर करण्यात आला आहे त्यामुळे आता जरंडीला राजकीय पडघम वाजू लागले असून सोयगावच्या राजकारणावर ठसा उमटवलेल्या जरंडी सोसायटीची निवडणुकीसाठी रस्सीखेच होणार आहे जरंडी सोसायटीसाठी १३ जागांसाठी ऑगस्ट क्रांती दिनी ता.९ ला मतदान होणार आहे त्यासाठी मंगळवारी ता.५ पासून निवडणुकी प्रक्रिया हाती घेण्यात आली आहे.जरंडी सोसायटीच्या अंतिम मतदार यादीला १७ जून पासून प्रसिद्धी देण्यात येणार असून ता.५ जुलै ते ११ जुलै पर्यत मुदत आहे.
उमेदवारांच्या यादीची प्रसिद्धी यास कालावधीत करण्यात येणार असल्याची माहिती सहकार अधिकारी ज्ञानेश्वर मातेरे यांनी दिली असून तारीख १२ जुलैला उमेदवारी अर्जाची छाननी करण्यात येणार आहे १३ जुलै ते २७ जुलै पर्यंत उमेदवारी अर्जाची माघारीची अंतिम मुदत तर ऑगस्ट क्रांती दिन ता.९ ऑगस्टला १३ जागांसाठी मतदान घेण्यात येणार असल्याची माहिती सहकार अधिकारी ज्ञानेश्वर मातेरे यांनी दिली आहे