मुंबई : प्रतिनिधी
राज्यातल्या सत्तांतरानंतर पहिल्यांदाच माजी मुख्यमंत्री आणि शिवसेना (Shivsena) पक्षप्रमुख उद्धव ठाकरे (Uddhav Thackeray)यांची ‘सामना’साठी (Saamana)कार्यकारी संपादक संजय राऊत (Sanjay Raut)यांनी मुलाखत घेतली आहे.या मुलाखतीत ठाकरे यांनी राजकीय घडामोडीवर भाष्य करत बंडखोरांवर निशाणा साधला. आज आणि उद्या ही मुलाखत प्रदर्शत होणार आहे. या मुलाखतीवर मनसेने (MNS)व्यंगचित्राच्या माध्यमातून सडकून टीका केली आहे.
“साहेब’ जैसा जैसा बोले हा तैसा तैसा चाले म्हणून यांचे आस्तित्व बुडाले”, असे म्हणत मनसेने शिवसेना प्रमुख उद्धव ठाकरे आणि शिवसेनेचे खासदार संजय राऊत यांच्यावर टीकास्त्र सोडले.
मनसेचे नेते संदीप देशपांडे यांनी एक व्यंगचित्र शेअर केले आहे. या चित्रात मुलाखतीला सुरुवात करण्याआधी संजय राऊत आणि उद्धव ठाकरेंमधील संवाद दाखवण्यात आला आहे. “हे घ्या साहेबांनी पाठवलेले मुलाखतीसाठीचे प्रश्न आणि उत्तरं, असे संजय राऊत उद्धव ठाकरेंना म्हणताना दिसत आहे. त्यावर बघा आता कशी देतो मी खणखणीत उत्तरं, असे उद्धव ठाकरे म्हणताना दिसत आहेत. विशेष म्हणजे या संभाषणावेळी संजय राऊतांच्या हातात घड्याळ आहे. मागच्या काही दिवसांपासून उद्धव ठाकरे शरद पवार बोलतील तसंच वागत असल्याची टीका मनसेकडून वारंवार करण्यात येत आहे, हे विशेष. मनसेच्या या व्यंगचित्रावर शिवसेनेकडून काय प्रत्युत्तर येते याकडे पाहावे लागेल.
