साईमत, जळगाव : प्रतिनिधी
गोदावरी नर्सिंग महाविद्यालयातील बीएससी नर्सिंगचा निकाल नुकताच जाहीर झाला आहे. त्यात विद्यार्थ्यांनी घवघवीत यश संपादन केले आहे. त्यात नारायणी कदम हिने ७६ टक्के गुण मिळवून प्रथम क्रमांक पटकाविला. वैष्णवी भुटे हिने ७४ टक्के मिळवून द्वितीय क्रमांक, प्रणाली घोडे हिने ७४ टक्के गुण मिळवून तृतीय क्रमांक, अजिंक्य वाघमारे याने ७३.२० टक्के गुण मिळवून चतुर्थ, आकांक्षा झिरे हिने ७२ टक्के गुण मिळवून पाचवी तर सहावी आकांशा डेबजे हिने ७१.८० प्राप्त करत यश प्राप्त केले आहे. महाविद्यालयाचा ९० टक्के निकाल लागला आहे.
विद्यार्थ्यांच्या यशाबद्दल गोदावरी फाउंडेशनचे अध्यक्ष डॉ.उल्हास पाटील, उपाध्यक्ष सुभाष पाटील, सचिव डॉ.वर्षा पाटील, सदस्या डॉ.केतकी पाटील, हृदयविकारतज्ज्ञ डॉ.वैभव पाटील, गोदावरी नर्सिंग प्राचार्य प्रा.विशाखा वाघ, प्रशासकीय अधिकारी प्रवीण कोल्हे, शिवानंद बिरादार यांच्यासह संपूर्ण शिक्षकांनी कौतुक केले आहे.
