साईमत, अमळनेर : प्रतिनिधी
शहरासह तालुक्यात वृक्षवल्ली फाउंडेशनतर्फे दरवर्षीप्रमाणे वृक्षारोपण आणि होतकरू विद्यार्थ्यांसाठी भेट दिली जाते. या महिला ग्रुपने मंगळवारी, १५ ऑगस्ट रोजी स्वातंत्र्य दिनाचे औचित्य साधून अमळनेर तालुक्यातील करणखेडा येथील विनायक दादा यादवराव पाटील माध्यमिक विद्यालयासाठी पंखा भेट देण्यात आला. तसेच शाळेत ध्वजारोहण होऊन विद्यार्थ्यांनी सांस्कृतिक कार्यक्रमात देशभक्तीपर गीते सादर केली. यावेळी अपेक्षा पवार यांच्या देशभक्ती गीताला पोलीस पाटील कविता पाटील यांनी ५०० रुपयाचे बक्षीस दिले.
याप्रसंगी वृक्षवल्ली ग्रुपच्या अध्यक्षा नीलिमा सोनकुसरे, उपाध्यक्ष योगिता पांडे (गायिका/सचिव), अपेक्षा पवार, दिशा संदानशिव, स्वाती बोरसे, सुनिता वानखेडे, अनिता जाधव, मोहिनी सोनार, मुख्याध्यापक पवार, श्री.पाटील, श्री.पांडे, श्री.चव्हाण, श्री.धनगर, राजू आबा, किशोर आबा, सरपंच आबा, कविता पाटील, पोलीस पाटील शांताबाई पाटील यांच्यासह सर्व शिक्षक, शिक्षकेतर कर्मचारी, विद्यार्थी उपस्थित होते.