साईमत, जामनेर : प्रतिनिधी
तालुक्यातील नेरी दिगर येथील एका तरूण शेतकऱ्याची दूचाकी बाजार समितीच्या आवारातून अज्ञात चोरट्याने चोरून नेल्याची घटना घडली आहे. याप्रकरणी जामनेर पोलीस ठाण्यात अज्ञात चोरट्यांविरोधात गुन्हा दाखल केला आहे.
सविस्तर असे की, ऋषीकेश मदनसिंग पाटील (वय २३, रा. कुसुंबा ता.जि.जळगाव) हा तरूण आपल्या परिवारासह वास्तव्याला आहे. सोमवारी, २१ ऑगस्ट रोजी कामानिमित्त ऋषीकेश हा त्याची दूचाकीने (क्र.एमएच १९ सीएम ४४७) जामनेर तालुक्यातील नेरीदिगर येथील बाजार समितीत आला होता. त्यावेळी त्याने दूचाकी बाजार समितीच्या आवारातच लावलेली होती. दरम्यान, दुपारी साडेबारा वाजेच्या सुमारास अज्ञात चोरट्याने पार्किंगला लावलेली दूचाकी अज्ञात चोरट्याने चोरून नेल्याचे समोर आले. त्याने दुचाकीचा सर्वत्र शोध घेतला. परंतू दूचाकी कुठेही मिळून आली नाही. अखेर सोमवारी, २१ ऑगस्ट रोजी दुपारी ४ वाजता जामनेर पोलीस ठाण्यात धाव घेवून तक्रार दिली. त्याने दिलेल्या तक्रारीवरून अज्ञात चोरट्यांविरोधात गुन्हा दाखल केला आहे. तपास पो.हे.कॉ. अतुल पवार करीत आहे.
